වෝහාරික විගණනය කල සියලුම සාමාජිකයින් ‌හොරකම වසන් කිරීමට උත්සාහ දරා ඇති පුද්ගලයන්ය.

වෝහාරික විගණනය … සකසා ඇත්තේ බැදුම්කර හොරුන්ම එකතු වෙලා.

ශ්‍රී ලංකා මහ බැංකුව විසින් නිකුත් කරන ලද බැඳුම්කර නිකුතු බැඳුම්කර සම්බන්ධයෙන් වූ වෝහාරික විගණන වාර්තාව ගැන හිටපු මහබැංකු අධිපති අජිත් නිවාඩ් කබ්රාල් මහතා සිය මතය ඉදිරිපත් කරයි.

තම ෆේස්බුක් ගිණුම ඔස්සේ ඒ මහතා තබා ඇති සටහන මෙසේය.

හොරාගේ අම්මාගෙන් පේන ඇසීම….

බැඳුම්කර මගඩිය “වසන් කිරීමේ” ප්‍රයත්නයේ තවත් වැදගත් අංශයක් වශයෙන් “වෝහාරික විගණනය” පෙන්වා දිය හැකිය.

• 2018 වසර තුලදී, “වෝහාරික විගණනයක්” පවත්වන්නේ යයි කියමින්, වසරක කාලයක් චූදිතයන් සහ හොරුන්ට නිදැල්ලේ සිටීමට අවකාශයක් ලැබුණා.

• බැඳුම්කර මගඩිය මුලින්ම ක්‍රියාත්මක කිරීමේ දී සේවය කල සහ ඉන්පසුව එම මගඩිය සෑම ආකාරයකින්ම වසන් කිරීමට සහය ලබා දුන් මුදල් මණ්ඩල සාමාජිකයින්ගෙන් බහුතරයකින් සමන්විත වූ මුදල් මණ්ඩලයේ “අධීක්ෂණය යටතේ” (under the authority of the Monetary Board) “2015 ට පෙර” කටයුතු පිළිබඳව “වෝහාරික විගණනයක්” යයි කියමින් තවත් ක්‍රියාවලියක් 2019 අප්‍රේල් මස ආරම්භ කළා.

• එසේ කරද්දී, ඊට පෙර, කරන ලද විගණකාධිපතිවරයාගේ විගණන, ශ්‍රේෂ්ඨාධිකරණ තීන්දු යනාදිය ඕනෑකමින් සැලකිල්ලට නොගෙන ඇති බව පෙනේ.

“වෝහාරික විගණනය” සඳහා විවිධ පෞද්ගලික සමාගම් වලට දැවැන්ත ගෙවීම් කළා..

• “වෝහාරික විගණනය” සඳහා රුපියල් මිලියන 275 ක් ගෙව්වා යයි මහ බැංකුව ඉතා උජාරුවෙන් නිවේදනයක් නිකුත් කරා. එහෙත්, කිසිදාක මහ බැංකුවේ සිදු නොවූ ආකාරයට මුදල් මණ්ඩලයේ සභිකයින් දෙදෙනෙකුටත් (ක්‍රිෂාන්ත පෙරේරා සහ නිහාල් ෆොන්සේකා) 2019 වසරේදී රුපියල් ලක්ෂ 16 ක දැවැන්ත මුදලක් එම විගණන “සම්බන්ධීකරණය” පිණිස ගෙවා ඇති බව සදහන් කළේ නැහැ.

• මෙම විගණනය නිලධාරී මට්ටමින් “සම්බන්ධීකරණය” කිරීම සඳහා මුදල් මණ්ඩලය පත්කළේ රනිල් වික්‍රමසිංහ සහ එ.ජා.ප. යට ඉතා සමීප නිලධාරියෙකු වන නෙලුමනී දවුලුගල මහත්මියයි.

• ඉහත සදහන් අය සහ එජාපයට සම්බන්ධ නායකයින් සමඟ පවත්වා ගෙන යන සම්බන්ධතා ඔවුන්ගේ දුරකතන ඇමතුම් පරීක්ෂා කිරීමෙන්ද වෙනත් ක්‍රමවේදයන් හරහා ද පරීක්ෂා කල යුතුයි.

ශ්‍රී ලංකාව විදේශ විනිසුරුවරු ශ්‍රී ලංකාවේ කටයුතු වලට අතපෑම ගැන විරුද්ධත්වයක් පළ කරන අතරම, විගනකාධිපතිගේ සෙිවය නොසලකමින් විදේශ සමාගම්, විගණනය සම්බන්ධයෙන් යොදවා ගැනීම අතිහය සැකසහිතය.

“වෝහාරික විගණන” කණ්ඩායම් වලට දැවැන්ත ගෙවීම් වලට අමතරව, වෙනත් පහසුකම් ද මහ බැංකුවේ මුදලින් ලබා දුන්නා..

• “පරිවර්තකයින්” සදහා රු. 200,000 ක් ගෙව්වා.

• සාමාන්‍ය සහ Note book පරිගණක, බාහිර Hard Disk, Scanning යන්ත්‍ර, කාර්යාල උපකරණ, ඡායා පිටපත් යන්ත්‍ර, කෝපි සෑදීමේ යන්ත්‍ර, ලියකියවිලි විනාශ කිරීමේ යන්ත්‍ර (Shedders), ලිපි ද්‍රව්‍ය, මුද්‍රණ යන්ත්‍ර යනාදිය සඳහා රුපියලි මිලියන 10 ක් පමණ මුදලක් වැය කලා.

• කාර්යාල පහසුකම්, දුරකතන පහසුකම්, අඩු මිලට ආහාරපාන, නවාතැන් පහසුකම්, මහ බැංකු සහයකයින්, මහ බැංකුවෙන් සපයන ලද ප්‍රවාහන පහසුකම් ලබා දුන්නා.

මාස 7 ක පමණ කාලයක් තුලදී මෙම පහසුකම් ඉන්දියාවෙන් පැමිණි විදේශීය සේවකයින් 30 දෙනෙකුට පමණ ලබා දී ඇති බවට කරුණු හෙලිවී තියෙනවා.

“වෝහාරික විගණනය” සඳහා රුපියල් මිලියන 275 ක් සහ තවත් රුපියල් මිලියන 25 ක පමණ විශාල සම්පත් තොගයක් වැය කිරීමෙන් විදේශ සේවකයන් 30 දෙනෙකු පමණ මාස 7 ක් පමණ සේවයේ යොදවා ඇති බව මෙයින් පෙනේ.

මුලු රජයේම ආයතන, අමාත්‍යාංශ, සංස්ථා, මණ්ඩල, පළාත් සභා, ප්‍රාදේශීය සභා යනාදී සියල්ලන්ම විගණනය සඳහා සේවකයින් 1,713 දෙනෙක් යොදවා ඇති විගණකාධිපති දෙපාර්තමේන්තුව 2018 දී වැය කර ඇත්තේ රුපියල් මිලියන 1,464 ක් පමණි!

• ඉහත කී විගණන වලට අමතරව, එම මුදලින් 2018 වසරේදී විශේෂ විගණන 27 ක්ද සම්පූර්ණ කර ඇති අතර, ඒවායින් එකක් වී ඇත්තේ 2015 සහ 2016 වසරවලදී සේවක අර්ථසාධක අරමුදලේ ක්‍රියාකාරීභාවය පිළිබඳවය.

• මෙපමණ කටයුතු රාශියක් විගණකාධිපති දෙපාර්තමේන්තුව රුපියල් මිලියන 1,464 ක් වැය කරමින් කර ඇති අතර, 30 දෙනෙකුගේ මාස 7 ක් පමණ සේවය සදහා, රුපියල් මිලියන 300 ක පමණ මුදලක් මුදල් මණ්ඩලය වැය කිරීම ගැන ඇත්ත වශයෙන්ම තියුණු විග්‍රහයක් කල යුතුය!

මහ බැංකුවේ මුදල් මණ්ඩලය මෙම වෝහාරික විගණනය මුදල් මණ්ඩලයේ “අධීක්ෂණය යටතේ” (under the authority of the Monetary Board) ක්‍රියාත්මක කිරීම මහත් විහිළුවකි. පුදුම සහගතය. සියලුම ශිෂ්ට සම්පන්න සම්ප්‍රදායන්ට විරුද්ධය. කිසිසේත් පිළිගත නොහැක.

• “තමාගේම කාරණාවක යම් පුද්ගලයෙකු කිසිවිටෙක විනිශ්චයේ නොයෙදිය යුතුය” යන සිද්ධාන්තය උල්ලන්ඝනය කළා.

• “යුක්තිය ඉටු විය යුතු පමණක් නොව, ඉටු වනවා යයි පෙනිය යුතුය” යන සිද්ධාන්තය උල්ලන්ඝනය කළා.

• “වෝහාරික විගණනයන් සම්පූර්ණයෙන්ම ස්වාධීන ලෙස සිදුවිය යුතුය” යන සිද්ධාන්ත උල්ලන්ඝනය කළා.

• මෙයින් තහවුරු වන්නේ බැඳුම්කර වංචාවේ දූෂිතයන්ට සහ හොරුන්ට පැන යාමට තවත් මාර්ගයක් කපමින්, ඔවුන් කෙරෙහි ඇති අවධානය තවත් අතකට හරවමින්, විශාල මුදලක් ඒ සඳහා පෞද්ගලික ආයතනවලට ලබා දෙමින්, “වෝහාරික විගණනය” තම යටිකූට්ටු අරමුණු ඉෂ්ඨ කර ගැනීමට පසුගිය රජයේ දේශපාලඥයින් සහ බැඳුම්කර මගඩියට සම්බන්ධ නායකයින් යොදවා ඇති තවත් කූට ප්‍රයත්නයක් බවයි.

2019 වන විට මුදල් මණ්ඩලයේ සේවය කරන සියලුම සාමාජිකයින් බැඳුම්කර වංචාවට සෘජුවම හෝ වක්‍රාකාරව සම්බන්ධ හෝ එය වසන් කිරීමට උත්සාහ දරා ඇති පුද්ගලයන්ය.

ඒ නිසා, මෙම වෝහාරික විගණනය එවැනි අයගෙන් සමන්විත මුදල් මණ්ඩලයෙන් අධීක්ෂණය සහ මඟ පෙන්වීම ඔස්සේ ක්‍රියාත්මක කිරීමත සියලුම නීතිමය සහ යහපාලන සිද්ධාන්ත වලට පටහැනි බව පැහැදිලිය.

– Ajith Nivard Cabraal FB

දෙමළ ඉතිහාසය අවුරුදු 250ක් පමණයි / Tamil History 250 Years only

යාපනේ දෙමළ ඉතිහාසය අවුරුදු 250යි.. උතුරේ සිංහලයන්ගේ පාරම්පරික ඉඩම් මෙන්න !

December 13, 2016In: Articles, Colombo Today Local News, Hot News

දහතුන් වැනි ආණ්‌ඩුක්‍රම ව්‍යවස්‌ථා සංශෝධනය යටතේ තිබෙන බලතල ඉක්‌මවා යන ආකාරයට බලය බෙදන්නට එක්‌සත් ජාතීන්ගේ මහලේකම් වරයාට මහින්ද රාජපක්‌ෂ මහතා පොරොන්දුව සිටි බව වත්මන් ජනාධිපතිවරයා පවසයි. එසේම දෙමළ ජනතාවගේ පාරම්පරික ඉඩම් ඔවුන්ට ලබාදීම පිණිස හමුදා කඳවුරු ඉවත් කරන බවද ඔහුගේ පාර්ලිමේන්තු ප්‍රකාශයේ විය. මහින්ද රාජපක්‌ෂ මහතා එදා එලෙස පොරොන්දු වුවද රටේ ජනතාවගේ පැත්තෙන් බලා එය ඉටු නොකළ බව සත්‍යයකි. කොටි සමඟ සිදු වූ අවසාන සටන්වලදී ජාත්‍යන්තරය හමුවේ කියන බොහෝ කතා යථාර්ථයක්‌ බවට පත් කිරීමට මහින්ද රාජපක්‌ෂ මහතාට එතරම් අවශ්‍යතාවයක්‌ තිබී නොමැත. ඊට හේතුව ඔහුට අවශ්‍ය වූයේ යුද්ධය කෙසේ හෝ නිමා කොට කොටි සන්නද්ධ අංශය සහමුලින්ම විනාශ කිරීමයි.

වත්මන් යහපාලන රජය බලයට පත්වීම සඳහා නොයෙකුත් පොරොන්දු ජාත්‍යන්තරයට සහ කොටි ඩයස්‌ පෝරාවට ලබා දී ඇත. තිස්‌ස අත්තනායක මහතා ඉදිරිපත් කළ දෙමළ ජාතික සන්ධානය සමඟ තිබූ ගිවිසුම මෙවැන්නකි. දහතුනට එහා යන බලය බෙදීමක්‌ සහිතව උතුරු නැගෙනහිර පළාත් එකතු කිරීම මෙහි සරල අරමුණයි. දැන් මේ ආණ්‌ඩුව සැරසෙන්නේ එලෙස වූ පොරොන්දු යථාර්ථයක්‌ බවට පත් කිරීමටයි. මහින්ද රාජපක්‌ෂ මහතා මෙන් නොව වත්මන් ජනාධිපතිවරයාද අගමැතිවරයාද කෙසේ හෝ එම පොරොන්දු ඉටුකිරීමට උත්සාහ දරනු දක්‌නට ලැබේ. පසුගිය කාලයේදී පිටකළ ලාල් විඡේනායක කමිටු වාර්තාව ව්‍යවස්‌ථා සම්පාදක මණ්‌ඩල කමිටු වාර්තා ආදිය සලකා බලන කල්හී දෙමළ දේශපාලකයන්ට අවශ්‍ය ස්‌වයං පාලනය ලබා දීමට නව ව්‍යවස්‌ථාවක්‌ ඉදිරියේ එන බව පැහැදිලිය. වත්මන් ජනාධිපතිවරයා පසුගියදා පාර්ලිමේන්තුවේ ඉදිරිපත් කළේ එම ක්‍රියාදාමයේ යථාර්ථයයි.

මෙම බලය බෙදීමට තුඩු දෙන කාරණා කීපයක්‌ තිම්පු සාකච්ඡාවෙන් ජනිත වේ. පළමු කාරණය නම් ඓතිහාසික දෙමළ වාසභූමියයි. එය පිළිගැනීමට ඉන්දු – ලංකා ගිවිසුමද ක්‍රියා කර තිබුණි. ඉන්දීය රජයෙන් දිගින් දිගටම ලංකා රජයට බලපෑම් එල්ලවන්නේ මේ ගිවිසුම දඩමීමා කරගෙනයි. දෙවැන්න නම් කාලයක්‌ තිස්‌සේ දෙමළ ඊලාම් සංවිධාන විසින් සිංහල දේශපාලඥයන් මුදල්වලින් බිලී බා ගැනීමයි. පළමු වැනි කාරණය වඩා ප්‍රබල නමුත් දෙවැන්න මත වත්මන් බලය බෙදීම නමැති ක්‍රියාවලිය සිද්ධ වන බව පෙනේ. කෙසේ වෙතත් වත්මන් ජනාධිපතිවරයාද දෙමල නිජ භූමිය පිළිගන්නා කෙනෙක්‌ ලෙසට අපට තේරුම් ගත හැකිය. ඔහු පාරම්පරික දෙමල ජනතාවගේ ඉඩම් යනුවෙන් ව්‍යවහාර කරන්නේ එA නිසයි.

යාපනයේ සහ වන්නියේ ජීවත් වූ දෙමළ ජනතාව අතීතයේ දී හැඳින්වූයේ මලබාර් වැසියන් ලෙසටයි. ඔවුහු යාපනයේ දෙමල ජනතාව ලෙසට ස්‌ථාපිත කෙරෙනුයේ ඉංග්‍රීසීන්ගේ පාලන සමයේදීය. යාපනෙයේ මාලබාර් වැසියන්ට පොදු වූ තේසවලාමෙයි නීතිය යටතේ ද ඔවුන් හඳුන්වන ලද්දේ මලබාරයන් ලෙසටයි. එම තත්ත්වය තුළ යාපනයේ ජීවත්ව සිටින දෙමල ජනතාවට වසර දෙසිය පණහක පමණ ඉතිහාසයක්‌ හිමිය. ඔවුහු වරින් වර මලබාරයෙන් සංක්‍රමණය වෙමින් ලංකාවේ පදිංචියට පත් වී තිබේ. යාපනයේ වත්මන් මහ ඇමතිවරයා වන විග්නේශවරන් ද මලබාර වැසියෙකු ගේ මුණුපුරෙකි. සම්බන්ධන්ද එසේය. ප්‍රභාකරන්ද එසේය. ඔවුන්ගේ පරම්පරා පැටිකිරිය සලකා බලන කල්හි. දකුණු ඉන්දීය සම්භවයක්‌ සහිත කල්ලතෝනින් ලෙසට හැඳින්විය හැකිය.

