Archive for the 'වංගීස සුමනසේකර' Category

07
දෙසැ.
17

“ශ්‍රී ලංකා නිශ්පාදන වර්ජනය කරපියව්…” දෙමලු

“ශ්‍රී ලංකා නිශ්පාදන වර්ජනය කරපියව්…” යුරෝපීය දමිල වැසියන් කියයි..!

නුඹලා දැක්කේ මේක විතරයිනේ, මේ වගේ තමයි එංගලන්තේ තියන කඩවල් 90% විතර. ඒ දෙමල මිනිස්සු පහන් පත්තුකරන තැන ප්‍රභාගේ පින්තූරයක් අනිවා තියනවා සහ ඒකට වෙනම හඳුන්කූරක් උන් පත්තු කරනවා. ඒ කළගුණ දන්න දෙමලු. අපේ ගුණමකු සිංහල ජාතිය වගේ, නායකයා මැරුණා, නායකයා පැරදුණා කියල නායකයව අමතක කරලා ඔහුට බනින්නේ නෑ.
මේ ෆොටෝ එක තියෙන්නේ වෙම්බ්ලි හයිරෝඩ් එකේ තියන කඩයක..

කොටින්ම කිව්වොත් වෙම්බ්ලි කියන්නේ කොටි ගුහාවක්. කිලිනොච්චිය වගේ තමයි. හැබැයි මේකට එහාපැත්තෙ තියන පාම් බීච් රෙස්ටුරන්ට් එක කරන්නෙත් උතුරේ දෙමල මනුස්සයෙක්. ඔහු එක්ක කතා කලොත් කියන්නේ, සමහරු අකමැති උනාට ප්‍රභාට කැමති මිනිස්සු තාම ඉන්නවා මල්ලි. දෙමල මිනිස්සු ප්‍රභාව අමතක කරන එකක් නෑ ජීවිත කාලෙම. ඔහු ඔහුගේ රෙස්ටුරන්ට් එකේ ප්‍රභාගේ පින්තූරේ එල්ලන්නේ නෑ. ඔහුගෙන් ඒ ඇයි ඇහුවම කියන්නේ, මම මොකටද මල්ලි බිස්නස් අඩුකර ගන්නේ. එච්චරයි. ඒ බිස්නස් මයින්ඩ්. හැබැයි ඔහු උනත් ප්‍රභා ප්‍රතික්ෂේප කරන්නේ නෑ. ඒ දෙමල මනුස්සයාගේ තියන මනුස්සකම.

ඒකට අපි, රට බේරපු මහින්ද අපේ මිනිස්සුන්ට පල් හොරෙක් උනා. හැබැයි මහ උන් කියපු එක හොරකමක්වත් තාම හොයාගෙන නෑ. එක්තරා කොටසක් කියන්නේ ඩීල් දාල කියල. රනිල් මහින්ද එක්ක ඩීල් දාල, මහින්දගේ හොරකම් වහලා, රනිල් එයාගේ හොරකම් අල්ලලා දෙන්න කොමිසම් වලට යනවා. ඔන්න එයාලා කියන *කේ ඩීල්.

ප්‍රභා දහස්ගණන් සිංහල දෙමල මුස්ලිම් මිනිස්සු මරුවා, ළමයි හමුදාවට ගත්තා, තරුණ තරුණියෝ බලෙන් හමුදාවට අරන් ගියා.. දෙමළා දන්නවා ප්‍රභා එහෙම කරේ තමන්ගේ ජාතියට තැනක් හදල දෙන්න කියල. ඉතින් දෙමලාගේ ගරුත්වය ප්‍රභාට සදා කල් තියනවා. අපේ සිංහල මිනිස්සු වගේ ගුණමකු නෑ කවදාවත්ම.