1946 ජන සංගණනය අනුව යාපනයේ පහත රට සිංහලයන් 3215 ක්‌ ද උඩරට සිංහලයන් 1331 ක්‌ද ජීවත්ව ඇත. ලන්දේසි පාලන සමයේ අවසාන කාලයේදී සිදුවූ ආගමික පරිවර්තනයද සමඟ සිංහලයන් වන්නියටද මහනුවර රාජධානිය දක්‌වාද පලායැමට උත්සාහ කළහ. එයට හේතුව යාපනයේ තිබූ පාරම්පරික ගම්බිම් ලන්දේසීන් විසින් ආක්‍රමණය කොට විහාරස්‌ථාන කඩාබිඳ දමා සිංහලයන් විනාශ කිරීමයි. ලන්දේසි පාලන සමයට පෙරාතුව වත්මන් වලිකාමම් නොහොත් වැලිගම පාලන වසමේ පූනාල, බතකෝට්‌ටේ, මූලි, ආනෙයිකොට්‌ටේ, කීරමලය ඇතුළු සිංහල ගම් බිම් පණහක්‌ද වඩමාරච්චි පාලන වසමේ වැලිවැටිය, ලීලගම, තඹල, අම්බන ඇතුළු සිංහල ගම්බිම් දහසයක්‌ද තෙන්මාරච්චි පාලන වසමේ කොහිල කන්ද, වනන්දිය, මන්ඩාවිල, පල්ලාවි ඇතුළු සිංහල ගම්බිම් පහළොවක්‌ද පච්චීලපල්ලිවල මොහමලේ, ඉටාවිල, කොස්‌සම්පත්තු, තඹලගම ඇතුළු සිංහල ගම්බිම් දහහතරක්‌ ද පුවඟු දිවයින කාරදිව කැස්‌බදූව ඇතුළු අනෙකුත් දූපත්වල ගම්බිම් විස්‌සක්‌ පමණද තිබී ඇත. නෙදර්ලන්තයේ බීල්ඩ් බෑන්ක්‌ ලේඛනාගාරයේ තිබෙන වර්ෂ 1695 ට අයත් පැරණි සිතියමකට අනුව සිංහලයන්ගේ පාරම්පරික ඉඩකඩම් මොනවාදැයි හඳුනාගත හැකිය. එA අවදියේ දකුණු ඉන්දියාවත් ලංකාවත් අතර ජන සංක්‍රමණ සිදු විය. පරංගි ලන්දේසි යුද්ධ නිසා අවතැන් වූ මලබාරයන් වහලුන් ලෙසට යාපනයේ සහ වන්නියේ පදිංචි කිරීම සිදු වූයේ ලන්දේසි පාලනය ඇරඹීමෙන් පසුව විය යුතුය.

ඉංග්‍රීසි පාලන සමය අවස්‌ථාවේදී දහනවවන සියවස අවසාන භාගයේදී නැවතත් සිංහලයන් බේකරි කර්මාන්තකරුවන් ගඩොල් පෝරණුකරුවන් කම්මල්කරුවන් වශයෙන් යාපනයේ පදංචියට ගිය බව පැවසේ. කන්කසන්තුරේ සිමෙන්ති කම්හල ආරම්භ කළ පසුද එසේ පදිංචියට ගිය සිංහල පිරිස විශාලය. නල්ලුර්, ජාවාකච්ෙච්රිය, කන්කසන්තුරේ ආදී තැන්වල සිංහලයන් ගේ ගම්බිම් පැතිර පැවතුණි. නවසිය අසූව දශකයේදී නල්ලුර්වල නිවාස යොජනා ක්‍රමයක්‌ සකස්‌ කර දී සිංහලයන් නැවත පදිංචි කිරීමට සලස්‌වා ඇත. 1981 වන විට සිංහලයන් 4615 ක්‌ යාපනයේ ද ජීවත්ව සිට ඇත. යාපනය කිලිනොච්චිය මන්නාරම සහ වවුනියාව යන දිස්‌ත්‍රික්‌ක හතරේම 1981 වර්ෂය වන විට සිංහල ජනගහනය 49530 ක්‌ වූ බව පෙනේ. මේ අලුත් ජනගහන තත්ත්වය වර්ධනය වූයේ බ්‍රිතාන්‍ය පාලන සමයෙන් පසුව ඇතිවූ යම් යම් ප්‍රතිසංස්‌කරණ නිසාවෙනි. එහෙත් අසූව දශකයේ ඇතිවූ දෙමල ජාතිවාදී කලබල නිසා උතුරෙන් සිංහලයන් නැවතත් පළවා හරින ලදහ. වර්තමානය වන විට උතුරේ සමස්‌ත සිංහල ජනගහනය විසිදාහකට අඩුය. මේ සංඛ්‍යාවෙන් වැඩිම පිරිසක්‌ ජීවත් වන්නේ මුලතිව් සහ වවුනියා දිස්‌ත්‍රික්‌කයන් තුළය.

2009 දී කොටි ත්‍රස්‌වාදය පරාජය කිරීමෙන් පසු රජය විසින් පත් කරන ලද උගත් පාඩම් හා ප්‍රතිසන්ධාන කොමිසම් වාර්තාවේ නිර්දේශ යටතේ උතුර නැගෙහිර පළාත්වල ඉඩම් කළමනාකරණ කටයුතු විධිමත් කිරීම මැයෙන් අංක 11/0737/533/015 දරන 2011.03.07 දිනැති අමාත්‍ය මණ්‌ඩල පත්‍රිකාව මත 2013 සහ 2014 යන වර්ෂවල කඩිනමින් ක්‍රියාත්මක කිරීමට මාර්ගෝපදේශයන් සහිතව චක්‍රලේඛනයක්‌ නිකුත් කර තිබුණි. මෙම කරුණු ඉඩම් කොමසාරිස්‌ ජනරාල් ආර්. පී. ආර්. රාජපක්‌ෂ මහතා 2013.01.31 දරන ලිපියෙන් උතුර සහ නැගෙනහිර පළාතේ සියලුම ප්‍රාදේශීය ලේකම්වරුන්ට පිටත් කර යවා ඇත. එම චක්‍රලේඛනය අනුව ඉඩම් අහිමි පුද්ගලයන් වෙත ඉඩම් බෙදාදීම සිදු කළ යුතුව තිබුනේ මේ අකාරයටයි.

‘ගැටුම් පැවති කාලය තුළ තම ඉඩම් වලින් ඉවත් වීම හෝ පලවා හරිනු ලැබීම නිසා ප්‍රදේශයෙන් ඉවත් වූ පුද්ගලයන්ට ගැටුම් වලින් පසුව නැවත එම ඉඩම් අහිමි වී ඇති අවස්‌ථාවන් හඳුනාගෙන ඇත. රාජ්‍ය ආයතන සහ ත්‍රිවිධ හමුදාවල පරිපාලනය යටතේ සංවර්ධනය සඳහා යොදා ගෙන තිබීම හෝ වෙනත් පුද්ගලයින් ස්‌ථිර ලෙස පදිංචිව සිටීම වැනි හේතුන් නිසා එසේ පුද්ගලයින් සතු ඉඩම් අහිමි වී තිබිය හැක. එවැනි ඉඩම් නැවත ලබා ගැනීම ප්‍රායෝගිකව අපහසු අවස්‌ථාවලදී එම ප්‍රදේශවලින්ම සුදුසු ඉඩම් හඳුනාගෙන ඔවුන්ගේ කැමැත්ත මත විකල්ප ඉඩම් බෙදා දීමට ක්‍රියාකල යුතුය.’

අවසර පත්‍ර විනාශ වූ අස්‌ථානගත ඉඩම් සඳහා දුන් නිර්දේශය මෙසේය. ‘කලින් බෙදා දී බලපත්‍ර නිකුත් කර තිබූ ඉඩම්වලට අදාළව මුල් බලපත්‍ර සහ/හෝ ප්‍රාදේශීය ලේකම් කාර්යාලවල ඊට අදාළ ලෙජර්/ බලපත්‍ර පිටපත් ආදිය විනාශ හෝ අස්‌ථානගත වී ඇති අවස්‌ථාවල එවැනි ගැටලු විසඳීම සඳහා පළාත් ඉඩම් කොමසාරිස්‌ වෙත ඉදිරිපත් කර උපදෙස්‌ ලබා ගත යුතුය. එවැනි ලියවිලි යාවත්කාලීන කිරීම සඳහා ඉඩම් කච්ෙච්රි ක්‍රමවේදය මින් නැවත තෝරා ගැනීමක්‌ සිදු කර බලපත්‍ර නිකුත් කිරීමට පියවර ගත යුතුය.’

පසුගිය ආණ්‌ඩුවේ කැබිනට්‌ ඇමතිවරයෙකුව සිටි වත්මන් ජනාධිපතිවරයා මේ කැබිනට්‌ නිර්දේශ ගැන නොදන්නවා විය නොහැකිය. ඉන්පසු ක්‍රමානුකූලව 2014 වර්ෂය වන තෙක්‌ම අවතැන් වූ දෙමළ සහ මුස්‌ලිම් ජනතාව නැවත පදිංචි කිරීම සඳහා ගත් ක්‍රියාමර්ගයන් ගැනද දන්නවා ඇත. එහෙත් මේ ක්‍රමවේදය අනුව බලපත්‍ර විනාශ වී ගිය තමන්ගේ ඉඩම් බලහත්කාරයෙන් කොටි මහවිරුපවුල්වලට ලබා ගෙන තිබූ බැවින් අතරමංව සිටි සිංහලයන් ගැන එතුමා දන්නවාදැයි නොදනිමි. මේ චක්‍රලේඛනයේ තිබෙන ආකාරයට පළාත් ඉඩම් කොමසාරිස්‌ වරුන් හට පැවරූ රාජකාරි ඉටු වූයේ දැයි පසුවිපරමක්‌ කර නැත. සැබෑව නම් කිසි විටක්‌ සිංහලයන් වෙනුවෙන් අවශ්‍ය ක්‍රියාමාර්ග නොගත් බවයි. මහින්ද රාජපක්‌ෂ යුගයේ දෙමළ ජනතාව නැවත පදිංචි කිරීම යථාර්ථයක්‌ බවට පත් කළද සිංහල ජනතාව සඳහා ඉඩම් ලබා දීම දිගින් දිගටම ප්‍රතික්‌ෂේප කළ බව දැක්‌විය හැකිය. යාපනයේ ජීවත් වූ සිංහලයන් නාවක්‌කුලියේ බලයෙන්ම පදිංචි වූයේ එහෙයිනි. එසේ නම් පාරම්පරිකව භුක්‌ති විඳ ගෙන පැමිණි සියවස්‌ ගණනාවක්‌ තිස්‌සේ උතුරු පළාතේ අයිතිය අහිමි වෙමින් පැවති සිංහලයන් ගේ ඉඩම් පාරම්පරික ඉඩම් නොවන්නේදැයි අප දැන ගත යුතුය.

මතුගම සෙනෙවිරුවන්

ඔබ උපන් ගෙයි මෝඩයෙකුවන සජිත්ට බෑ

සජිත්ට බෑ
=========

කන්දක් විළි ලා වැදූ මී පැටවෙකු දැකගන්නට මෙරට ජනතාවට වාසනාව උදා විය. ඒ එක්සත් ජාතික පෙරමුණේ ශරීරකෘත්‍යාධිකාරි මණ්ඩලය විසින් ඔවුන් ගේ ජනාධිපති අපේක්ෂකයා ලෙස සජිත් ප්‍රේමදාස නම් කිරීමෙනි. නැවත වතාවක් වෙනස් ස්වරූපයකින් අලුත් බෝතලයකට දමන්න යන්නේ පරණ වයින්ම වුවත් මෙවර “මට පුළුවන් ” ස්වරූපයෙන් එන්නේ ප්‍රචාරණයට කෝටි ගණන් වැයකරමින් මිනිස් වාසයට නුසුදුසු පෙට්ටි ගෙවල් සාදා අසරණ මිනිසුන් ණයකරුවන් කරන, කිසිදු දැක්මක් නැති තවමත් හැටේ දශකයේ චින්තනයක් සහ යැපුම් මානසිකත්වයක් සහිත සාමාන්‍ය පෙළ අසමත් තම ආසනයවත් දිනාගත නොහැකි ප්‍රේමදාස පුත්‍රයාණෝ ය. පහත ඇත්තේ ඔහු කැබිනට් ඇමති ධුරයක් හොබවන ආණ්ඩුව මහ දවල් කළ මහා පරිමාණ දූෂණ හා වංචා ය.

🔺 අගමැති රනිල් වික්‍රමසිංහ , අමාත්‍ය රවි කරුණානායක හා මහ බැංකු අධිපති අර්ජුන මහේන්ද්‍රන් සම්බන්ධ වු මහ බැංකු බැඳුම්කර මංකොල්ලය (සජිත් ප්‍රේමදාස පවා ප්‍රසිද්ධ වේදීකාවේ පිළිගත්තකි)

🔺අමාත්‍ය රවී කරුණානායක සිය අමාත්‍යංශ බලතල භාවිත කරමින් පුද්ගලික ව්‍යාපාර සඳහා වාහන ආනයනය කොට රජයට කෝටි ගණනක් පාඩු කිරීම.

🔺අමාත්‍ය මලික් සමරවික්‍රම විසින් මහපොල භාරකාර අරමුදලින් මුදල් වංචා කිරීම.

🔺අමාත්‍ය තලතා අතුකෝරාල විසින් මැද පෙරදිග යන ශ්‍රමිකයන්ගේ රක්ෂණ ක්‍රමයෙන් මුදල් වංචා කිරීම.

🔺අග්‍රාමාත්‍ය රනිල් වික්‍රමසිංහ, අමාත්‍ය මලික් සමරවික්‍රම, හා ආර් පාස්කරලිංගම් විසින් හම්බන්තොට වරාය චීන සමාගමකට වසර 99 කට බදුදීමේදී කළ මුල්‍ය වංචාව.

🔺අමාත්‍ය කබීර් හා චරිත රත්වත්තේ විසින් ශ්‍රී ලාංකන් ගුවන්සේවයේ එයා‍ර් බස් ඇනවුම අවලංගු කිරීමේදී සිදු වූ මූල්‍ය වංචාව. (මෙම ඇනවුම අවලංගු කිරීම නිසා ගුවන් සේවාවට වූ පාඩුව රුපියල් මිලියන 17,000 ක් බව ගුවන් සමාගමේ වාර්ශික මුල්‍ය වාර්තාවේ ම සඳහන් වේ.)

🔺අමාත්‍ය පී හැරිසන් හා වී අලවි මණ්ඩලයේ සභාපති එක්ව තෝරාගත් සමාගම් කිහිපයකට වී නිකුත් කොට කළ මුදල් වංචාව.

🔺 අමාත්‍ය රාජිත සේනාරත්න තම බලතල අවභාවිත කරමින් මොදර ධීවර වරාය බදු දීම හා ගැඹුරු මුහුදේ මසුන් ඇල්ලීමට වංචනික ලෙස නැව් අටක් ගෙන්වීම.

🔺අමාත්‍ය රවී කරුණානයක හා හර්ෂ ප්‍රභාත් සිල්වා යන අය රජයට වංචා කරමින් වාහන කැබලි කිරීමේ ව්‍යාපාරයක් මගින් රජයට පාඩු කිරීම.

🔺අමාත්‍ය රාජිත සේනාරත්න මහතා සෞඛ්‍ය ඇමති ලෙස ඖෂධ මාෆියාවක් හැසිරවීම.

🔺අග්‍රාමාත්‍ය රනිල් වික්‍රමසිංහ, අමාත්‍ය මලික් සමරවික්‍රම, ආර් පාස්කරලිංගම් හා චරිත රත්වත්තේ විසින් නොරිච්චෝලේ ගල් අඟුරු බලාගාරයට ගල් අඟුරු සැපයීමේදී මුදල් වංචාවක් කිරීම.

පහත ඇත්තේ 2015 සිට මේ දක්වා සජිත් ප්‍රේමදාස කැබිනට් අමාත්‍ය ධුරක් හෙබවූ ආණ්ඩුවක් මේ දක්වා රටට අත්කර දුන් ප්‍රගතියයි.

🔹2012 වසරේ 3.88% වු විරැකියාව 2018 වන විට 4.4% දක්වා වැඩිවී ඇත.

🔹2012 වසරේ දී නීතියේ ආධිපත්‍යය අතින් ලොව 48 වන ස්ථානයේ සිටි ලංකාව 2018 වසරේ සිටියේ 68 වන ස්ථානයේ ය.

🔹2015 වනවිට ලොව වේගයෙන්ම සංවර්ධනය වන නගරය වු කොළඹ නගරය අද මුල් නගර දහයේවත් නැත.

🔹2014 ට සාපේක්ෂව භාණ්ඩ හා සෙවා බදු 100% ඉහළ ගොස් ඇත.

🔹ආසියාවේ දුර්වලම ආර්ථික වර්ධන වේගය වූ 3.1% පසුගිය වසරේ වාර්තා විය. 2019 වන විට අපට පසුපසින් සිටින්නේ ඇෆ්ගනිස්තානය පමණි.

🔹 2012 වසරේ දේශීය ඉතිරිකිරීම් දළ දේශීය නිෂ්පාදිතයට සාපේක්ෂව 27.20% වූ අතර එය 2018 වන විට 21.20 දක්වා අඩු වී ඇත.

🔹රජයේ ආයෝජන 2014 වසරේ දළ දේශීය නිෂ්පාදිතයට සාපේක්ෂව 32.3% අතර 2018 වසරේ එය 28.6% පහත බැස තිබුණි.

🔹දළ දේශීය නිෂ්පාදිතයට සාපේක්ෂව රාජ්‍ය ණය 2014 වන විට 77.6% ක් වූ අතර එය 2018 දී 91% දක්වා වැඩිවී තිබුණි.

🔹2014 වනවිට ඇමරිකානු ඩොලරයක් වෙනුවෙන් රුපියල් 131.1 ගෙවීමට සිදුවූ අතර 2019 වනවිට එය 182.5 දක්වා ඉහළ ගොස් ඇත.

🔹ට්‍රිලියනය ඉක්ම වූ බැඳුම්කර වංචාව නිසා විදේශ ආයෝජන අහිමි වීමෙන් රුපියලේ අවප්‍රමාණය වීම 16% කින් ඉහළ ගියේය.