ඒක කියන්නම නෙමේ මේ ලිව්වේ. උන් මේවගේ පෝස්ටර් ගැහුවා කියල අපිට පාන්ද? මෙහෙම පෝස්ටර් ගැහුවා කියල ප්‍රභා නැගිටිද? එක පෝස්ටරයක් දැකලා මෙහෙම බයවෙනවා නම්, කඩවල් තුන හතරකට ගියොත් උන් එක්ක කතා කරොත් උන් ප්‍රභාට ආදරේ තරම දැක්කොත් ඇඳන් ඉන්නේ වස්ත්‍රයේම සුළුදිය පහවෙයි. දෙමල මනුස්සයා මේ වගේ ෆොටෝ විතරක් ගහල නිකන් ඉන්නේ නෑ… උන් කරනවා පත්තර, ඩිරෙක්ටරි, ඉවෙන්ට්, ඒ ඔක්කොගෙම යන්නේ බයිකොට් ශ්‍රී ලංකා කියල තමයි. අද ඊයේ නෙමෙයි අවුරුදු 10ක් 20ක් තිස්සෙම එහෙම තමයි. ඉතිං අපිට ගානක්වත් තියනවද?

අපිට ඒවගෙන් කිසිම බලපෑමක් නෑ, උන් තමන්ගේ පැවැත්මට යන්තම් දෙයක් කරගන්නවා. එච්චරයි, හරියට අපේ දකුණේ මිනිස්සු යුද සැමරුම කරනවා වගේ දෙයක් තමයි. දෙමල මනුස්සයා වැඩිපුරම කියන කතාවක් තමයි, එයාලගේ දෙමල මිනිස්සුන්ට වැඩිය එයාලා සිංහල මිනිහව විශ්වාස කරනවා. එක්කෙනෙක් දෙන්නෙක් එහෙම නැතුව ඇති. නමුත් බහුතරයක් දෙමල මිනිස්සු එහෙමයි.

උන් උන්ගේ දේවල් කරගනී…. දෙමල කොටියා නවත්තන්න කලින් ලංකාවේ දේශපාලනේ ඉන්න සිංහල කොටි නැතිකරලා දාන්න පෙළගැසිය යුතුයි. ඒකට එකතුවෙන්න අවශ්‍ය කාලය තමයි මේ. එහෙන් රට බෙදන්න ව්‍යවස්ථා ගේනවා. අලුත් ව්‍යවස්ථාවෙන් රට බෙදෙන්නේ නෑ බයවෙන්න එපා රනිල් මොළකාරයා කියන නුඹලා මේ කොහෙවත් යන ෆොටෝ එහෙකට බය වෙනවා.

සිංහල අපි කවදත් ඔහොම තමයි. අශ්වයා ගියාට පස්සේ ඉස්තාලේ වහන්න අපි හරි දක්ෂයි. ෆොටෝ වලට විරුද්ධ වෙනවාට වැඩිය ලොකු දෙයක් නුඹලාගේ අතේ තියෙන්නේ. බෙදුම්වාදී ව්‍යවස්ථාව පරාද කරන්න යමක් කරන්න. ඒකට උදව්වක් දෙන්න. ෆොටෝ අල්ලන් දඟලනවට වැඩිය කරන්න පුළුවන් ලොකුම දේ ඒක.

තියන ජාතිවාදී මොරාල් එක ඩබල් කරගන්න එක්ක එංගලන්තේ ඉන්න දෙමල මිනිස්සු ගහන පොතක කෑලි කීපෙකුත් මෙන්න ඇලෙව්වා. 2017 ඉශූ එක තමයි මේ. දැන් ඉතින් මේවට විස්සෝප වෙන්න එපා. වැඩක් ඇති දෙයක් කරන්න. රටට ඇත්තටම තියන බලපෑම ගැන හොයල බලල ඒවාට විරුද්ද වෙන්න.