🔹පසුගිය රජය සැළසුම් කළ මෙගාවොට් 1200 විදුලි බල ව්‍යාපෘතිය ක්‍රියාත්මක කළේ නම් අදවන විට විදුලි ඒකකයට ගෙවන මුදල රු 12.36 කි.

🔹2014 වසර වනවිට බැංකු කේෂ්ත්‍රයේ රුපියල් බිලියන 165 වු
බොල් ණය ප්‍රමාණය 2018 වනවිට රුපියල් බිලියන 263 දක්වා වැඩිවී තිබුණි.

🔹2014 වනවිට ඇමරිකානු ඩොලර් මිලියන -8500 ක් වු ආනයන අපනයන වෙළද ශේෂය 2018 වනවිට ඇමරිකානු ඩොලර් මිලියන -10,300 දක්වා වැඩි වී තිබුණි.

🔹2014 වසරේ ඇමරිකානු ඩොලර් මිලියන 24,000 ක වෙළඳපල ප්‍රාග්ධනායනයක් සහිතව අප ආසියාවේ හොඳම කොටස් වෙළඳපල වු අතර එය 2018 වසර වනවිට ඩොලර් මිලියන 15,500 දක්වා පල්ලම් බැස තිබුණි.

🔹2019 අප්‍රේල් 21 වන පාස්කු ඉරිදා එල්ල වූ ත්‍රස්තවාදී ප්‍රහාරයත් සමග සංචාරක කර්මාන්තය මුළුමනින්ම බිඳ වැටුණු අතර හෝටල් සේවකයන් 2000 කට රැකියා අහිමි විය.

මේ සියල්ල කියවූ පසු සජිත්ට බැරි බවත් ඔහු වටා සිටින්නේ අන්තවාදී අසමත් දූෂිතයන් බවත් ඔබට තේරුම් ගත නොහැකි නම් ඔබ උපන් ගෙයි මෝඩයෙකු බව තහවුරු කිරීමට කිසිදු පරීක්ෂණක් අවශ්‍ය වන්නේ නැත.

===================
සොනාල ගුණවර්ධන

ඩයස්පෝරා සල්ලි වැඩ කළහොත් 20 වැනි සංශෝධනය එක් දිනකදී විවාද කොට සම්මත කළ හැක…

ව්‍යවස්ථා සෙල්ලමේ ඇත්ත අරමුණ

ටී.එන්.ඒ. පක්‍ෂයේ පාර්ලිමේන්තු මන්ත‍්‍රී එම්.එ්. සුමන්තිරන් මහතාගේ ප‍්‍රකාශවලට අනුව කුමන හෝ ව්‍යවස්ථා සංශෝධනයක් පෙබරවාරි 4 වැනිදාට පෙර සම්මත කිරීමට නියමිතය. ඔහු ප‍්‍රසිද්ධියේ ප‍්‍රකාශ කරන ආකාරයට අමාත්‍ය මණ්ඩලය පවා තීරණ ගත යුත්තේ ඔවුන්ගේ උපදෙස් අනුවය. එවැනි බලයක් ඔවුන්ට ලැබී ඇත්තේ පසුගිය ආණ්ඩු පෙරළියෙන් පසුව රනිල් වික‍්‍රමසිංහ අගමැතිවරයා නැවත බලයට ගෙන එ්ම සඳහා ඔවුන් විසින් ඉටුකළ කාර්යභාරය නිසා බවද ඔහු විසින් පවසා ඇත. නමුත් ව්‍යවස්ථා සංශෝධනයක් සම්මත කිරීම සඳහා අවශ්‍ය වන තුනෙන් දෙකේ විශේෂ බහුතර බලය ඔවුන් ද ඇතුළත් වන ආණ්ඩුවට ලැබී නැත. එ් සඳහා ඔවුන් එක්සත් ජනතා නිදහස් සන්ධානය තුළ නියෝජනය වන ශ්‍රී ලංකා නිදහස් පක්‍ෂයේ මෛත‍්‍රී පාර්ශ්වයෙන් මන්ත‍්‍රීවරු 24ක් ආණ්ඩුවට ගත යුතුය.

මේ වන තුරු එම අභියෝග ඔවුන්ට ජයගත නොහැකි වී ඇත්තේ ජනාධිපතිවරයා විසින් ගනු ලැබූ ප‍්‍රබල දේශපාලන තීන්දුවක් නිසාය. ශ්‍රී ලංකා නිදහස් පක්‍ෂයෙන් ආණ්ඩුවට යන මන්ත‍්‍රීවරුන්ට ඇමැති පදවි ලබා නොදෙන බවට ඔහු විසින් ගනු ලැබූ දැඩි තීන්දුව නිසා චන්ද්‍රිකා මැතිනිය ගේ ‘කණවැල’ අල්ලන මන්ත‍්‍රීවරුන් පිරිස තවමත් දෙගිඩියාවෙන් පසු වෙති. එහෙත් දෙමළ ඩයස්පෝරාව විසින් එකාට රුපියල් මිලියන 500ක් බැගින් ලබාදීමට නියමිත බවට පැතිරෙන කට කතා අනුව එම තත්ත්වය එක් දවසක දී වුවද වෙනස් විය හැක. කෙසේ වෙතත් සුමන්තිරන් මන්ත‍්‍රීවරයා විසින් කුමන හෝ හේතුවක් නිසා දින වකවානු සඳහන් කිරීමට සමගාමීව අගමැතිවරයා විසින් ව්‍යවස්ථා සම්පාදක මණ්ඩලය කැඳවා නව ව්‍යවස්ථා කෙටුම්පතක් එම සභාවට ඉදිරිපත් කොට ඇත. නමුත් අගමැතිවරයා පවසන්නේ එය කෙටුම්පතක් නොව වාර්තාවක් බවය. එසේ වුවත් එම වාර්තාවේ ඉංග‍්‍රීසි භාෂාවෙන් මුද්‍රණය කොට ඇති පිටකවරයට පසුව එන පූර්විකාවේ සිංහල භාෂාවෙන් සඳහන් වන්නේ මෙසේ ය. ‘‘මෙම ආණ්ඩුක‍්‍රම ව්‍යවස්ථාව අප වෙනුවෙන් සහ ශ්‍රී ලංකාවේ අනාගත පරපුර වෙනුවෙන් ප‍්‍රදානය කර සිටිනු ලැබේ.’’ එම පිට කවරයේ ඉංග‍්‍රීසියෙන් සඳහන් වන්නේ මීට පෙර නිකුත් කළ අතුරු වාර්තා සහ උප කමිටු වාර්තා මත පදනම් වූ වාර්තාවක් ලෙස එම ව්‍යවස්ථාව ඉදිරිපත් කරන බව ය.

එම ලේඛනයේ අවසාන කොටසට ප‍්‍රධාන වශයෙන් එක්සත් ජාතික පක්ෂය හැර සෙසු දේශපාලන පක්ෂ විසින් ලබාදුන් යම් නිර්දේශයන් ලෙස අඩංගුකොට ඇත. පිටු 253 කින් සමන්විත මුල් කොටසේ අඩංගු වන්නේ ව්‍යවස්ථා කෙටුම්පතක් බව සාමාන්‍ය පෙළ සිසුවකුට වුවද තේරුම් ගත හැක. එහි පළමු පරිච්ෙඡ්දය වර්තමාන ව්‍යවස්ථාවේ සඳහන් ආකාරයටම ‘ජනතාව, රජය සහ පරමාධිපත්‍ය ලෙස’ හඳුන්වා ඇත. එම පළමු පරිච්ෙඡ්දය සැලකිල්ලෙන් කියවීමේ දී නව ව්‍යවස්ථාවේ සැබෑ සම්පාදකයින් වන එම්. එ්. සුමන්තිරන් සහ ජයම්පති වික‍්‍රමරත්න යන මන්ත‍්‍රීවරුන් ගේ කූට සැලසුම අනාවරණය වේ. එම පළමු පරිච්ෙඡ්දයේ පළමු වගන්තියෙන් ශ්‍රී ලංකාව මධ්‍යම සහ පළාත්් යනුවෙන් බල ව්‍යුහයන් දෙකකින් සමන්විත බව තහවුරු කෙරේ. එ් අනුව එම වගන්තියටම ඇතුළු කොට ඇති එ්කීය සහ ඔරුමිත්තනාඩු යන හැඳින්වීම් දෙකෙන් ‘ඔරුමිත්තනාඩු’ හෙවත් ‘එක්සත්’ යන්න තහවුරු වේ. එම හැඳින්වීම අමතර වගන්තියකි. එවැනි නව වගන්තියක් නොමැතිව එ්කීය යන වචනය පමණක් තිබුණද එම වචනය නිර්වචනය වන්නේ මධ්‍යම රජයකින් සහ පළාත් රාජ්‍යයන්ගෙන් සමන්විත රාජ්‍යයක් යනුවෙනි. මෑතකදී ලබා දුන් චන්ද්‍රසෝම එදිරිව මාවෙයි සේනාධිරාජා නඩු තීන්දුව අනුව එ්කීය රාජ්‍යයක ඒකීය අන්තයක් මෙන්ම ෆෙඩරල් අන්තයක් ද තිබිය හැක. දැන් මෙම වගන්තිය මගින් පැහැදිලි වන්නේ එක්සත් හෙවත් කොන්ෆෙඩරල් රාජ්‍යයකට ද එ්කීය වචනය යෙදිය හැකි බවය. පවතින ව්‍යවස්ථාවේ පළමු සහ දෙවැනි වගන්ති එකට එකතු කොට සකස් කොට ඇති මෙම පළමු වගන්තියට අතිරේක වාක්‍යයක් ලෙස නොබැදුණු සහ බෙදිය නොහැකි යනුවෙන් වචන යොදා මහජනයා තුළ ව්‍යාජ ආරක්ෂාකාරී මනසක් ඇති කිරීමට උත්සාහ දරා ඇත. එහෙත් එය හුදු ප‍්‍රමිතියක් පමණකි. ලොව කිසිදු රටක ව්‍යවස්ථාවක බෙදී ඇති හෝ බෙදිය හැකිය යනුවෙන් වගන්තියක් අඩංගු විය නොහැක.

පවතින ව්‍යවස්ථාවේ 3 වැනිි වගන්තිය නව ව්‍යවස්ථාවේ දෙවැනි වගන්තිය බවට පත් කොට එහි ඉතා වැදගත් වගන්තියක් වන 4 වැනි වගන්තිය ඉවත් කොට ඇත. පරමාධිපත්‍ය බලය ක‍්‍රියාත්මක කරන ජනාධිපති, පාර්ලිමේන්තුව සහ අධිකරණය යන පාලන ආයතන ත‍්‍රිත්වය නිර්වචනය කෙරෙන්නේ එම වගන්තිය මගිනි. ඊට අමතරව පරමාධිපත්‍ය බලය ක‍්‍රියාත්මක කරන මැතිවරණ මොනවාද යන්න සඳහන් වන්නේද එම වගන්තියේය. එම වගන්තිය වෙනුවට ඇතුළු කෙරෙන වගන්තියේ දැක්වෙන්නේ ව්‍යවස්ථාව මගින් විධිවිධාන සලස්වා ඇති ආකාරයට පරමාධිපත්‍ය බලය ක‍්‍රියාත්මක කළයුතු බවය. ඊළඟට පවතින ව්‍යවස්ථාවේ පස් වැනි වගන්තිය වෙනුවට යොදා ඇති නව ව්‍යවස්ථා කෙටුම්පතේ 4 වැනි වගන්තිය මගින් ද බළලා එළියට ිිපනි. එනම් දේශ සීමා සහ භූමිය පිළිබඳ සඳහන් කිරීමේදී පළාත් වලින් සමන්විත රාජ්‍යයක් යන්න නැවත වතාවක් තහවුරු කොට ඇත.

මෙම පළමු වගන්ති හතර තුළ ව්‍යවස්ථා සම්පාදකයින්ගේ මූලික අරමුණ සැඟවී ඇත. සෙසු සියලූ වගන්ති පිළිබඳ කතා කිරීම වැදගත් වන්නේ එම අරමුණ තවදුරටත් තහවුරු කෙරෙන ආකාරය සහ එහි බරපතළකම සැඟවීම සඳහා වර්ණ ගැන්වීම් කෙරෙන ආකාරය පැහැදිලි කිරීම සඳහා පමණි. උදාහරණ ලෙස 254 වගන්තිය මගින් පළාත් සහ මධ්‍යම රජයේ පාලන එ්කක වෙන් කොට පෙන්වීම තහවුරු කිරීම සඳහා පළාත් සහ මධ්‍යම වශයෙන් පොලිසි දෙකක් ඇති බව පිළිගනී. ඒ අතර ඉතා විචිත‍්‍රවත් ලෙස මූලික අයිතිවාසිකම් මගින් වර්ණ ගැන්වීම් සිදුකොට ඇත. ඊට අමතරව දෙවැනි මන්ත‍්‍රී මණ්ඩලය හෙවත් සෙනෙට් සභාව සහ ව්‍යවස්ථා අධිකරණය යන අංග එකතු කිරීම් මගින් මධ්‍ය දුර්වල කොට පරිධිය ශක්තිමත් කිරීමට මෙම නව ව්‍යවස්ථාව මගින් ප‍්‍රතිපාදන සලසා ඇත. එසේම බෙදුම්වාදී බලවේග විසින් වසර තිහක් තිස්සේ ඉල්ලා සිටි ප‍්‍රධානතම ඉල්ලීම් වන 13 වැනි ව්‍යවස්ථා සංශෝධනය සම්පූර්ණයෙන්ම ක‍්‍රියාත්මක කිරීමට එරෙහිව පවතින ව්‍යවස්ථාමය බාධකද මෙම නව කෙටුම්පත මගින් ඉවත්කොට ඇත. එනම් 13 වැනි සංශෝධනයට අදාළ අංග සියල්ල බාධකවලින් තොරව ක‍්‍රියාත්මක කිරීමට ප‍්‍රතිපාදන සලසා ඇත. උදාහරණ ලෙස ආණ්ඩුකාරවරයාගේ බලය මහ ඇමැතිවරයාට යටත් කොට ඉඩම් පරිහරණ බලය පළාත් සභාවට පවරා ඇත.

මෙම මූලික වෙනස්කම් කිහිපය වැදගත් වන්නේ බෙදුම්වාදී මාර්ග සිතියමේ පූර්ව කොන්දේසියක් සපුරා ගැනීම සඳහා ය. නැෙඟනහිර ටිමෝරය වෙන්වී ය.

මීට අදාළව පෘතුගාලය එරෙහිව ඔස්ටේ‍්‍රලියාව යන ජාත්‍යන්තර අධිකරණයේ නඩු තීන්දුව අනුව යම් ජනතාවකට හෝ ජන කොටසකට වෙන්වී යෑම සඳහා සපුරා ගත යුතු කොන්දේසි අතුරින් පළමුවැන්න එම ජනතාවට රටේ පරමාධිපත්‍ය බලය බෙදී ගොස් තිබීමය. දෙවැන්න එම ජනතාව සමූල ඝාතනයකට ලක් වී සිටීමය. විග්නේෂ්වරන් මහා ඇමැතිලා තොරතෝංචියක් නැතිව සමූල ඝාතන ගැන කතා කරන්නේ කුමක් නිසා දැයි එ් තුළින් පැහැදිලි වේ. තුන්වැන්න එම ජනතාවට අගතිගාමී සහ නින්දා සහගත ලෙස හෙවත් ජාතිවාදී පදනමෙන් සැලකීම ය. එසේ පරමාධිපත්‍ය බලය බෙදීගොස් ඇති රටක ජනතාවට එම බලය ක‍්‍රියාත්මක කිරීමට මධ්‍යම රජය විසින් ඉඩ ලබා නොදේනම් එම ජනතාවගේ වෙන්ව යැමේ අයිතිය ජාත්‍යන්තර නීතියට අනුව තහවුරු වේ.

ඉහත සඳහන් කළ ආකාරයට නව ව්‍යවස්ථා කෙටුම්පතෙහි පළමු පරිච්ෙඡ්දය මගින් සිදු සිදුකරන්නේ මෙම න්‍යායාත්මක පදනම තහවුරු කිරීමය. එනම් ශ්‍රී ලංකාවේ ජනතාවගේ පරමාධිපත්‍ය මධ්‍යම සහ පළාත් යන එ්කකවලට බෙදී ගොස් ඇති බව තහවුරු කිරීමය. සෙසු ප‍්‍රතිපාදන වැදගත් වන්නේ එම එය දුරටත් වර්ණගන්වා ශක්තිමත් කිරීමටය. එ්කීය වචනය සහ බුද්ධාගමට හිමි ප‍්‍රමුඛස්ථානය වෙනස් කිරීම යන කරුණු වලට බෙදුම්වාදී මාර්ග සිතියමට අනුව කිසිදු වැදගත් කමක් හිමිවන්නේ නැත. එ්වා වැදගත් වන්නේ සැබෑ සංවාදය වෙනතකට යොමු කිරීම සඳහා පමණි. ඕනෑම මොහොතක එම වෙනස්කම් සිදු නොකරන බවට ප‍්‍රකාශ කොට ඊට එරෙහි වන්නන්ගේ ආයුධ උදුරා ගැනීමට හැකියාව ඇත. එය ඉතා දියුණු මානසික යුද උපක‍්‍රමයකි. බොහෝ දේශපාලනඥයන් පමණක් නොව නීති විශාරදයින්ද ඊට ගොදුරු වනු දක්නට ඇත. විධායක ජනාධිපති ක‍්‍රමය අහෝසි කිරීම ද වැදගත් වන්නේ ව්‍යවස්ථා සංශෝධන ක‍්‍රියාවලියේ බෙදුම්වාදී උවමනාව සඟවා ඊට ප‍්‍රජාතන්ත‍්‍රවාදයේ මුහුණක් සවිකිරීම සඳහා බව පැහැදිලිව හඳුනාගත හැක. ආණ්ඩුකාරවරයාගේ බලය දුර්වල කළ පසුව සහ ව්‍යවස්ථා අධිකරණය මගින් විධායකය දුර්වල කොට දෙවැනි මන්ත‍්‍රී මණ්ඩලය මගින් පාර්ලිමේන්තුව දුර්වල කළ විට විධායක ජනපතිට කළ හැකි දෙයක් නැත. 1987දී ඉන්දු ලංකා ගිවිසුම මගින් බෙදුම්වාදී මාර්ග සිතියමේ මූලික පියවර ලෙස ව්‍යවස්ථාව මගින් පළාත් බල එ්කකයක් පිහිටුවන්නේ විධායක ජනාධිපති ක‍්‍රමය සහ ඒකීය වචනය ව්‍යවස්ථාවේ එසේම තිබියදීය. නමුත් එතනින් ඊළඟ පියවරට යෑම පමා වන්නේ විධායක ජනාධිපති ක‍්‍රමය හෝ එ්කීය වචනය නිසා නොව 13 වැනි සංශෝධනය සම්පූර්ණයෙන්ම ක‍්‍රියාත්මක කිරීමට එරෙහිව පනවා තිබූ බාධක නිසාය. මෙම නව ව්‍යවස්ථා කෙටුම්පත මගින් එම බාධක සියල්ල ඉවත් කෙරේ. එ් ආකාරයට මෙම නව ව්‍යවස්ථා කෙටුම්පතෙහි අන්තර්ගතයට අදාළ අරමුණ පැහැදිලි කළ හැකි වුවත් එම ක‍්‍රියාවලියේ අරමුණ පැහැදිලි කිරීම පහසු නැත. නව ව්‍යවස්ථා කෙටුම්පත මගින් බෙදුම්වාදී මාර්ග සිතියමට අවශ්‍ය ආකාරයට මූලික ව්‍යවස්ථාමය කොන්දේසි සැපිරෙන බවට විවාදයක් නැත. එමගින් බෙදුම්වාදයට පක්ෂපාතී 35%ක පමණ යැයි සැලකෙන සුළු ජනකොටස්වලට සහ ඔවුන්ට නායකත්වය දෙන දේශපාලන කප්පම්කරුවන්ට යම් ධෛර්යයක් ලැබේ. ඊට අමතරව ආණ්ඩුවට එරෙහිව පවතින ජාත්‍යන්තර පීඩනය ද යම් පමණකට සමනය වේ. නමුත් මෙම නව ව්‍යවස්ථාව ක‍්‍රියාත්මක කිරීමට ඉඩ ඇත්තේ ක‍්‍රම දෙකක් හරහා පමණි. පළමුවැන්න විප්ලවීය ව්‍යවස්ථාවක් ලෙසය. නමුත් එවැන්නක් සඳහා ඡුන්දයක දී මහජන අනුමැතිය ලබාගෙන නැත. එසේම ව්‍යවස්ථා සම්පාදක සභාව පිහිටුවීම සඳහා පාර්ලිමේන්තුව මගින් සම්මත කළ යෝජනාව අනුව එම සභාවේ සම්මතයෙන් පමණක් ව්‍යවස්ථාව ක‍්‍රියාත්මක කළ නොහැක. එවැනි උත්සාහයක් නීති විරෝධී වේ. එසේනම් කළ හැක්කේ මෙම ඊනියා වාර්තාව නැවත කෙටුම්පතක් ලෙස ව්‍යවස්ථා සභාවට ඉදිරිපත් කොට එය සාමාන්‍ය බහුතරයෙන් සම්මත කොට පාර්ලිමේන්තුව හරහා අමාත්‍ය මණ්ඩලයට යැවීමය. නමුත් අමාත්‍ය මණ්ඩල අනුමැතිය දීමේ දී ජනාධිපතිවරයාගේ තීන්දුව තීරණාත්මක වේ. ජනාධිපතිවරයා ව්‍යවස්ථා සම්පාදක ක‍්‍රියාවලිය තුළ නියෝජනය වූයේ නැත. ඊට අදාළ කිසිදු වාර්තාවක් ඔහුට නිල වශයෙන් ලැබුණේ නැති නිසා එම කෙටුම්පත අධ්‍යයනය කිරීම සඳහා ඔහු විසින් කමිටුවක් පත්කොට කාලය ගැනීම සාධාරණීකරණය වේ. විශේෂයෙන්ම ජේ.ආර්. පේ‍්‍රමදාස හා චන්ද්‍රිකා යන ජනාධිපතිවරු නොකළ දේ කිරීමට ගොස් එ් පාපය තම හිස හිස මතට දමා ගැනීමට වර්තමාන ජනාධිපතිවරයා සූදානම් වනු ඇතැයි සිහිබුද්ධිය ඇති කිසිවකුට පිළිගත නොහැක.

මෙම තත්ත්වය ආණ්ඩුව සහ සුමන්තිරන් මන්ත‍්‍රීවරයා ප‍්‍රමුඛ බෙදුම්වාදී බලවේග නොදන්නවා යැයි සිතිය හැකි ද? එසේ නොවන්නේ නම් ඔවුන් සතුව ‘ෆැලෑන් බී’ එකක් තිබිය යුතුය. එය කුමක්ද? දැනට පාර්ලිමේන්තුවට ඉදිරිපත් කොට ඇති 20 වැනි සංශෝධනය මගින් ඊට මඟ විවර වේ. ජනතා විමුක්ති පෙරමුණ විසින් එම සංශෝධනය ඉදිරිපත් කිරීමට භාර ගනු ලැබුවේ ඔවුන්ගේ තනි තීන්දුවක් මගින් නොවන බව කුඩා දරුවකුට වුවද තේරුම් ගත හැක. මෙම සංශෝධන කෙටුම්පත් පිළිබඳ ශ්‍රේෂ්ඨාධිකරණ තීන්දුව ලබාදී ඇති අතර එම කෙටුම්පත අමාත්‍ය මණ්ඩලයට ඉදිරිපත් කිරීමට අවශ්‍ය නොවේ. එය දැන් පාර්ලිමේන්තු ක‍්‍රියාදාමයක් පමණි. ඉහත සඳහන් කළ ආකාරයට ඩයස්පෝරා සල්ලි හරියට වැඩ කළහොත් 20 වැනි සංශෝධනය එක් දිනකදී විවාද කොට සම්මත කළ හැක. පළාත් සභා මැතිවරණ සංශෝධන පනත් කෙටුම්පත් සම්මත කළ ආකාරයට 20 වැනි සංශෝධනය නම් වුු පිට කවරය ඇතුළට ඕනෑතරම් සංශෝධන කාරක සභා විවාදය අවස්ථාවේදී ඇතුළු කළ හැක. බෙදුම්වාදීන්ට අවශ්‍ය සංශෝධන 4 හෝ 5 ඊට ඇතුළු කිරීම සඳහා විනාඩි දහයක්වත් වැය නොවනු ඇත.

ඒ ආකාරයට 20 වැනි සංශෝධනය සම්මත කිරීමේදී බෙදුම්වාදීන් සතුව සැලසුම් දෙකක් තිබිය හැක. පළමුවැන්න මැතිවරණය ක‍්‍රමය වෙනස් කිරීමට අදාළ සංශෝධන ඊට ඇතුළු කිරීම මගින් පාර්ලිමේන්තු මැතිවරණය ඔවුන්ගේ මාර්ග සිතියම අවසන් වනතුරු කල් දමා ගැනීමයි. මෙම ක‍්‍රියාවලිය තුළ ශ්‍රී ලංකා නිදහස් පක්ෂයෙන් ආණ්ඩුවට පැනීමට නියමිත මන්ත‍්‍රීවරුන්ට තව කාලයක් පාර්ලිමේන්තුව තුළ රැඳී සිටීමට අවස්ථාව ලැබේ. ඔවුන් ඡුන්දවලට බිය වීම පුදුමයක් නොවේ. පවතින දුර්වල පාර්ලිමේන්තුව දිගටම පවත්වාගෙන යෑම බෙදුම්වාදීන්ට වඩා වාසි සහගත වෙයි. සුමන්තිරන් මන්ත‍්‍රීවරයා ඇඟිල්ලක් ඔසවන විට අගමැතිවරයා සහ සභානායකවරයා නිහඬ කළ හැකි පාර්ලිමේන්තුවක් දිගටම පවත්වාගෙන යෑම ඔවුනට වඩා වාසි සහගත නොවේද? එම පළමු සැලසුම් ව්‍යාර්ථ වන තත්ත්වයක් යටතේ ඊට ප‍්‍රතිවිරුද්ධ යැයි පෙනෙන දෙවැනි සැලසුම ඔවුන් විසින් ක‍්‍රියාත්මක කිරීමට උත්සාහ කරනු ඇත. ඒ 20 වැනි සංශෝධනය සමග පාර්ලිමේන්තුව විසුරුවා හැර පාර්ලිමේන්තු මැතිවරණයකට යෑම සඳහා වන යෝජනාව ගැට ගැසීම ය. එ් මගින් ශ‍්‍රී ලංකා නිදහස් පක්ෂයේ මහින්ද පාර්ශ්වයේ ඡුන්ද ලබා ගත හැකි යැයි ඔවුන් විශ්වාස කිරීම පුදුමයට කරුණක් නොවේ. කුමන ආකාරයකට හෝ 20 වැනි සංශෝධනය සම්මත කොට දෙස් විදෙස් බෙදුම්වාදී බලවේග සතුටු කිරීමෙන් පසුව ජනාධිපතිවරණයට පොදු අපේක්ෂකයකු ඉදිරිපත් කිරීම මගින් එසේ දිනා ගන්නා තත්ත්වය තවදුරටත් තහවුරු කිරීම සිදු කළ හැක. නව ව්‍යවස්ථා කෙටුම්පත වැදගත් වන්නේ එසේ ඉදිරිපත් කරන පොදු අපේක්ෂකයාට සුජාතභාවය ලබා දීම සඳහා ය. එනම් ඉදිරි ජනාධිපතිවරණය නව ව්‍යවස්ථාවක් සම්මත කරන ජනමත විචාරණයක් බවට පත් කිරීම සඳහාය.

වෛද්‍ය කේ.එම්. වසන්ත බණ්ඩාර

යුනිලිවර් බල්ලෝ බේතින් බාර්’ විකුණා පාරිභෝගිකයින් මුලා කරයි ලක්ස් කියන්නේ තනිකරම විස

සබන් කියා ‘බේතින් බාර්’ විකුණා පාරිභෝගිකයින් මුලා කරයි.. අපිට නොදැනි අපිම විකිණෙයි..

පාරිභෝගික අයිතීන් සුරැකීමේ ජාතික ව්‍යාපාරය විසින් නිකුත් කරන ලද මාධ්‍ය නිවේදනයක් මෙහි දැක්වෙයි.

සබන් කියා බේතින් බාර් විකුණා පාරිභෝගිකයින් මුලා කිරීම! අපිට නොදැනි අපි විකිණෙන අමුතු රටක් මේක!

ඈත අතීතයේ සිටම මිනිසා ශරීරය පිරිසිදු කර ගැනීම සදහා සබන් භාවිතා කර ඇත. ඒ නිසාම බොහෝ පාරිභෝගිකයින් පුරුදුවී ඇත්තේ කඩේට ගොස් ඇගේ ගාන සබන් කැටයක් ඉල්ලීමටය නැතහොත් සබන් කැටයක් මිලදී ගැනීමටය. එහෙත් වර්තමානයේ පාරිභෝගිකයින් සබන් කියා මිලදී ගෙන ඇගේ ගාන්නේ සබන් නොව බේතින් බාර්ය.

අධික ලාබ ලබා ගැනීම සඳහා මහාපරිමාණ සමාගමක් විසින් සබන්වලට කෘත්‍රිම රසායනික සංයෝග එකතුකර බේදින් බාර් යන කාණ්ඩය යටතේ සබන් වලට වඩා මිළෙන් අඩු සබන් වැනි වූ සේදුම්කාරකයක් සඳහා SLS ප්‍රමිතියක් සකස්කරවා ගෙන ඇත.

ලංකාවේ වලංගු ප්‍රමිතීන්ට අනුව ඇ‍ඟේ ගාන සබන් කැටයක් ලෙස හැඳින්වීම සදහා TFM (Total fatty matter ) අගය 76.5% ට වඩා වැඩි විය යුතුය.  TFM අගය 76.5% ට වඩා අඩු නම් එම නිෂ්පාදනය සබන් කියා හැඳන්විය නොහැක. ඒවා බේදින් බාර් (Bathing Bar)ලෙස හඳුන්වයි.

අප සබන් කියා ඇ‍ඟේ ගාන බේදින් බාර් කැටයක අඩංගු TFM  අගය 40% ක් දක්වා අඩු විය හැකිය. අපි රෙදි සේදීමට ගන්නා කෘතිම සේදුම් කාරක අඩංගු නැති සබන් කැටයක TFM අගය 59% කි. බේදින් බාර්වල කෘත්‍රිම සේදුම්කාරක කොටස සඳහා එක් මහා පරිමාණ සමාගමක් විසින් ලොව පුරා රෙදි සෝදන කුඩු සහ පිඟන් සෝදන දියර සෑදීමට ගන්නා සෝඩියම් ඩොඩෙසයිල් බෙන්සීන් සල්ෆොනේට් – Sodium Dodecyl  Benzene Sulfonate (SDBS) නැමති කෘත්‍රිම සේදුම් කාරකය එක්කර ඇත.

එම SDBS නැමති කෘත්‍රිම සේදුම් කාරකය ඇඟ ගල්වන නිෂ්පාදනවලට යෙදීමෙන් ඇස්වලට සහ සමට හානි සිදු විය හැකි බව පරියේෂණ මගින් ඔප්පු වී ඇත.

එසේ වුවද ලංකාවේ ඇති නීතිවල හිඩැස් වලින් රිංගා යන ඇතැම් මහා පරිමාණ සමාගම් SDBS  යෙදූ බේදින් බාර්, සමට සුමුදු සබන් යයි කියා අපට අලෙවි කරමින් සිටී. අපව නොමග යවමින් සිටී.

අද වන විට ජනගහණයෙන් වැඩි කොටසකට කුමක් හෝ චර්ම රෝගයකි. කණ්නාඩි පළඳින කුඩා ළමුන් පවා වැඩි වෙමින් පවතී. එවැනි කූට සමාගම් විශාල ලාභ සඳහා පාරිභෝගික අපිව නොමග යවා අපව ලෙඩ රෝග වලට නිරාවරණය කරමින් සිටී.

ජනතාව බහුජාතික සමාගම් වලින් පීඩා විදිද්දී පාලකයින් මර නින්දේය. රෝග නිධානයට පිළියම් නොකරන ඔවුන් රෝගයට පිළියම් සොයයි. පිළිකා රෝගීන්ගේ සංඛ්‍යාව සෑම වසරකම දෙගුණයක් වෙද්දී පාලකයින් පිළිකා රෝහලේ නම වෙනස් කළේය. තවත් පිළිකා රෝහල් සෑදීම සදහා යෝජන කළේය. ජනතාවට දැන් තිබෙන දැවෙන ප්‍රශ්ණය නම් වස විස තොර  ආහාර ලබා ගැනීම හා විසෙන් තොර සබන් සහ ආලේප ලබා ගැනීමට ඇති නොහැකියාවයි. එහෙත් පාරිභෝගිකයා වැඩි ඇල්මක් දක්වන්නේ දේශපාලනයටය. කරන්නට දෙයක් නොමැත. අපට කීමට ඇත්තේ “අපිට නොදැනි අපි විකිණෙන අමුතු රටක් මේක” යන්න පමණකි.

රංජිත් විතානගේ
සභාපති
පාරිභෝගික අයිතීන් සුරැකීමේ ජාතික ව්‍යාපාරය

17,453 Viewers

 1 224

10 Comments to “සබන් කියා ‘බේතින් බාර්’ විකුණා පාරිභෝගිකයින් මුලා කරයි.. අපිට නොදැනි අපිම විකිණෙයි..”

මංගල සමරවීර නම් විලාසිතාකරුවා ගේ සෙක්සි කොල්ලාට ගණන් හිලව් පැටලීම

ඉංජිනේරු සංසදය – National Professionals’ Forum

“මේ මාසයට මහින්දගේ හෙලිකොප්ටර් ගමන් වියදම බිලියන 84” – මොංගල් සමරවීර

රුපියල් බිලියන් 84 ක් යනු රුපියල් කෝටි 8400කි. එනම් අති විශාල මුදලකි. එය සංසන්දනාත්මකව බැලුවහොත්

ලංකාවේ යුද්ධය පවතින සමයේ හෙලිකොප්ටර් හා ජෙට් ප්‍රහාරක ගමන්ද ඇතුලුව උණ්ඩ, අවි ආයුධ, හමුදාවට පඩි හා දීමනා ඇතුලු සියලුම වියදම් සඳහා ගියේ වසරකට රුපියල් බිලියන 180ක් පමණ මුදලකි.

ලංකාවේ වසරකට මුලු රටේම සෞඛ්‍ය ක්ශේත්‍රයට වැය කරන්නේ රුපියල් බිලියන 60ක පමණ මුදලකි.

හෙලිකොප්ටරයක් අලුතෙන්ම මිලදී ගැනීම සඳහා වැය වන මුදල කෝටි 50 සිට 100 පමණ දක්වා මුදලකි.