=== අන්තර්ජාලයෙනි ===

Advertisements
02
දෙසැ.
17

‘බලු කතාව’ 

කතෘ:යුතුකම
මීට මාස කිහිපයකට පෙර පාඨලී චම්පික රණවක මහතා හැද සිටියේ හලාල් විරෝධී ඇඳූමකි. අද නම් ඔහුට හලාල් විරෝධී සළු හරාම්ය. බොදු බල සේනා සංවිධානය ඉතා ළඟින් මොහු ඇසුරු කළ බව දන්නෝ දනිති. ඥාණසාර හිමි මෑතකදී පැවසූයේ ඔහුට ආමන්ත්‍රණය කළේ චම්පික අයියේ කියා බවත් කළින් ඔහුට බොහොම ආදරය කළ බවත්ය. යුද්ධයෙන් පසු හරිහමං තේමාවක් නැතිව සිටි චම්පික මහතාට බොදු බල සේනා සංවිධානය විසින් මතු කරවන ලද අන්තවාදී මුස්ලිම් ක්‍රියාකාරම්වලට එරෙහි මතවාදය ඉතා පැණි රසක් විය. එම තේමාව උඩට නැඟ ගත් ඔහු ක්ෂණිකව උත්තේජනය කළ හැකි තරුණයන්ට ආමන්ත්‍රණය කරමින් ඔවුන් අතර විරුවෙකු විය. ඥාණසාර හිමියන්ගේ දැඩි ස්වභාවය චම්පික අයියා තුළින් දිස් නොවුනද ඉතා තීව්‍ර ලෙස ඔහුද මුස්ලිම් අන්තවාදී ක්‍රියාවන් විවේචනය කළේය. ඔහු කොයි ආකාරයකට එය කළාද යත් ජාතීන් අතර වෛරය සාදනවා යන නිර්ණායකය මත ඔහුගේ ෆේස්බුක් පිටුව පවා අවලංගු කෙරිනි. බොදු බල සේනාහි ඥාණසාර හිමි ඇතුළු පිරිස ඉතා දුර්වල දේශපාලන දැක්මකින් යුතුව  ක්‍රියා කරද්දී චම්පික අයියා ඒවායෙන් ලකුණූ දමා ගත් දේශපාලකයා විය. අළුත්ගමදී ඇති වූ අවාසනාවන්ත සිද්ධියට සම්බන්ධ සියළු අපකීර්තිය ඥාණසාර හිමිගේ හිස මත කඩා වැටෙද්දී ඒ ගිනි ඇවිලවීමට මතවාදීව දායක වූ චම්පික අයියා වෙත අපවාදයක් ආවේ නැත. අර කෙටි උත්තේජනයක් ලද එතැම් තරුණ තරුණියන්ගේ හිතේ ඔහු වීරයකු ලෙසම ඉතිරි විය.

පසුගිය ජනාධිපතිවරණ සමයේ රටේ ඒකීයභාවය පිළිබදව මෛත්‍රීපාල සිරිසේන මහතාගේ ස්ථාවරය ප්‍රශ්න කරද්දී එයට පිළිතුරු දීමට ඉදිරියට දැමුනේ චම්පික මහතා සහ රතන හිමියන්ය. අද උතුරේ ආණ්ඩුකාර තනතුරින් ජී ඒ චන්ද්‍රසිරි මහතා ඉවත් කර පලිහක්කාර මහතා පත් වන විට, නැගෙනහිරට ආණ්ඩුකාරාවරයා ලෙස තමිල් සෙල්වන්ට මචං කිවූ, පුලිදේවන් බලන්න ඇපල් අරං ගිය එවක චන්ද්‍රිකා-රනිල් රජයේ ආරක්ෂක ලේකම් ඔස්ටින් ෆර්නෑන්ඩු පිලිබද යෝජනා වෙද්දී, ටී එන් ඒ පදයට නොනැටූ උතුරු පළාතේ හිටපු ජ්‍යේෂ්ඨතම සිවිල් නිලධාරිනිය වූ විජයලක්ෂ්මී රමේෂ් මහත්මිය උතුරු පළාත් ප්‍රධාන ලේකම් ධූරයෙන් මාරු කරද්දී, අප කළ යුත්තේ චන්ද්‍රිකාගේ පැකේජය යළි ගෙන ඒම බව මංගල සමරවීර පවසද්දී, 13 වන ව්‍ය්වස්ථා සංශෝධනය පූර්ණ වශයෙන් ක්‍රියාත්මක කළ යුතු බව රනිල් වික්‍ර්මසිංහ පවසද්දී අද චම්පික අයියා අපට කියන්නේ මාර කතාවකි.