මංගලට අනුව මේ මාසය තුල කෝටි 8400ක හෙලිකොප්ටර් ගමන් වල මහින්ද යෙදී ඇත්නම් එය හෙලිකොප්ටර් සියයකටත් වඩා අලුතෙන්ම ගතහැකි තරමේ මුදලකි. එනම් මේ මාසය ඇතුලත දවසකට හෙලිකොප්ටර් තුන බැගින් අලුතෙන්ම ගතහැකි මට්ටමේ මුදලකි.

දැන්වත් ඔබට මෙම බිලියන් 84 කතාවේ මෝඩ ලාමක බව වැටහේද?

මංගල සමරවීර නම් විලාසිතා නිර්මාණකරුවාට ගණන් හිලව් පැටලීම එදා මෙදා තුර සැමදා සිදුවූවකි. වරක් ඔහු කීවේ මහින්දගේ වත්කම ඩොලර් බිලියන 18ක් කියා ය. එහෙත් එවකට ලංකාව සතු මුලු ඩොලර් සංචිතය තිබුනේද ඩොලර් බිලියන 7කට අඩු ප්‍රමාණයකි. එනම් ඛනිජ තෙල්, වාහන, ඖශධ, අමුද්‍රව්‍ය එකී මෙකී නොකී සියලු දේ ගෙන්වීමට තිබුනු මුදලටත් වඩා දෙගුණයකටත් වැඩි මුදලකි.

බොරුවක් වුවත් කියන පිලිවෙලක් ඇත. මේ මන්ද බුද්ධිකයාට අඩුම තරමේ එය වත් හරි හැටි කිරීමට නොහැකි වීම ඔහුගේ මඳ සම්පූර්ණ බව තව තවත් ලොවටම කියාපායි.

හැමිනෙන මිල සුත්‍රය… (මුන්ට චන්දය දුන්නු තොපිට හෙන ගහනවා)

ගෝඨා කවුද?

Matugama Api Mahindata

ගෝඨා කවුද?

ගෝඨාභය පිළිබඳ බෙහෙවින් කතාබහට ලක්වන වෙනත් කාලයක් තිබුණේ නැති තරම්ය. ඒ තරමටම ආණ්ඩු පක්ෂයේ බහුතරයකුත් විපක්ෂයේ බහුතරයකුත් ගෝඨා ගැන කතා වෙන්නේ රටේ තීරණාත්මක කාලවකවානුවකදීය.

“ජනාධිපතිවරණයට එන්නේ ගෝඨා”
“ගෝඨා එන්නෙ නෑ. එන්නෙ බැසිල්”
“මහින්ද තමයි තීරණය ගන්නෙ. සමහර විට මධ්‍යස්ථ කෙනෙක් වන චමල්ව දාන්න පුළුවන්”
“බැසිලුත් නෙවෙයි, ගෝඨාත් නෙවෙයි, ශිරන්තිව දාන්නත් පුළුවන්”
“ඔය කවුරුවත් නොවේ දාන්නෙ දිනේෂ්ව”

මේ රටේ තොටේ ජනතාව හැම තැනම කතා වෙන දේය. එයින් බහුතරයකගේ කැමැත්ත මේ අතරින් කවුරුන් හෝ විය හැකිය. එහෙත් එය මහින්ද අතේ තියෙන තීන්දුවක් නිසා ජනතාව අතර මේ ගැන උනන්දුවක් ඇති අය සිතන්නේ ඒ ගෝඨා විය හැකිම බවය. එසේ නොවේ නම් බැසිල් හෝ චමල් විය හැකි බවය. කෙසේ වෙතත් ‘ගෝඨා’ සාධකය ප්‍රබලය.

එසේ නම් විරුද්ධ පාර්ශ්වයේ එනම් රනිල් පිලේ විරෝධතාව එළිපිට දැක්වූයේ නැතිවුවත් ගෝඨා යම් කතාබහකට ලක්වූ අයකු වී හමාරය. එබැවින් හිටපු ආරක්ෂක ලේකම්වරයා වශයෙන් නොව එකී භූමිකාවෙන් බැහැරව ගෝඨා ජනාධිපති අපේක්ෂකයකු වන්නේ නම් ඔහුට ඒ සඳහා ඇති සුදුසුකම කුමක්දැයි විමසිය යුතුය.

ගෝඨා ආරක්ෂක ලේකම් වන්නට පෙර යුද බිමේ සටන් පෙරමුණේ ඉදිරියෙන්ම සිටි සෙන්පතියකු නිසා යුද බිමෙන් දේශපාලන කරළියට පැමිණි ලෝකයේ බලවත් රාජ්‍යයන්ගේ නායකයන් සිහිපත් කරවන්නේය. ඔවුන්ද යම් දැක්මක් සහිත වූවෝ වෙති.

ගෝඨා ජනාධිපති තරගයට දමන්නේ නම් උතුරු නැඟෙනහිර ඡන්ද සඳහා ඔහුගේ ආමන්ත්‍රණය හා දැක්ම වැදගත්ය. ගෝඨා උතුරු නැඟෙනහිර ජනතාවගේ සැබෑම ප්‍රශ්නය ඇති තැන හඳුනාගත් හැටි දක්වන්නේ මෙසේය.
“උතුරේ ජනතාවට දේශපාලන නිදහසට පෙර ආර්ථික නිදහස අවශ්‍යයි. කොටි සංවිධානය පරාජයට වඩා ලොකුම ජයග්‍රහණය හැටියට මා සලකන්නේ ශ්‍රී ලංකාවේ පශ්චාත් යුද සමයේ සංවර්ධනයයි. අන්තර්ජාතික ප්‍රජාව හෝ අන්තර්ජාතික සංවිධාන මේ තත්ත්වය තවම හඳුනාගෙන නැහැ. 2009-2014 අපි බොහෝ දේ ලබා ගත්තා. ඒ කෙටි කාලයේදී යටිතල පහසුකම් ඇති කළා පමණක් නොව දේශපාලන වශයෙන්ද බොහෝ දේ ඇති කර ගත්තා. මා තදින්ම විශ්වාස කරන්නේ උතුරේ ආර්ථික නිදහස ඉතා වැදගත් බවයි. දේශපාලන නිදහසට පෙර ආර්ථික නිදහස ඔවුන්ට අවශ්‍ය වන්නේ ඒ නිසයි”

ගෝඨාභය රාජපක්ෂ
2018.04.10

දෙමළ ජාතිකයන් වෙනුවෙන් පෙනී සිටින්නේ යැයි කියන ඊනියා දෙමළ දේශපාලන නායකයන්ගේ බොරුව හෙළි කරන ගෝඨා උතුරේ ජනතාවගේ අත මිට සරුවන වැඩසටහනකට සිත යොමන බව ඉඟි කරයි. ප්‍රභාකරන්ලාට එකතු වූ දෙමළ තරුණ තරුණියන්ට එදා නොලැබුණු ආර්ථික නිදහස වත්මන් දෙමළ තරුණ තරුණියන්ට ලබාදීමෙන් ඔවුන් අවි ඔසවන තැනින් මුදා ගන්නා තැනකට ගෙන ඒම ගෝඨාගේ දැක්ම බව පෙනේ.
රටට සංවර්ධනය පිළිබඳ කතිකාවක් අවශ්‍ය බව ගෝඨා කියන්නේය. එය පවතින සංවර්ධනයට පිටින් යන යථාවාදී එකක්ද නැත්ද යන්න පිළිබඳ කතිකාවක් රට තුළ ඇතිවූයේ ගෝඨා දැක්වූ අදහසක් නිසාය.

“හරි නායකත්වයක් ලබාදී කැපකිරීමකට යොමුකර හරි අරමුණක් ලබාදී ඉදිරියට යනවා නම් සාර්ථකත්වය අහිමි වන්නේ නැත. ජනතාව නිරන්තරයෙන් නායකත්වය දෙස බලති. නායකත්වය අවංක යැයි ජනතාවට හැඟෙන්නේ නම් හරි අරමුණක් කරා ගමන් කරන බව වැටහෙන්නේ නම් ක්‍රමයෙන් අනෙක් අයත් ඒ වෙත යොමු කරවන්නට පුළුවන. ආයතනයක් වුවත් රටක් වුවත් දියුණු කළ හැක්කේ එලෙස යොමු කිරීමෙනි. ලෝකයේ දියුණු රටවල් මෙන්ම ආයතනද සනාථ කරන ඇත්ත එයයි. ලංකාවේ අපි සිටින්නේ එවන් තැනකදැයි ආපසු හැරී බැලීම අවශ්‍යය”.

ගෝඨාභය රාජපක්ෂ
2018-04-12 පුවත්පතකට

රටක් සංවර්ධනය කළ හැක්කේ ස්ථිර දැක්මක් සහිත අරමුණක් වෙත යෑමෙන් බව මින් ධ්වනිතය. එය සෘජු තීන්දු තීරණ හා බැඳුනකි. එබැවින් ගෝඨා කියන හැටියට සංවර්ධනයට නව කතිකාවක් අවශ්‍යය. එමෙන්ම රටේ දිළිඳුකම පිටුදැකීම සඳහාද ඔහු දක්වන අදහස වෙනස් වූවකි.

“දිළිඳුකම පිටුදැකීමට විවිධ වැඩසටහන් ක්‍රියාත්මක කළ බව අපි දනිමු. එසේ තිබියදීත් දිළිඳුකම තුරන්ව නැත්තේ ඒවා නිසි ලෙස කළමනාකරණය නොකිරීමෙනි. ඒ වගේම මේවායේ ප්‍රතිලාභ ඇත්තටම ලැබිය යුත්තේ කාටද යන්න නිවැරැදිව සොයා බලා කටයුතු නොකිරීමද මේ අසාර්ථකත්වයට හේතුවකි. මූල්‍ය ආධාර දීමෙන් පමණක්ම දිළිඳුකම තුරන් කළ නොහැකි බවද මේ හරහා තහවුරු කර තිබේ. පුද්ගලයන්ගේ හැකියාව වර්ධනය කිරීමෙන් පමණක් මේ අභියෝගය ජයගත හැකි බවද අමතක නොකළ යුතුය.
මේ පිරිස්වලට රැකියාවක් කිරීමට ඇති හැකියාව දියුණු කිරීමෙන් දිළිඳුකමට විසඳුම් ලබාගැනීමට හැකි වනු ඇත. දිළිඳු අය ජීවත්වන ප්‍රදේශයෙන්ම මේ හැකියාව ලබාගැනීමට අවශ්‍ය පරිසරය නිර්මාණය කිරීමට පුළුවන. දීර්ඝ කාලයක් තිස්සේ යම් වැඩසටහන් ක්‍රියාවට නංවා ඒවායෙන් අපේක්ෂිත ප්‍රතිඵල නොලැබී ඇත්තේ ප්‍රධාන වශයෙන් අධ්‍යාපනය ලබාදීමේ ප්‍රශ්නයක් නිසා විය හැකිය. ඒ නිසා මූලිකව මේ සම්බන්ධයෙන් අවබෝධයක් ලබාගැනීම මෙහිදී අතිශයින් වැදගත්ය”.

ගෝඨාභය රාජපක්ෂ
2018-05-03

නගර අලංකරණය ගැන ගෝඨාට හොඳ ප්‍රතිචාරයක් ජනතාවගෙන් ලැබුණු නිසා පක්ෂ විපක්ෂ කවුරුත් ඒ ගැන පැසසුම් කිරීමට පසුබට නොවෙති. රටේ ප්‍රධානම ප්‍රශ්නයක් වී ඇති, සංවර්ධනයට බාධාවක් වී ඇති වාහන තදබදය ගැනද ගෝඨා අලුත් අදහස් ඇතිව කතා කිරීම කතාබහට ලක්වූවකි. මේ ඒ ගැන ගෝඨා පුවත්පතකට කියූවකි.

“නගරයෙන් එපිට රථගාලක මෝටර් රථය නවතා පොදු ප්‍රවාහනයේ ගමන් කරන සංකල්පය පෙරට ගන්නට පුළුවන. බොහෝ මෝටර් රථ පාවිච්චි වන්නේ කාර්යාලවලට යෑමට පමණි. මේවායේ බොහොමයක ගමන් කරන්නේ තනි පුද්ගලයෙකි. මේ පුද්ගලයාට වඩා පහසුවෙන් තමන්ගේ කාර්යාලයට යෑමට අවශ්‍ය පරිසරය නිර්මාණය කරන්නේ නම් අතිශය බහුතරය එය ප්‍රයෝජනයට ගැනීමට පසුබට නොවනු ඇත. මේ සංකල්පය ක්‍රියාවට නැංවීමේදී උසස් ප්‍රමිතියේ සැප පහසු බස් රථ සේවයට එක් කළ යුතුය. මේ සංකල්පයේදී මොරටුව, මාලබේ, කඩවත ආදී ප්‍රදේශවල ප්‍රමාණවත් වාහන නැවතුම් පොළවල් ගොඩනඟන්නට පුළුවන. එම ස්ථානවලින් දියුණු පොදු ප්‍රවාහන සේවා විවිධ ප්‍රදේශවලට ආරම්භ කළ හැකිය. ඒ වගේම සවස් කාලයේ මේ ක්‍රියාවලිය අනෙක් දිශාවට කාර්යක්ෂමව ක්‍රියාත්මක වීම අත්‍යවශ්‍ය වූවකි”.

මොනෝ රේල් රථවාහන තදබදයට හොඳ විසඳුමකි. බොහෝ රටවල මෙය භාවිත වන ක්‍රමයකි. මාලබේ සිට බොරැල්ලටත් එතැන් සිට ඇස්වාට්ටුවට, කොටුවට, කොල්ලුපිටියට, කොටහේනට, මොනෝ රේල් ධාවන කිරීමේ සැලසුමක් තිබිණි.

ගෝඨාභය රාජපක්ෂ
2018-06-17

රටේ දැවෙන ප්‍රශ්නයක් වූ කුණු කසළ බැහැර කිරීමේ ගැටලුවට ස්ථිරසාර විසඳුමක් තවමත් ලැබී නැති මොහොතක ගෝඨාගේ දැක්ම මෙසේ විස්තර කර ඇත.

“කසළ නිෂ්කාශනයට ක්‍රමවේදයක් යෙදිය යුත්තේ මධ්‍යම රජයේ මැදිහත් වීමෙනි. දුප්පත් පොහොසත්, දියුණු නොදියුණු, සංවර්ධනය වෙමින් පවත්නා සෑම රටකටම කසළ නිෂ්කාශනය ප්‍රශ්නයට මුහුණ දීමට සිදුව තිබේ. එනිසා මේ ප්‍රශ්නය ලංකාවට පමණක් සීමා වූ කාරණාවක් නොවේ. අනෙක් රටවල් මේ සම්බන්ධව විවිධ පර්යේෂණ කර, විවිධ ක්‍රම යොදා ඉහළ තත්ත්වයකට කසළ කළමනාකරණය පත් කරගෙන තිබේ. ඒ නිසා මේ චක්‍රය අලුතෙන් සෙවීමේ වුවමනාවක් අපට නැත. සාර්ථකව මේ කටයුත්ත කෙරෙන රටවල් පිළිබඳ ක්‍රමවත් අධ්‍යයනයක් කර ඒවායෙන් හොඳම ක්‍රමවේදය අපේ රටට ගළපාගන්නට පුළුවන. කසළ පුලුස්සා ඉන්ධනයක් ලෙස භාවිතයට ගෙන විදුලිය බවට හැරවීමේ තවත් ක්‍රමයකි. චීනයේ කසළ පුලුස්සා විදුලිය නිපදවන ව්‍යාපෘතියට දිනකට කසළ මෙටි්‍රක් ටොන් 2,000ක් ගෙනැවිත් පිළිසකර කරනු ලැබේ. කොළඹ, කඩුවෙල, මහරගම ආදී ප්‍රදේශවල කසළ ප්‍රශ්නයට ටොන් 2,000ක පමණ මෙවන් ව්‍යාපෘතියකින් ස්ථිර විසඳුමක් සොයන්නට පුළුවන”.

ගෝඨාභය රාජපක්ෂ
2018-05-24

ගෝඨා තායිලන්තය වැනි රටවල ආදර්ශ හඳුනාගත් බවක් මතු කරමින් කුඩා ව්‍යාපාර හා ව්‍යවසායකයා පිළිබඳ නව දැක්මකින් කතා කිරීමද කතාබහට ලක්කළ යුතුව තිබෙන්නකි.

“කුඩා හා මධ්‍යම ව්‍යවසාය බිහිකර දියුණු කිරීමේදී ඒවා මුල් කාලයේදී නිසි විගණනයකට ලක් කිරීම, නවීන තාක්ෂණය හඳුන්වා දීම යනාදිය සම්බන්ධයෙන්ද යම් ක්‍රමවේදයක් යොදන්නේ නම් සාර්ථක වීම ලබන්නට පුළුවන. මහා පරිමාණ ව්‍යවසායකයන්ට මේ වෙනුවෙන් සිත නැවෙන්නට පුළුවන. ඔවුන්ගේ සමාජ වගකීම් ව්‍යාපෘතිවලින් යම් කොටසක් මෙවන් ක්‍රියාවලියකට යොදන්නේ නම් ඔවුන්ට මෙන්ම සමාජයටත් ඵලදායී වනු ඇත. තමන්ට ව්‍යවසායකයකු විය හැකි බවට විශ්වාසයක් සමාජයේ සෑම කෙනකු තුළම ගොඩනැඟීම මෙහි මූලික අරමුණ විය යුතුය. රැකියා සොයන්නකු වෙනුවට රැකියා නිපදවන්නකු බවට පත්කිරීම මේ හරහා සිදුවිය යුතුය”

ගෝඨාභය රාජපක්ෂ
2018-05-31

ගෝඨාභය පිළිබඳ විවිධ කතා පැතිර යන වෙලාවක ඔහු දක්වන දැක්ම කතාබහට ලක්වීම කළ යුත්තකි. රටට අවශ්‍යව ඇත්තේ දර්ශනයක් සහිතව නිවැරැදිව ගමනක් යා හැකි පිරිසක් වන නිසා මේ කියැවීම කළ යුත්තකි.

ගෝඨා ජනාධිපතිවරණයට ඉදිරිපත් වුවද එසේ නොවූවද මේ කියැවීම් වැදගත්ය. මීට සාරවත් යමක් එකතු කරන ප්‍රබුද්ධයන් සමඟ යහපත් සැලසුම් සැකසිය යුතුය. එය රටට අවශ්‍ය දර්ශනය ගොඩනඟන්නට සමත් වීමට මඟ පාදන්නේය.

ගෝඨාභය නමැති සාධකය සමාජය තුළ කතාබහට ලක්වන්නේ විවිධ පැතිකඩ ඔස්සේ වුවත් මේ සංවාදය රට පුරා කෙරිය යුත්තේය.

එහි ඵලය වන්නේ යහපත් වැඩපිළිවෙළක් ඉදිරියට මතුවීමය. එම මඟ යා යුත්තේ කෙසේදැයි කවුරු කවුරුත් සිතිය යුතුය. නිමැවුම් කළ යුතුය. එකට එකතු විය යුතුය.

#GR

අනුර දිසානායක ඉන්දියාවේ රෝ සංවිධානයේ ප්‍රධානියා වන අනිල් දස්මානා හමුවීමට

ජවිපෙ වත්මන් නායක අනුර දිසානායක අද රාත්‍රී ඉන්දියාව බලා පිටත්වීමට නියමිතව ඇත. ඒ ඉන්දියාවේ රෝ සංවිධානයේ ප්‍රධානියා වන අනිල් දස්මානා හමුවීමට බව ජවිපෙ මධ්‍යම කාරක සභිකයෙකු අපගේ හිතවතෙකු හා පවසා තිබුණි.

පසුගිය දිනවල ලංකාව පිළිබඳ ඉන්දීය දේශපාලන උපක්‍රම වල සිදුවී ඇති බරපතල වෙනස්කම් නිසා ඒ අනුව කටයුතු කරන්නේ කෙසේද යන්නට උපදෙස් ලබා ගැනීම සංචාරයේ මූලික අරමුණ වී ඇත.තවද පක්ශයේ කටයුතු වෙනුවෙන් ලබාදෙන අරමුදල් ප්‍රමාණය වැඩි කර ගැනීම කෙරෙහිද අවධානය යොමු වී ඇති බව ජවිපේ ප්‍රකාශකයා සඳහන් කර තිබුණි.

ඉන්දීය සංචාරයෙන් අනතුරුව ජවිපෙ නායකයා ඩෙන්මාර්කය ඇතුළු යුරෝපා රටවල් කිහිපයක සංචාරයක නියැලෙනු ඇත. 20 වෙනි සංශෝධනය ගෙන ඒම පිලිබඳ ඉතාමත් පැහැදීමෙන් සිටින බෙදුම්වාදී දෙමළ ඩයස්පෝරාව විසින් හමුවීම් කිහිපයක් සංවිධානය කර ඇති බව දැන ගන්නට ඇත. රුද්‍රකුමාරන් ඇතුළු ඩයස්පෝරාවේ ප්‍රභලයන් පිරිසක් හමුවීමටද දින යොදාගෙන ඇතැයි විශ්වාස කටයුතු ආරංචි මාර්ග ඔස්සේ දැනගන්නට ඇත.

එම සංචාරයන් අවසන සුපුරුදු අයර්ලන්ත චාරිකාවේද යනු ඇතැයි ජවිපෙ අභ්‍යන්තර ප්‍රකාශකයා කියා ඇත.

Diaspora in the Britain, France, Canada, Malaysia- this is your the Vellala history…

Diaspora in the Great Britain France, Canada, Malaysia- this your the Vellala history…

මෙන්ම ප්‍රංශය, කැනඩාව, මැලේසියාව සහ මහා බ්‍රිතාන්‍යයේ කොටි ඩයස්පෝරාවේ නායකයන්ද සභාවේ සිටියහ.

මහාචාර්ය ජයසුමනගේ සම්පුර්ණ කතාවේ පරිවර්තනය පහත දැක් වේ.

සභාපතිතුමනි,

ශ්‍රී ලංකාව සම්බන්ධයෙන් දෙමළ ජාතිවාදීන් නිර්මාණය කර ඇති මිත්‍යා ඉතිහාසය සියලු ශ්‍රී ලාංකිකයන්ගේ මානව හිමිකම් කඩ කර ඇත. ක්‍රි ව 13 සියවසට පෙර ශ්‍රී ලංකාව තුළ ස්ථිර දෙමළ වාසස්ථාන තිබී නැති බව යාපන විශ්ව විද්‍යාලයේ ඉතිහාස අධ්‍යයන අංශයේ පළමු මහාචාර්යවරයා වූ කාර්තිගේතු ඉන්ද්‍රපාල ඇතුළු විද්වතුන් පෙන්වා දී ඇත. 16 වැනි සියවසේදී පෘතුගීසීන් ලංකාවට පැමිණෙන විට යාපන අර්ධද්වීපයේ මෙන්ම මුළු ශ්‍රී ලංකාවේම බහුතර ජනතාව සිංහලයන් බව ක්වේරෝස් පියතුමන්ගේ වාර්තාවලින් පැහැදිලිය. ක්‍රි ව 1650 දී පමණ ශ්‍රී ලංකාවේ මුහුදු බඩ ප්‍රදේශවල පාලන බලය හිමි කර ගත් ලන්දේසීහු යාපනයේ දුම්කොළ වගා කිරීම සඳහා වෙල්ලාල දෙමළ ජනතාව වත්මන් තමිල්ඩුනාවේ කෙරමණ්ඩල වෙරළ ප්‍රදේශයේ සිට රැගෙන ආහ.

1815 දී ලංකාවේ පාලන බලය හිමිකරගත් ඉංග්‍රීසීහු වෙල්ලාල දෙමළ ජනතාවට සෙසු ජන කොටස්වලට වඩා ප්‍රමුඛතාවක් ලබා දුන්හ. 1833 පළමු ව්‍යවස්ථාදායක සභාව පිහිටුවන විට රටේ ඉතිහාසය ගැන හෝ ජනකොටස්වල සංයුතිය ගැන කිසිදු තැකීමක් නොකළ ඉංග්‍රීසීහු සිංහල, දෙමළ, බර්ගර් ජනයා වෙනුවෙන් එක නියෝජිතයකු බැගින් පත් කළේය. එවකට වසර දෙදහසකට වඩා ඉතිහාසයක් පැවති රටේ ජාතිය, භාෂාව,සංස්කෘතිය නිර්මාණය කළ මුළු ජනගහනයෙන් 75% නියෝජනය කළ සිංහලයන්ට මෙන්ම එවකට වසර 200 ක ඉතිහාසයක්වත් නොපැවති මුළු ජනගහනයෙන් 10% වත් නොවූ දෙමළ ජනතාව ව්‍යවස්ථාදායක සභාව තුළ සම නියෝජනයක් ලබා දීම කිසිදු ප්‍රජාතන්ත්‍රවාදී මූලධර්මයකට අනුකූල නොවේ.

බ්‍රිතාන්‍ය පාලකයන්ගේ ආශීර්වාදය ලැබූ දෙමළ වෙල්ලාල නායකයන්ට අවශ්‍ය වූයේ මුළු රටේම නායකයන් වීමටයි. කෙසේ නමුත් 1931 වසරේදී සර්වජන ජන්ද බලය හඳුන්වා දීමත් සමග මුළු රටේම නායකයන් වීමට නොහැකි බව වෙල්ලාල නායකයෝ අවබෝධ කර ගත්හ. මේ නිසා අඩුම තරමේ දිවයිනේ උතුරු සහ නැගෙනහිර පළාත්වල පාලකයන් බවට පත් වීමට ඔවුන්ට අවශ්‍ය වූහ. බෙදුම්වාදී ව්‍යාපාරයේ ආරම්භය මෙයයි. එනම් දෙමළ බෙදුම්වාදී ව්‍යාපාරයේ ආරම්භය සිදු වූයේ දෙමළ ජනතාවට ශ්‍රී ලංකාව තුළ කිසිදු අසාධාරණයක් සිදු වීම නොව දෙමළ වෙල්ලාල ජනතාවට මුළු රටේම නායකයන් වීමට නොහැකි වීම හේතුවෙනි. 2009 වසරේදී මුළුමහත් දෙමළ ජාතිවාදී ව්‍යාපාරයම නන්දිකඩාල්හිදී යුදමය වශයෙන් පරාජය කිරීම ඒ සඳහා ලබා දුන් දේශපාලන විසදුම ද වේ. එහෙයින් තවදුරටත් විසඳුමක් ගැන කතා කිරීම අනර්ථකාරීය. ශ්‍රී ලංකාවේ සැබෑ ඉතිහාසය අධ්‍යයනයෙන් පෙනී යන්නේ ශ්‍රී ලංකාව තුළ ජනවාර්ගික ප්‍රශ්නයක් නැති බවයි.

ස්තුතියි

– චන්න ජයසුමන FB

ජයලත් මනෝරත්න, ලක්ෂ්මන් විජේසේකර බූරුවනි තොපේ කලාව අරං රෝල්කරල ගහගනිං පු…..

ජාතික හෙල උරුමයේ ජාතික සංවිධායක නිශාන්ත වර්ණසිංහ විසින් නිකුත් කරන ලද නිවේදනයක් මෙහි දැක්වෙයි.

මාලක දේවප්‍රිය ඔබට තෙරුවන් සරණයි!

ගුවන්විදුලි නාට්‍ය නිෂ්පාදකයෙකු වන මාලක දේවප්‍රිය නිෂ්පාදනය කළ අයි.ටී.එන්.එෆ්.එම් මගින් විකාශය කිරීමට නියමිත ගුවන් විදුලි නාට්‍ය කිහිපයක් සම්බන්ධයෙන් ආන්දෝලනාත්මක තත්ත්වයක් ඇතිවිය. මෙම නාට්‍ය මාලාව මගින් බුදුදහමට හා එහි වදන් වලට නිගරුවන බවට චෝදනාවක් එල්ල විය.

මෙම චෝදනාව එල්ලකළේ රාමඤ්ඤ නිකායේ දක්ෂිණ ලංකාවේ ප්‍රධාන සංඝ නායක ආචාර්ය ඕමල්පේ සෝභිත නාහිමියන්ය. බම්බලපිටිය වජිරාරාම දහම් පාසලට වසර 100ක් පිරිම නිමිත්තෙන් බණ්ඩාරනායක සම්මන්ත්‍රණ ශාලාවේ පැවති උත්සවයේ දී ජනාධිපතිතුමාත්, අගමැතිතුමාත්, බුද්ධශාසන ඇමතිතුමාත් ඇතුළු ආණ්ඩුවේ ප්‍රධානීන් හා ත්‍රෛනිකායික මහා සංඝරත්නය ඉදිරියේත් බෞද්ධ බැතිමතුන් ඉදිරියේත් නායක හිමියන් මෙම පැමිණිල්ල ඉදිරිපත් කළේය. එහි වරදක් තිබේද? නාහිමියන් කියා සිටියේ ආණ්ඩුවේ ඩේලී නිවුස් පුවත්පතේ මේ පිළිබඳව ප්‍රවෘත්තියක් පළවූ බවත් ඒ තුළින් දැනුවත්ව මෙම ප්‍රකාශය කරන බවත්ය.

වැඩිදුරටත් නායක හිමියන් කියා සිටියේ හිටපු ජනාධිපතිනිය යටතේ ක්‍රියාත්මක ජාතික සමගිය හා සංහිඳියා කාර්යංශයෙන් මෙම ව්‍යාපෘතිය ක්‍රියාත්මක වන බවයි. මෙලෙස බුදුදහමට සම්බන්ධ වදන් අවභාවිතා කිරීමක් සිදුවන බවත් මේ පිළිබඳව සොයා බලා කටයුතු කරන ලෙසත් කාරුණිකව ඉල්ලා සිටියේය. නායකහිමියන්ගේ ප්‍රකාශයෙන් පසු සංහිඳියා කාර්යංශය තමා අතින් සිදුවී ඇති වරද පිළිගත් අතර එයින් ඇති වූ බුදුදහමට ඇති වූ නිගාව පිළිබඳව කණගාටුව පළකරමින් එය නිවැරදි කිරීමට කටයුතු කරන බව ප්‍රකාශ කළේය. එම ප්‍රතිචාරය පිළිබඳව අපට සතුටුවිය හැක. එහෙත් මුදල් හා ජනමාධ්‍ය අමාත්‍යවරයා නායකහිමියන්ගේ ප්‍රකාශයට ප්‍රතිචාර දැක්වූයේ අශෝභන ලෙස බව දැකගන්නට ලැබිණි. නායකිහිමියන් චීවරධාරියෙක් ලෙස ගරහාවට ලක්කරමින් මෙම ගුවන්විදුලි නාට්‍ය වලට යොදා ඇති නම් වෙනුවෙන් පෙනී සිටිමින් පාර්ලිමේන්තුවේ ද කතාවක් පැවැත්වීය. මෙය සමස්ත ආණ්ඩුවේ මතය නොවෙයි. එය එම ඇමතිවරයාගේම මතවාදයක් පමණි. සාතිශය බහුතරයක් ආණ්ඩුවේ මැතිඇමතිවරු, මන්ත්‍රීවරු මෙම ඇමතිවරයාගේ අදහස් හා මතවාද පිළිගන්නේ නැත. එහෙත් මෙවැනි සිදුවීම්වලට ආණ්ඩුවේ ඇමතිවරුන් ප්‍රතිචාර දක්වන ආකාරය බෞද්ධ ජනතාවගේ දොම්නසට හා අප්‍රසාදයට හේතු වී ඇත. ඉන් ආණ්ඩුවේ පැවැත්මට හා කීර්තිනාමයට ඇතිකරන හානිය විශාලය.

මීළඟට ඇසිය යුත්තේ පළපුරුදු අත්දැකීම් ඇති ප්‍රවීන ගුවන් විදුලි නාට්‍ය නිෂ්පාදකයෙක්යැයි කියන මාලක දේවප්‍රිය සති අන්ත රාවය පුවත්පතේ සංවාදයට එක්වෙමින් ප්‍රකාශ කර ඇත්තේ මෙවැනි අභූත චෝදනා ප්‍රතික්ෂේප කරන බවත් කිසිදු ආගමකට නිගරුවක් කර නැති බවයි. භාෂාවක පද කිසිවෙකුට අයිති නැතිබවත් එය කැමති පරිදි භාවිතා කළ හැකි බවත් ප්‍රකාශ කරමින් විමර්ශනාත්මකව බැලිය යුතු බවට කාලාම සූත්‍රය ද උපුටා දක්වයි. රාවයේ ඔහුගේ සංවාදය කියවීමෙන් පෙනී යන්නේ භාෂාවක පද පාවිච්චි කිරීමේ දී ඔහුට ආචාර ධර්ම නැති බවයි. හැම විෂයකටම ආවේනික පද ඇත. ආගමික භාෂාවේ ද ඊට ආවේනික බැතිබර, ශ්‍රද්ධාවන්ත, පරමාර්ථමය වශයෙන් වැදගත් වදන් ඇත. සම්මුතිලෝකය තුළ එම වදන් සමග භක්තිමය ලෙසත් ආගමික ලෙසත් බැදී ඇති අතර ඒවා වන්දනාමාන කරයි. නිරතුරු මතුරයි. එම වදන් පාවිච්චි කර ආශිර්වාද කරයි. ඒවායේ වටිනාකම් තේරුම් ගැනීමට නොහැකි කලාකරුවෙක් වේ නම්, නාට්‍ය නිෂ්පාදකයෙක් වේ නම් ඔහුගේ හදවත සහ මනස පිරික්සා බැලිය යුතු අතර  ඔහු මේ සමාජයේ රුපියල් සරණ යන අයෙකු විය යුතුය. මෙම නාට්‍ය වලට යොදා ඇති නම් තුන පිළිබදව මාලකට අවබෝධයක් නැතැයි සිතිය නොහැක.

මෙම නාට්‍ය තුනේ නම් තුනම බෞද්ධ ජනතාවගේ වන්දනාමාන වන වදන් පෙළට වෙනත් අරුත් දෙන්නක් බව මොළයේ කළදක් ඇති ඕනෑම අයෙකුට අවබෝධ වේ. නාට්‍ය දෙකක නම් ඔහු සදහන් කරමින් ඉන් අර්ථවත් වන දේ ගැන ඔහු සදහන් කරයි. එහෙත් නිර්වස්ත්‍රං පරමං සුඛං නාට්‍ය ගැන එහි සදහනක් නැත. මෙම නාට්‍ය තුළින් සමකාලීන මනුෂ්‍යාගේ ස්වරූපය සම්බන්ධව ප්‍රකාශනයන් රැසක් ඉදිරිපත් කරන බව මාලක පවසයි. සමකාලීන මනුෂ්‍යාගේ ස්භාවය මාලක තුළින් පිළිබිඹු වන අතර  එහි යටිපෙළ වාණිජ පරමාර්ථ බව ද, අමතක නොකළ යුතු වන්නේ මෙයට අනුග්‍රහය දක්වා ඇති රාජ්‍ය ආයතනය දෙස බැලීමෙනි. අද්‍යතන වෙළදපොළ සමාජයේ මනුෂ්‍යාට තේරෙන භාෂාවෙන් මෙම නාට්‍ය තුනට නම් තුනක් දෙන්නට ජයලත් මනෝරත්න, බුද්ධදාස විතානච්චි, ඩබ්ලිව්.ජයසිරි, ලක්ෂ්මන් විජේසේකර ඇතුළු මෙයට දායක වූ ප්‍රවීනයන්ට නොහැකිවීම තුළින් ඔවුන්ගේ නිර්මාණාත්මක දුගී බව හෝ ඔවුන් නොදැනුවත්ව වෙනත් පිරිසක් මෙම නම් යොදා ඇති බවත් එය සංහිදියා කාර්යාලයට උචිත පරිදි සිදුකරන ලද්දක් බවද අනුමාන කිරීමේ වරදක් නැත.