 “2005 ට පසු දූෂණ චෝදනා දන්නවා නම් අපට එවන්න”.

එය මාර කතාවක් වන්නේ එවැනි දූෂණ් චෝදනා කිසිවක් නැති නිසා නොව. රටේ ඒකීයභාවයට කිසිදු හානියක් නොවන බව හිසේ අත ගසා දිවුරා කී ව්‍යාජ ආරක්ෂකයාව අද ඒකීයභාවය නැතිභංගස්ථාන කර දැමීමේ කාර්යය සදහා ඉතා නැණවත් අයුරින් රනිල් වික්‍රමසිංහ විසින් යොදවා ගනිමින් සිටින නිසාය. ඒ අපූරු උපාය නම් එම අනතුර එළිපත්තට ගෙන ආ මොහොතක ඒකීයභාවයේ ව්‍යාජ ආරක්ෂකයින් වෙන වෙන දෑ පිළිබදව කතා කරන්නට සලස්වා, ඒ ව්‍යාජ ආරක්ෂකයනට රැවටී සිටින මිනිසුන්ට එවැනි අනතුරක් නැති බව හැඟෙන්නට සැලැස්විමයි. සිංහලයාගේ ඇස් වලට වැලි ගැසීම සදහා අද ව්‍යාජ ආරක්ෂකයින් වන චම්පික රණවකව සහ අනුර කුමාරව රනිල් වික්‍රමසිංහ අවභාවිතයේ යොදා ගනිමින් සිටියි. මේ උදවිය කට ඇර එවැනි අනතුරක් නැතැයි නොබියව අද අපට කියන්නේ නැත. ඔවුන් අපට නැවත නැවතත් කියන්නේ දූෂිතයන් ගැන හා දූෂිතයන් ගැන පමණි. තව නොබෝ දිනකින් ඒකීය භාවය කන්නදැයි චම්පික අයියා අපගෙන් ඇසුවොත් අපි පුදුම නොවෙමු. නමුත් එතෙක් ඔහු එය මඟ හැර යමින් දූෂිතයන් සොයමින් කාර්ය බහුල වනු ඇත. අප කිසි දිනක ඔහුට රැවටී සිට නැත.

අද චම්පිකට හලාල් විරෝධය හරාම් වී ඇත. එපමණක්ද? මීට මාස කිහිපයකට පෙර ඔහු ඉසිලූ වචන වන  බෙදුම්වාදය, දෙමළ ජාතිවාදය, මුස්ලිම් ජාතිවාදය, අන්තවාදී තවුහිද් ජමාද් සංවිධානය, 13 වන ව්‍යවස්ථා  සංශෝධනය, අධිරාජ්‍යයවාදී බලවේග යන සියල්ල හරාම් වී ඇත. අද ඔහුගේ එකම කාර්ය වී ඇත්තේ මංගල සමරවීර හා එක්ව රාජපක්ෂ වරුන්ට එරෙහිව මඩ ව්‍යාපාරයක් දියත් කිරීමයි. එය ආරම්භ කෙරුනේ ඡන්දයට පසු දිනය. එහිදී සිදුවන්නට ගිය මහා හමුදා කුමණ්ත්‍රණයක් ගැන ඔහු මාධ්‍යයට කීය.