මාලක දේවප්‍රිය මෙය නොදන්වා විය නොහැක. එම නම් වලට ද මිළක් ඇත. බුදුදහමට, බුදුවදනට, එහිවදන් වලට, නිග්‍රහ කිරීම හෝ දෙපැත්ත කැපෙන ලෙස පාවිච්චි කිරීම වෙනත් අරුත් මතුවන ලෙස ඉදිරිපත් කිරීමට ද මූල්‍ය වටිනාකමක් ඇත. එය ද බිස්නස් එකකි. ව්‍යාපාරයකි. නිර්මාණයක සියුම් ලෙස කෙරෙන එවැනි දෑ තුළින් යම් සමාජයක, යම් ආගමක ප්‍රජාවකට වේදනාවක්, සිත්රිදවීමක් ඇතිවන්නේ නම් එයින් ගොඩනැගෙන සංහිදියාවක් හෝ සාමයක්ද නැත. ජිවිත අවබෝධයක්ද නැත. ආනන්දයෙන් ප්‍රඥාවට යායුතු බව ප්‍රකාශ කළද නාට්‍යයේ නමින්ම නාට්‍යයට ඇතුළුවීමට අඟුලක් දමා ඇත. බෞද්ධ ප්‍රජාවගේ භක්තියට හා ශ්‍රද්ධාවට සියුම් පහරක් එල්ලකර ඇති අතර එපමණක් නොව එය හාස්‍යයට ලක්කර ඇත. මෑත යුගයේ ප්‍රහසන වේදිකා නාට්‍ය වලද පිටපතින් පිට පැන ඉදිරිපත් කරන සංවාද තුළින් ද මේ ආකාරයටම නිගරුකිරීම් දැකගත හැක. මෙම නාට්‍ය වලට දායක වූ ප්‍රවීනයන්ගෙන් මෙම නාට්‍ය වලට දැමිය යුතු නම් පිළිබදව විමසා සිටියේ නම් මෙවැනි දෙයක් සිදුවිය නොහැකි බව මෙම නිර්මාණකරුවන්ගේ ධාරිතාව දෙස බැලීමේ දී අපට සිතේ. එම නිසා මෙම නාට්‍ය තුනට නම් තුනක් සමාජයට තේරේන භාෂාවෙන් නම් කිරීමට කැමැත්තෙමු.

එසේ යෙදුවේ නම් මෙවැනි කලබගෑනියක් රට තුළ නොවන්නටත් භික්ෂු සමාජයේ හා බෞද්ධයන්ගේ සිත් නොරිදවීමටත් ඒකාබද්ධ විපක්ෂයට ආණ්ඩුවට පහරගැසීමටත් අවස්ථාවක් නොලැබෙන අතර ආණ්ඩුව ද අපහසුතාවයට පත්නොවීමට හේතු වනු ඇත. “ජාතික සමගිය හා සංහිදියාව වෙනුවෙන් අහන්න” කරනු ලබන මෙම නිර්මාණ නිසා හා වෙනත් ප්‍රකාශන නිසා සම්මුතිවාදී ආණ්ඩුවකට මුහුණ දීමට සිදුවන අභියෝග පිළිබදව කලාවේ නිදහස වෙනුවෙන් පමණක් උනිතවාදීව පෙනී සිටින්නන්ගේ ආත්මාර්ථකාමී, කුහක උද්දච්ඡභාවය නිසා ආණ්ඩුවකට හා සමාජයට ගෙවන්නට සිදුවන වන්දිය බොහෝය. මේ වෙනුවෙන් මාධ්‍ය හමු පවත්වන බොහෝ දෙනකුට සමස්තය පෙනෙන්නේ නැත. එනම් කැළේ පෙන්නෙ නැත. එහි තිබෙන ගසක් හෝ දෙකක් පමණක් පෙනේ. මෙවැනි අවස්ථාවක ඒවා පෙන්වා දෙන ස්වාමීන්වහන්සේලාට චීවරධාරීන්, ජාතිවාදීන් අන්තවාදීන් ළිදේ ඉන්න ගෙම්බන්එ, කලා වීහිනයන් යැයි බැන අඩ ගසනවා වෙනුවට මෙම නාට්‍ය තුනේ නම් තුන වෙනස් කිරීමට තරම් මාලක නිහතමානී වුනානම් මෙයට දායක වූ ප්‍රවීනයන් ප්‍රඥවන්ත වුනානම් ඒ සදහා නම්‍යශීලි වුවානම් මේ රට සමාජය, කලාව, දේශපාලනය, සංහිදියාවෙන් පිරි සුමට රටක් වීමට ඉඩ තිබුනා නොවේද?

මාලක දේවප්‍රියගේ නාට්‍ය වලට යොදා ඇති නම්,               යෝජනා කරන නම්

තරු සරණයි! (තෙරුවන් සරණයි!)                                         තරු හඹා පැරදුනෙමි
නිහොන් සැප ලැබේවා! (නිවන් සැප ලැබේවා!)                      සකුරා රටින් පණිවිඩයක්
නිර්වස්ත්‍රං පරමං සුඛං (නිර්වාණං පරමං සුඛං)                         හෙළු සැප  සොයා

ලාංකීය රේඩියෝ ඉතිහාසය තුළ රේඩියෝ නාට්‍ය කලාවේ සෞන්දර්යාත්මක විප්ලවයක් කිරීමට මාලක බලාපොරොත්තුවන බව ප්‍රකාශ කර ඇත. ඒ සදහා වූ විප්ලවයේ ඇරඹුමෙන්ම ජනතාව ඔහුගෙන් වියෝවී ඇති බව ප්‍රකාශ කළ යුතු අතර ඔහු සමග ඉතිරි වී ඇත්තේ සංහිදියා කාර්යාංශයත් අදාළ ඇමතිවරයාත් ඔහු ආරක්ෂා කිරීමට පැමිණ සිටින්නේ වාරණයේ උදහසට එරෙහිව ඔහුගේ කලාවේ නිදහස වෙනුවෙන් යැයි කියා ගන්නා මිතුරනුත් පමණි.

ඉගෙන ගන්න විප්ලව කරන්න – විප්ලව කරන්න ඉගෙන ගන්න.

නිශාන්ත ශ්‍රී වර්ණසිංහ

Nephew of a senior Sri Lankan cabinet minister Faiszer Musthapha (ISIS) මුස්ලිම් මිනිසුන් ඇසුරු කිරීමෙන් වලකින්න

Alleged Islamic State affiliate has uncle in Sri Lankan government

Exclusive by police reporter Mark Reddie

Updated yesterday at 3:00pm

PHOTO: Mohamed Nizamdeen was charged with terrorism offences last week. (Facebook)

RELATED STORY: Turnbull, Bishop among possible targets for alleged IS affiliate: police source

A University of New South Wales student accused of documenting plans in a notebook to assassinate two senior Australian politicians is the nephew of a Sri Lankan cabinet minister.

Key points:

• Mohamed Nizamdeen appears to be an Islamic State affiliate, police say
• He is the nephew of a senior Sri Lankan cabinet minister
• His alleged list of targets included MPs and the Sydney Opera House

The ABC can reveal Mohamed Nizamdeen, 25, is related to Sri Lankan MP Faiszer Musthapha, who is the country’s Sports and Local Government Minister.

The PhD student, who was on Friday charged with a terrorism-related offence, is also the grandson of Jehan Kamer Cassim, the late former chairman of one of Sri Lanka’s biggest banks — Bank of Ceylon.

Mr Nizamdeen, who also worked as a UNSW business systems analyst, was arrested at the Kensington campus last Thursday.

His arrest came after a colleague found a notebook allegedly containing details of plans to kill former prime minister Malcolm Turnbull and his deputy Julie Bishop.

The alleged list of targets also included the former speaker Bronwyn Bishop, the Sydney Opera House, major train stations and police stations across the harbour city.

On Friday police told a media conference Mr Nizamdeen appeared to be an Islamic State affiliate.

Sydney was ‘extremely opening’

Mithra De Alwis, a friend of Mr Nizamdeen’s brother, Kamer, today posted a message on Facebook on Kamer’s behalf, describing Mr Nizamdeen as “an open minded Muslim” who he believed was innocent.

“He would have had absolutely no reason to engage in such disgusting, hateful crimes to a city, which has been extremely opening to him for the past six years,” he said.

PHOTO: Sri Lankan MP Faiszer Musthapha is related to Mohamed Nizamdeen. (Supplied)

“He has not been able to communicate with any one of us back home and we are simply broken and deeply affected by this unnecessary turn of events.”

Plain-clothed detectives seized computers, mobile phones and documents from Mr Nizamdeen’s inner-city apartment at Zetland on Friday before conducting further raids on university grounds.

Police allege Mr Nizamdeen, who does not have any criminal history in Australia, was operating by himself, but do not believe he was capable of carrying out a terror attack.

The commerce graduate was one of the faces of UNSW’s Hero Program and had worked as a business systems analyst since 2016, where he helped develop several projects aimed at stopping identity theft.

While his student visa is due to expire at the end of this month, the Australian Federal Police have applied for a Criminal Justice Stay visa so they can prosecute him in Australia.

If convicted, Mr Nizamdeen could face up to 15 years in prison.

Topics: terrorism, crime, law-crime-and-justice, sydney-2000

Racial Tamils, ජාතිවාදී දෙමලු, தமிழர்கள் இனவெறி

ත්‍රිවේන්ද්‍රම්, මාලේ, මත්තල, කටුනායක, රත්මලාන හා උගත්කම

මත්තල විකිණීම: පට්ට ඇත්ත සහ පට්ටපල් බොරු

නිමල් සිරිපාල ද සිල්වා වැනි තමාට වැඩ බැරි බව පිළිගනිමින් තමා යටතේ පවතින උපාය මාර්ගික වශයෙන් රටට ඉතා වැදගත් ආයතනයක් විකුණා දැමිය යුතු යැයි මහජනයාට කියන ඇමැතිවරයකු ගැන විශේෂයෙන් කතා කිරීමට දෙයක් නැත. නමුත් නීතිඥවරයකු වන ඔහු අදාළ පනත සංශෝධනය කොට මත්තල ගුවන් තොටුපොළ සමාගම පිහිටුවා එම සමාගමේ කොටස්වලින් 70%ක් විකුණා දැමීමේ තීන්දුව නිර්වචනය කරන්නේ බදු දීමක් ලෙසය. එසේනම් කොටස් වෙළෙඳපොළේ කොටස් විකිණීම නමින් සිදුකරන්නේ ආයතන බදු දීමය. තවත් ඇමැතිවරයකුට අනුව ඉන්දියාවේ රාජ්‍ය සමාගමක් වන ඉන්දියානු ගුවන් තොටුපොළ අධිකාරියට අති බහුතර කොටස් විකිණීම යනු රාජ්‍ය පෞද්ගලික ඒකාබද්ධ ව්‍යාපෘතියක් ආරම්භ කිරීමකි. දැන් චම්පික රණවක වැනි උගත් යැයි කියා ගන්නා ඇමැතිවරයකුද එම ලැයිස්තුවට එකතු වෙමින් කරුණු අධ්‍යයනයකින් තොරව මත්තල ගුවන් තොටුපොළට අවමන් කිරීමේ කොන්ත්‍රාත්තුවට අත ගසා ඇත. ඔහුට අනුව මත්තල ගුවන් තොටුපොළේ මාසික ආදායම ලක්ෂ 12ක් වන විට වියදම ලක්ෂ 2500කි. එම වැරැදි දත්ත යොදා ගනිමින් ඔහු මත්තල ගුවන් තොටුපොළ අතිශය ලෙස පාඩු ලබන බව තහවුරු කරමින් එය විකුණා දැමීම සාධාරණීකරණය කරයි.

ඒ ආකාරයට ඔවුහු සියලුදෙනා සූක්‍ෂ්ම ආකාරයට මත්තල ගුවන් තොටුපොළේ කෙටිකාලීන මෙහෙයුම්, ආදායම් සහ වියදම් යාන්ත්‍රික ආකාරයට සංසන්දනය කිරීම මඟින් එම ජාතික ආයතනයේ දීර්ඝකාලීන උපායමාර්ගික වැදගත්කම අවතක්සේරු කරති. එසේ ආදායම් සහ වියදම් සංසන්දනය කරන විට පාඩු ලබන බව පෙනෙන නිසා රාජ්‍ය දේපොළ විකුණා දැමීම සාධාරණීකරණය කෙරෙන්නේ නම් අධිවේගී මාර්ග පවා විකුණා දැමීම නිවැරැදි උපාය මාර්ගික තීන්දුවකි. යහපාලන ආණ්ඩුවේ මැතිවරණ ප්‍රකාශන අනුව පසුගිය රජය විසින් කඩවත – කෙරවළපිටිය අධිවේගී මාර්ගයේ එක් කිලෝමීටරයක් සඳහා වියදම් කිරීමට ඇස්තමේන්තු කරන ලද මුදල කෝටි 730කි. එනම් එදා වටිනාකම අනුව දළ වශයෙන් ඩොලර් මිලියන 5.5කි. එසේනම් ලෝකයේ විශාලතම ගුවන් යානය වන එයාර් බස් ඒ 380 ගුවන් යානය ගුවන්ගත කළ හැකි ශ්‍රී ලංකාවේ එකම ගුවන් තොටුපොළ හෙවත් අනෙකුත් නිර්ණායක අනුව දෙවැනි ගුවන් තොටුපොළ ඉදිකිරීම සඳහා වැය කර ඇත්තේ අධිවේගී මාර්ග කිලෝමීටර් 35ක් ඉදිකිරීම සඳහා වැය කරන මුදලට සමාන මුදලකි. එනම් ඩොලර් මිලියන 190ක් වැනි සොච්චමකි.

එය සොච්චම් ආයෝජනයක් වන්නේ අධිවේගී මාර්ග සඳහා ආයෝජනය කරන මුදලට සාපේක්‍ෂව පමණක් නොවේ. අප රට සතු වර්ග කිලෝමීටර් ලක්ෂ 17කට අධික ගුවන් තොරතුරු කලාපයේ මහා ආර්ථික විභවයට සාපේක්‍ෂවද එය සොච්චමකි. අප රටට එපමණ විශාල ගුවන් සීමාවක් ඉතිරි වන්නේ තවත් වර්ග කිලෝමීටර් හැට දහසකට අධික ගුවන් තොරතුරු කලාපයක් ඉන්දියාවට පිනට ලබාදීමෙන් පසුවය. අප රටේ නිලධාරීන් විසින් තුන් වතාවකදී එනම් 1971 දී, 1972දී සහ 1985දී එම පාවාදීම කරනු ලබන්නේ රටවල් දෙක අතර නීත්‍යනුකූල ගිවිසුමක් අස්සන් කිරීමෙන් තොරවය. එසේ ඉන්දියාවට පිනට දුන් අප රට සතුවූ ගුවන් කලාපය හරහා ඕස්ට්‍රේලියාව, ඉන්දුනීසියාව සහ මැලේසියාව ආදී රටවල් සහ යුරෝපය අතර ඉහළ අහසේ ගුවන් මාර්ග 5ක් වැටී ඇත. ඉන්දියාව විසින් එසේ නීත්‍යනුකූල නොවන ආකාරයට අත්පත් කරගෙන තිබෙන ගුවන් කලාපය ආශ්‍රිතව වාර්ෂිකව ඉන්දියානු රුපියල් මිලියන 3000කට අධික ආදායමක් උපයන බව ක්‍ෂේත්‍රයේ විද්වත්හු ඇස්තමේන්තු කරති. එම ගුවන් කලාපය ඉන්දියාවට යුදමය වශයෙන්ද ඉතා වැදගත් වන්නේ ඉන්දියාව සතු අන්දමන් දූපත් දක්වා එම කලාපය පැතිරීම නිසාය. එම ගුවන් මාර්ග 5 ඉහළ අහසේ තිබීම නිසා ඉන්ධන පිරිමැස්ම අධික බැවින් ඒවා ඉතා ජනප්‍රිය ගුවන් මාර්ග ලෙස සැලකේ.