“ආරක්ෂක ලේකම් ගෝඨාභයගේ මෙහෙයවීමෙන් යුද හමුදාව යොදා කරන්නට ගිය මහා විනාශයක් පොලිස්පති හා මැතිවරණ කොමසාරිස් කොන්ද කෙළින් තබාගෙන නිර්භීතව රාජකාරි කළ නිසා වැළකී ගියා. මැතිවරණ කොමසාරිස්ගේ හා පොලිස්පතිගේ නීර්භීත තීරණ නිසා රට ලේ විලක් වෙන්නට තිබූ ඉඩ ඇහිරී ගියා” යැයි ජාතික හෙළ උරුමයේ මහ ලේකම් පාඨලී චම්පික රණවක මහතා ජනවාරි නවයදා පැවැති මාධ්‍ය හමුවක දී කීවේය.

එම ප්‍රකාශයේ කිසිදු සත්‍යතාවක් නොමැති බව හමුදා මාධ්‍ය ප්‍රකාශක බ්‍රිගේඩියර් රුවන් වනිගසුරිය පැවසුවේය. (ඔහුව පසුව යහපාලන රාජ්‍ය තන්ත්‍රය මඟින් ඉවත් කෙරිනි.) එසේම එම කතාව පට්ටපල් බොරුවක් බව එය වලක්වා ගැනුම උදෙසා චම්පිකලා ස්තුතිය පුද කළ මැතිවරණ කොමසාරිස්වරයා පැවසීය. ඔහු මේ බේගල් ඇද දමන්නේ භික්ෂූන් වහන්සේලා දෙනමක් දෙපසින් තබාගෙනය. ස්තුතිය පුද කළ මිනිහා ඒ ගැන නොදන්නේ නම් මේ ගැන තවත් පරීක්ෂණ නොවුමනා බව කාට ඡන්දය දුන්නත් ගමේ ගොඩේ බයියන්ට වැටහේ. නමුත් චම්පිකලා අද වැටී ඇති පහත් මට්ටම නම් ඉතා ඛේදනීයය. එය එළිපිටම අපගේ වත්මන් විදෙස් ඇමතිගේ තත්වයට වැටීමකි. විධායකය තෝරා ගැනීමෙන් පසුව ඇති වූ නව පාර්ලිමේන්තුවේ දෙදෙනාට එක ළඟ අසුන් ගන්නට වරම් ලැබී තිබිනි.

මේ ජනවාරි 18 ඉරිදා ලංකාදීප පුවත්පතට චම්පික මහතා පැවසූවකි.

“අගමැති රනිල් වික්‍රමසිංහ මැතිතුමා අරලියගහ මන්දිරය බලන්න නිලධාරීන් කිහිප දෙනෙකු යවලා තියෙනවා. ඒකේ එක කාමරයක ඉදලා තියෙනවා අතරමං වෙච්ච බල්ලෙක්. දොර ඇරපු ගමන් බල්ලා බුරාගෙන ඇවිල්ලා. පස්සේ බල්ලව මෙල්ල කරලා කන්න දාලා කූඩුවකට දාලා තියෙනවා. මහින්ද රාජපක්ෂ ඡන්දේ ඉල්ලනවැයි, ඊළඟ ඡන්දෙට එනවැයි ඊළඟ අගමැති මහින්දයි කියලා කියන්නේ අර වගේ අතරමං වෙච්ච බල්ලෝ. මහින්ද රාජපක්ෂගේ යුගය ඉවරයි. මහින්ද රාජපක්ෂගේ ඇඟේ හිටපු බලු මැක්කන්ගේ යුගයත් ඉවරයි.”

පරමාධීපත්‍යය බලය ඇත්තේ ජනතාවට මිස චම්පික රණවකට නොව. ඔහු රාජපක්ෂලාට යළි මෙරට දේශපාලනයක් නෑ යයි වහසි බස් දොඩවන්නේ මන්දැයි අපි නොදනිමු. නමුත් මේ මෛත්‍රී යුගයේ මේ බලු කතා කුමටද? එම බල්ලා කූඩුවට දැම්මා මෙන් කාව හෝ කූඩුවට දැමීමේ දැඩි වෛරයකින් ඔහු පෙලෙන බව පැහැදිලිය. වැරදි කළ උන් අල්ලා මාධ්‍ය සංදර්ශනයෙන් ඔබ්බට ගොස් දඩුවම් දෙනවාට මෙරට ජනතාව ඉතා කැමතිය. නමුත් මේ කූඩුවට දමා ගන්නට ඕනෑ වී ඇත්තේ දූෂිතයන් නොව, දේශපාලනික ප්‍රතිමල්ලවයන් බව ඔහුගේ මේ කතාවෙන් මෙන්ම හමුදා කුමන්ත්‍රණ පිලිබද බොරු චෝදනාවලින්ද ගම්‍යය වේ. මහින්ද රාජපක්ෂගේ ඇගේ බලු මැක්කන් සිටි බව කීමෙන් චම්පික කියන්නේ මහින්ද රාජපක්ෂ බල්ලෙකු බව නොවේද? මහින්ද රාජපක්ෂ මහතාගේ පාලනයේ යම්  යම් අඩුපාඩු තිබූ බව සැබෑවකි. නමුත්  අපි මෙන්ම කම්පිකත් අද නොබියව මහමඟ යන්නේ එතුමා ලබා දුන් දේශපාලන නායකත්වය හේතු කොටගෙනය. (චම්පිකලා කියන්නේ එය කළේ ඔවුන් බවය.) ඔහු පසුගිය දශක කිහිපය පුරාවටම මෙරට නායකත්වය දුන් නායකයින් අතරින් සුවිශේෂීම නායකයාය. එය කුහකයන් නොවන පක්ෂ විපක්ෂ කවුරුත් පිලිගනිති. අද චම්පිකලා ලැඟ සිටින පිලේ රනිල් වික්‍රමසිංහ මහතා හෝ චන්ද්‍රිකා මැතිණිය හෝ මෙරටට කළ හොදක් යයි යමක් සොයා ගැනීම ඉතා උගහටය. කරන ලද විණ නම් පෙන්වා දිය හැකිය. එහෙව් පිලක ලැග තම වෛරය පිරිමසා ගන්නා චම්පික ඉතා ගෞරවාන්විත ලෙස පරාජය බාරගෙන බලය අත්හැර ගිය මහින්ද මහතාට බල්ලා යයි කීමෙන් ත තක්සේරු වන්නේ චම්පිකවම නොවේද?

-සුසිරිත් වීරසේකර
යුතුකම සංවාද කවය 
http://www.yuthukama.com

01
දෙසැ.
17

ගෝඨාභය, උදය ගම්මන්පිල සහ සිටිස් ඔෆ් ඉවලූෂන්

 රණවක පාර්ලිමේන්තුවේදී බින්දුවට දමයි..

මෙගාපොලිස් පාච රණවක පාර්ලිමේන්තුවේදී කිච කර බින්දුවට දමයි.. ගම්මන්පිල ඇහේ ඉදන් පට්ට ගැසූ කතාව මෙන්න..

පිවිතුරු හෙල උරුමයේ නායක පාර්ලිමේන්තු මන්ත්‍රී නීතිඥ උදය ගම්මන්පිල මහතා මෙගා පොලිස් හා බස්නාහිර සංවර්ධන අමාත්‍යංශ වැය ශීර්ෂය විවාදයට එක්වෙමින් පාර්ලිමේන්තුවේදී මෙම අදහස් පල කලේය.

2016 සහ 2017 වසර දෙකේදීම මම මෙගා පොලිස් අමාත්‍යන්ෂයේ වැය ශීර්ෂය මම කතා කරන්න කලේ  නෑ. නමුත් මේ  වසර පුරාවටම ගරු අමාත්‍යතුමන් විවිධාකාරයෙන් මට  මට ආරාධනා කළා මේ වැය ශීර්ෂය මා කතා කළ යුතුයි කියලා. එතුමන්ගේ ඒ අවශ්‍යතාවය ඉටු කරමින් අද මම මේ නතාව කිරීමට බලාපොරොත්තු වෙනවා.