ඒ ආකාරයට යුදමය සහ ආර්ථික වශයෙන් ඉතා වැදගත් ගුවන් කලාපයක් හිමි රටක විකල්ප හෙවත් දෙවැනි ගුවන් තොටුපොළේ උපාය මාර්ගික වැදගත්කම අවතක්සේරු කිරීම සඳහා චම්පික රණවක අමාත්‍යවරයා විසින් යොදා ගන්නා ලද මූල්‍යමය දත්ත පවා නිවැරැදි නොවේ. විගණකාධිපති වාර්තාව අනුව 2016දී මත්තල ගුවන් තොටුපොළේ මාසික ආදායම ලක්ෂ 40කට වැඩිය. එනම් වාර්ෂිකව රුපියල් මිලියන 49කි. ඒ සඳහා ආයතනය විසින් දරනු ලැබ ඇති පිරිවැය මිලියන 2,339කි. නමුත් සැබෑ මූල්‍යමය වියදම මිලියන 701ක් පමණි. එම වාර්තාවට අනුව 2014දී ආදායම මිලියන 136ක් වන අතර මූල්‍යමය වියදම රුපියල් මිලියන 637කි. එසේම 2014දී 40,386ක් වූ ගුවන් මගීන් ප්‍රමාණය 2016 වන විට 6,207 දක්වා හය ගුණයකට වඩා අඩුවේ. සේවා සැපයූ ගුවන් යානා ප්‍රමාණය 2014දී 2,890ක් වූ අතර 2016 වන විට එය 1317 දක්වා දෙගුණයකින් පහත වැටේ. “ඒ ගුවන් සේවා සහ වී ගබඩා අමාත්‍යවරයාගේ” මෙහෙයුම් දක්ෂතාව නිසා බව ඉතා පැහැදිලිය.

කෙසේ වෙතත් එසේ ලාභ අලාභ බලන අය නොදකින තවත් බොහෝ ආදායම් මත්තල නිසා රටට ලැබේ. ශ්‍රී ලංකාවට දෙවැනි ගුවන් තොටුපොළක් ලැබීම නිසා වසරකට ඉහළ අහසේ පියාසර කරන ගුවන් යානා ප්‍රමාණය 12,000කින් වැඩිවිය. ඒ මඟින් වැඩිවන ආදායම ඇමෙරිකන් ඩොලර් මිලියන 2ක් ඉක්මවා යයි. එම හේතුව නිසාම කටුනායකට ගොඩබාන යානා ප්‍රමාණයද 2016 වන විට 1300. කින් වැඩි විය. ඒ මඟින් ලැබෙන අමතර ආදායම ඩොලර් මිලියන 6ක් ඉක්මවා යයි. තවත් එවැනි ආදායම් සහ ඉතිරිකිරීම් පිළිබඳව තවදුරටත් පහත සාකච්ඡා කෙරේ.
නමුත් විගණකාධිපති වාර්තාව හෝ වෙනත් වාර්තාවක් පදනම් කරගනිමින් සහ කෙටි කාලීන මූල්‍ය දත්ත හුවාදක්වමින් කරනු ලබන විග්‍රහවලින් ඒ මහා ජාතික සම්පත සතු දීර්ඝ කාලීන උපාය මාර්ගික වැදගත්කම අවතක්සේරු වේ. එසේම ඒ මඟින් ඉන්දියාව විසින් ශ්‍රී ලංකාව සතු ගුවන් කලාපය සහ ගුවන් තොටුපොළ අත්පත් කර ගැනීමට අදාළ භූ දේශපාලන සහ යුදමය වුවමනාවද අවතක්සේරු වේ. ඉන්දියාවේ හිටපු ආරක්ෂක උපදේශක සහ විදේශ කටයුතු ලේකම් ශිවසංකර් මෙනන්ට අනුව ශ්‍රී ලංකාව යනු ඉන්දියාවට සැතපුම් 14ක් අෑතින් නවතා තිබෙන ගුවන් යානා රඳවන යුද නෞකාවකි. එමඟින් ශ්‍රී ලංකාවේ ගුවන් කලාපයට අදාළ ඉන්දියාවේ යුද විශ්ලේෂකයන්ගේ තක්සේරුව පැහැදිලි වේ.

ඒ අනුව මත්තල ගුවන්තොටුපොළ යනු මේ වන විට චීනය විසින් අත්පත් කරගනු ලැබ සිටින ලෝකයේ ප්‍රධානතම වරායන් 10න් එකක් වන හම්බන්තොට වරායට කිලෝමීටර් 10ක් දුරින් පිහිටා ඇති ප්‍රහාරක ගුවන් යානා රැඳවිය හැකි යුදමය මර්මස්ථානයක් නොවේද?

කෙසේ වෙතත් චම්පික රණවක අමාත්‍යවරයාට අනුව දෙවැනි හෙවත් විකල්ප ජාත්‍යන්තර ගුවන් තොටුපොළ ඉදිකළ යුත්තේ කටුනායකට යාබදවය. කටුනායක දෙවැනි ගුවන් පථයක් ඉදිකිරීම සහ දෙවැනි ගුවන් තොටුපොළ ඉදිකිරීම අතර වෙනස ඔහු දන්නේ නැත. මත්තල ගුවන් තොටුපොළ අවතක්සේරු කිරීම සඳහා කටුනායක දෙවැනි ගුවන් පථයක් ඉදිකිරීමට යම් නිලධාරීන් පිරිසක් විසින් ගනු ලැබූ තීන්දුව මහින්ද රාජපක්‍ෂ ජනාධිපතිවරයා විසින් අත්හිටුවන ලදී. කටුනායක ගුවන් තොටුපොළේ කාර්යක්ෂමතාව වැඩිකිරීම සඳහා ගුවන් පථයට සම්බන්ධ වන “ටැක්සි මාර්ගයේ” යම් වෙනස්කම් කිරීම පමණක් සෑහෙන බව පසුව ඔප්පු විය. එම වෙනස්කම් වෙනුවට දෙවැනි විකල්ප ගුවන් පථයක් යෝජනා වන්නේ මත්තල අවතක්සේරු කිරීමට බව පැහැදිලිය. දෙවැනි විකල්ප ගුවන් තොටුපොළක් අවශ්‍ය වන්නේ පළමු ගුවන් තොටුපොළට යානයක් ගොඩබෑමට නොහැකි හදිසි අවස්ථාවකදී ප්‍රයෝජනයට ගැනීම සඳහා සහ ශ්‍රී ලංකාවේ ගුවන් සීමාව හරහා පියාසර කරන ගුවන් යානා සඳහා පළමු හෝ දෙවැනි විකල්ප ගුවන් තොටුපොළක් ලෙස යොදා ගැනීම සඳහාය.
ඉතා සරලව ගතහොත් පළමු ගුවන් තොටුපොළ ආශ්‍රිතව අයහපත් කාලගුණික තත්ත්වයක් පවතින විට දෙවැනි ගුවන් තොටුපොළේ එවැනිම තත්ත්වයක් පැවතීමේ සම්භාවිතාව අඩුවිය යුතුය. පසුගිය වසර 25 තුළ සිදු කළ විවිධ අධ්‍යයනවලදී දෙවැනි ගුවන් තොටුපොළ සඳහා වඩාත් සුදුසු ප්‍රදේශ ලෙස තහවුරු වී ඇත්තේ මත්තල සහ වීරවිලය. එම මුහුදු කලාපයට ඉහළ අහසේ පියාසර කරන එන්ජින් දෙකක් සහිත යානයක එකක් අකර්මණ්‍ය වුවහොත් එම යානයක් අඩුම කාලයකින් ගොඩබැසිය හැක්කේ මත්තලටය. මත්තල මුල්කරගෙන නව ගුවන් මාර්ග හතක් නිර්මාණය කිරීමට හැකිවී ඇත. මේ ගුවන් යානා මත්තල ගුවන් තොටුපොළ හරහා ගමන් කළ හැකි අතර තවත් ගුවන් යානා එම ගුවන් තොටුපොළ විකල්ප ගුවන් තොටුපොළ ලෙස යොදා ගනිමින් මත්තලට ඉහළ අහසේ පියාසර කරනු ඇත.

එමිරේට්ස් ගුවන් සමාගම ශ්‍රී ලංකා රජයට එවා ඇති ලිපියක් අනුව මත්තල ඉදිකිරීමේදී 4ජ් ගුවන් පථයක් ඉදිකරන ලෙස එම සමාගම ඉල්ලා ඇති අතර එම සමාගම ඒ 380 යානා මත්තල හරහා වැටී ඇති ගුවන් මාර්ග යොදා ගන්නා බවට සහ මත්තල විකල්ප ගුවන් තොටුපොළ ලෙස යොදාගන්නා බවට සහතික වී ඇත. නමුත් මත්තල ඉදිකිරීමෙන් පසුව එහි වැදගත්කම අවතක්සේරු කිරීම සඳහා පට්ටපල් බොරු ප්‍රචාරය කිරීමේ සිට වී ගබඩා කිරීම දක්වා වූ ක්‍රියාවලියක් දියත්වූ නිසා එහි සැබෑ වටිනාකම ප්‍රචලිත කිරීම සඳහා විධිමත් අලෙවිකරණ ක්‍රියාවලියක් දියත් නොවීය. එහි ප්‍රතිඵලයක් ලෙස ශ්‍රී ලංකාවේ ගුවන් තොරතුරු කලාපය මඟහැර මාලේ ගුවන් කලාපය යොදා ගනිමින් එමිරේට්ස් ගුවන් සමාගම සතු ගුවන් යානා 91ක් එක් සතියකට අරාබිකරයේ සිට ඕස්ට්‍රේලියාව දෙසට ගමන් කරයි. මත්තල ගුවන් තොටුපොළ අපේක්‍ෂිත ආකාරයට ප්‍රතිඵලදායක ලෙස සහ කාර්යක්ෂමව ක්‍රියාත්මක වූවා නම් එම ගුවන් යානා මත්තල ගොඩබෑම් සිදු නොවූවද එම ගුවන් තොටුපොළ විකල්ප ගුවන් තොටුපොළ ලෙස නම් කරමින් ඉහළ අහසේ පියාසර කරනු ඇත.

එවිට ගුවන් කලාපය භාවිත කිරීමේ ගාස්තුව ලෙස පමණක් වසරකට අවම වශයෙන් රුපියල් මිලියන 160ක ආදායමක් ශ්‍රී ලංකාවට ලැබේ. මාලේ ගුවන් කලාපය වෙනුවට ශ්‍රී ලංකාවේ ගුවන් තොරතුරු කලාපය යොදා ගැනීම මඟින් ගුවන් කාලය කෙටි වන බැවින් සහ රැගෙන යා යුතු ඉන්ධන බර සහ දහනය අඩුවන බැවින් එම සමාගමට ඊට වඩා ප්‍රතිලාභයක් ලැබේ.

කටුනායකට යානයක් ගොඩබෑමට නොහැකි අවස්ථාවක මත්තල දෙවැනි ගුවන් තොටුපොළට එය ගොඩබෑම සඳහා ගතවන්නේ විනාඩි 10කි. ඒ නිසා රැගෙන යා යුතු අමතර ඉන්ධන බර බෙහෙවින් අඩුවේ. නමුත් මත්තල නොමැති නම් ත්‍රිවේන්ද්‍රම් හෝ මාලේ ගුවන් තොටුපොළට ගොඩබෑම සඳහා පැයක කාලයක් ගතවේ. ඒ සඳහා විශාල ඉන්ධන ප්‍රමාණයක් රැගෙන යෑමට සිදුවේ. එසේ මත්තල දෙවැනි ගුවන් තොටුපොළ ඉදිකිරීම නිසා කටුනායක යානා ගොඩබස්සවන ගුවන් සමාගම්වලට වසරකට ඉතිරි වන මුදල ඇමෙරිකන් ඩොලර් මිලියන 13කට අධිකවේ. එම ඉතිරියෙන් 50%ක් එයාර් ලංකා සමාගමට ලැබේ. මත්තල ගුවන් තොටුපොළ පිහිටි ස්ථානය උපාය මාර්ගික වශයෙන් තවදුරටත් වැදගත් වන්නේ ඒ මඟින් හම්බන්තොට වරාය සහ ඒ ආශ්‍රිත ආයෝජන කලාපය දියුණු වන විට ඊට අවශ්‍ය ගුවන් සේවා සැපයීම සඳහාය.

හම්බන්තොට වරාය ඉදිකිරීමට පෙර එම වරාය ඉදිකිරීම පමා කිරීමට සහ එහි වැදගත්කම අවතක්සේරු කිරීමට යම් බලවේග ක්‍රියාත්මක විය. එවැනි වුවමනාවක් තිබිය හැක්කේ සිංගප්පූරුවට බව එම කාලයේදී චෝදනා එල්ල විය. අනාගතයේදී පැනමා ඇළ මෙන් තායිලන්තයේ “වක්‍රා”ඇළ කැපූ පසු දකුණු චීන මුහුදේ සිට අරාබි මුහුද දක්වා වැටී ඇති ලෝකයේ ප්‍රධානතම නාවික මාර්ගයේ පිහිටි ප්‍රධානතම වරාය හම්බන්තොට වරාය බවට පත්වේ. එවිට සිංගප්පූරු වරාය සහ මලක්කා සමුද්‍ර සන්ධිය මඟහැර යන දැන් පවතින දුරට වඩා මුහුදු සැතපුම් 1800ක් අඩු නාවික ගමන් මාර්ගයක් බිහිවනු ඇත. එවිට දකුණු චීන මුහුදේ සිට අරාබි මුහුද දක්වා නාවික ගමන් සඳහා දැනට ගතවන දින 11ක කාලය දින 7ක් දක්වා අඩුවේ. විශේෂයෙන්ම තවත් වසර පනහක් ගතවන විට ඇතිවන ඉන්ධන අර්බුදයට මුහුණදීම සඳහා නිපදවීමට නියමිත මහා පරිමාණ නැව් ඇතුළු කළ හැකි කලාපයේ ප්‍රධානතම වරාය බවට හම්බන්තොට වරාය පත්වනු ඇත.

එදා රත්මලානට අමතරව කටුනායක දෙවැනි ගුවන් තොටුපොළ අරම්භ කළ පසුව එම ගුවන් තොටුපොළේ ගිණුමේ මෙහෙයුම් ලාභයක් පෙන්වීමට වසර 15ක් ගතවී ඇත. ඒ නිසා කෙටි කාලීනව ලාභ නැති බව පවසමින් රත්රන් බිජු දමන කිකිළිය මරා කෑමේ ප්‍රතිපත්තිය අනුමත කරන ඇමැතිවරුන්ට රටක් කුමකටද?

මහින්ද රාජපක්‍ෂ නමින් බෝඩ් ලෑල්ලක් තිබීමද ගුවන් තොටුපොළට පමණක් නොව වරායටද අපලයක්වී ඇත. එම අපලය දුරුකර ගත හැක්කේ එතුමාගේ නම ගලවා වෙනත් නමක් යෙදීමෙනි. ඊට මහින්ද රාජපක්ෂ මහතා පළමුවෙන්ම කැමැති වන බවට සැකයක් නැත. එයට හේතුව එම උපාය මාර්ගික මර්මස්ථානයේ වටිනාකම පිළිබඳ ඔහුට යම් අවබෝධයක් තිබීමය. එදා හම්බන්තොට වරාය සැලසුම පිටුපසට දැමීමට යම් නිලධාරීන් සූක්‍ෂ්මව කටයුතු කරන විට එය පරාජය කොට කෙසේ හෝ වරාය ඉදිකළ යුතු බවට ඔහු තීන්දු කළේය. ඔහු සැලසුම් කළේ එක් පර්යන්තයක පමණක් ආයෝජනය කොට මෙහෙයුම් කටයුතු කිරීම සඳහා චීනයට භාරදීම සඳහාය. එසේ වූවා නම් වරායේ අයිතිය ශ්‍රී ලංකා රජය සතුවේ. කෙසේ වෙතත් ඉහත සඳහන් කළ සියලු කරුණුවලට වඩා බරපතළ තත්ත්වය වන්නේ මත්තල ගුවන් තොටුපොළ “බැලන්ස්” කිරීමේ නාමයෙන් ඉන්දියාවට විකිණීම හරහා යුදමය වශයෙන් චීනයට වඩා විශේෂ වාසියක් ඉන්දියාවට අත්පත්කර දීමය. එම තත්ත්වය ශ්‍රී ලංකාවේ භූමිය තුළ ඉන්දු- චීන යුද ගැටුමකට මුල පුරන භයානක නිමිත්තක් නිර්මාණය කෙරේ.

එය මේ වන විට ඉන්දියාව විසින් දියත් කරනු ලැබ ඇති ශ්‍රී ලංකාවේ උපාය මාර්ගික මර්මස්ථානය අත්පත් කර ගැනීමේ ක්‍රියාවලිය තුළ වඩාත් භයානක වේ. එම තත්ත්වය වරාය හිලව්වට ගුවන් තොටුපොළ දීම මඟින් කරනවා යැයි කියන ඊනියා බැලන්ස් කිරීමේ න්‍යාය තුළින් පමණක් තේරුම්ගත නොහැකිය. මත්තල ගුවන් තොටුපොළ සහ ශ්‍රී ලංකාවේ ගුවන් තොරතුරු කලාපය පමණක් නොව ගාල්ල වරාය, පලාලි ගුවන් තොටුපොළ, කන්කසන්තුරේ වරාය, ත්‍රිකුණාමල වරාය, මඩකළපුව ගුවන් තොටුපොළ ආදී මර්මස්ථාන සියල්ල ඉන්දියාව අත්පත්කර ගැනීමට ගන්නා උත්සාහය තුළින් පෙන්නුම් කරන්නේ ඔවුන් චීනය සමඟ යුදමය වශයෙන් කේවල් කිරීම සඳහා ශ්‍රී ලංකා භූමිය යොදා ගන්නා බවය. චම්පික රණවක වැනි අමාත්‍යවරුන් ඒ මහා පින්තූරය නොසලකා මත්තල ගුවන්තොටුපොළේ මෙහෙයුම් ගිණුමේ දිග පළල කතා කිරීම කණගාටුවට කරුණකි.

Manjula Rajapakse

ආචාරිය මහාචාරිය තිරිසන් බල්ලන්ගෙන් දරුවන් බේරාගනිමු