මෙගාපොලිස් නැතිනම් වඩා නිවැරදිව කිව්වොත් මෙගලොපොලිස් යනු කුමක්ද?  එකට ගැට ගැසුණු නාගරික ප්‍රදේශ කිහිපයක්.  It is defined in English as a chain of adjacent metropolitan areas. මෙගලොපොලිස් යන වදනේ මූලය වන ග්‍රීසි භාෂාවෙන් බැලුවොත් දැවැන්ත නගරයක් යන අදහස එනවා.  මේ සංකල්පය දැන් වසර සීයකටත් වඩා පැරණියි.  1915 දී පැට්‍රික් ගේඩ්ස් ලියූ සිටිස් ඔෆ් ඉවලූෂන් නම් පොතෙන් තමයි මෙගාපොලිස් සංකල්පය ලොවට හඳුන්වා දුන්නේ.

ලෝකය පුරා මෙගාපොලිස් අධිකාරි බිහි වූයේ අධිනාගරිකරණයෙන් මතු වුණු ජල සම්පාදනය, කසල කළමනාකරණය මළ බැහැර කිරීම වැනි සංකීර්ණ ගැටළු වලට විසඳුම් සොයන්නයි. ජල සම්පාදනය, විදුලිය සම්පාදනය, කසළ බැහැරකිරීම් වැනි ගැටළු මේවාට උදාහරණයි. ජකර්තා – බැංඩුං මෙගාපොලිස් මේ සඳහා කදිම නිදසුනක්.

අපි දැන් ලංකාවට එමු.  අපි මේ සභාවේ නාගරික සංවර්ධනය කතා කරන්නේ ජල ගැලීම් වලින් මාර්ග යට වෙලා නිවාස යට වෙලා විදුලි සැපයුම බිඳ වැටිලා නාගරික ජීවිතය කඩා වැටුණු මොහොතකයි.  අපට මතකයි 2010 දැවැන්ත වැස්සකට පස්සේ කොළඹ දිස්ත්‍රික්කයේ ප්‍රධාන නගර සියල්ලම ජලයෙන් යට වුණා.  පාර්ලිමේන්තුවට යට වුණා.

නාගරික සංවර්ධන ඇමති ධූරය දැරුවේ එවක ජනපති මහින්ද රාජපක්ෂ මැතිතුමායි.  ඔහු ලේකම් ගෝඨාභය රාජපක්ෂ මහතාට සම්පූර්ණ වගකීම භාර දීලා තිබුණේ.  ඒ නිසා 2010-2015 යුගය ගෝඨාභය යුගය.  ස්වර්ණමය යුගය.

2010 ජල ගැලීමෙන් පසු ගෝඨාභය රාජපක්ෂ වැඩේට බැස්සා.  මාධ්‍ය සංදර්ශන පවත්වලා මම කොළඹ හදන්නේ මෙහෙමයි කියලා පුරාජේරු කියෙව්වා නෑ.  නිහඬම වැඩේ පටන් ගත්තා.  මුලින්ම කොළඹ දිස්ත්‍රික්කයේ ඉඩම් ගොඩ කිරීම තහනම් කළා. ඒ තහනම කඩ කළ අයට තරාතිරම නොබලා දඬුවම් කළා.

ත්‍රිවිධ හමුදාවේ සහයෙන් ඇල මාර්ග පිලිසකර කළා.  ඇල මාර්ග ආශ්‍රිතව තිබුණු අනවසර ඉදි කිරීම් ඉවත් කළා ආණ්ඩුවේ ඇමතිවරුගේ දේපලත් ඒ අතරේ තිබුණා.

ගෝලීය උණුසුම නිසා කෙටි කලක් තුල දැවැන්ත වැස්සක් ඇද වැටෙන බව ඔහු තේරුම් ගත්තා.   අධික වැස්සෙන් කොළඹ එකතු වෙන ජලය මුහුදට ගෙන යෑමට ජල ප්‍රවාහන පද්ධතිය ප්‍රමාණවත් නෑ.  යට වෙන්නේ ඒකයි.  කොළඹ දිස්ත්‍රික්කය පුරා වැව් ඉදි කළා.  2010 ජූනි මාසයේ පාර්ලිමේන්තුව යට වුණාට පසු යළි කොළඹ යට වුණේ නෑ.

ඒ වගේම කසල සම්පූර්ණයෙන්ම කොළඹ නගරයෙන් බැහැර කළා.  පොලිසිය සහයට අරන් තැන තැන කසල දමන අයට දඬුවම් කළා.  පදික වේදිකාවේ වෙළඳාම තහනම් කළා.  පෝස්ටර් බැනර් එල්ලා අවලස්සන කිරීම තහනම් කළා.  නගරයට හිසරදයක් වී තිබුණු පාතාලය මර්දනය කළා.  2013 වන විට සංචාරකයින්ගේ ඡන්දයෙන් ලොව පිරිසිදුම නගරය ලෙස කොළඹ තේරුණා.

අද තත්වය කුමක්ද? නගරය යට වෙනවා, කුණු,  පෝස්ටර්,  පදිකා වේදිකා වෙළඳාම, පාතාලය නැවත ඇවිදින්. ඒ අතරේ අපේ ගරු අමාත්‍යතුමන් මාධ්‍ය සංදර්ශන පවත්වමින්  2020 දි 2025 දී  සුහුරු නගර හැදෙන හැටි  ගැන ජනතාවට සිහින විකුණනවා.  සුහුරු නගර හදන්න කලින් 2015ට කලින් තිබුණු නගරේ අපට හදලා දෙන්න.

ගෝඨාභය මාධ්‍ය හමු එකක්වත් පැවැත්වුයේ නෑ.  හැබැයි වැඩේ කලා.  ඒ වගේම එතුමාට නිසි ගෞරවයත් ලැබුණා. ඒ නිසා අපි ප්‍රසිද්ධිප පිටිපස්සේ කීර්තිය පිටිපස්සේ හඹා යනවා වෙනුවට වැඩේ හරියට කලොත් කීර්තිය ප්‍රසිද්ධිය අපි පිටිපස්සේ හඹා එනවා.  Mr Minister, don’t go after fame.  Go after your task.  Then fame will come after you.

මේ වසරේ කසළ කළමනාකරණය පිළිබඳ අතිශයින්ම ශෝචනීය වසරක් අප්‍රේල් මාසයේ මීතොටමුල්ල කුණු කන්ද කඩා වැටිලා විශාල පිරිසක් මිය ගියා.  2007 පෙබරවාරි මාසේ දී බ්ලූ මැන්ඩල් කුණු කන්දේ සිට මාධ්‍ය ඇමතූ එවකට පරිසර ඇමති පා ච රණවක ඇමතිතුමා වසරක් ඇතුලත මෙම කුණු කන්ද ඉවත් කරන බවටත් නැවත මෙවැනි කුණු කඳු බිහි වීමට ඉඩ නොතබන බවටත් ප්‍රකාශ කළා.  නමුත් එතුමා 2010 පරිසර ඇමති ධූරයෙන් සමු ගන්නා විට බ්ලූ මැන්ඩල් කුණු කන්ද එසේම තිබෙන අතරේ මීතොටමුල්ල කුණු කන්දත් බිහි වෙලා.

වසර 30ක් පුරා පොතුවිල වෙල් යායට කොලොන්නාව නස කුණු බැහැර කළා තමයි. නමුත් ඉන් කුණු කන්දක් බිහිුවනේ නෑ.  කන්දක් නිර්මාණය වුණේ කොළඹ මහ නගර සභාව දවසකට ටොන් 800-1000ක් මෙතැනට බැහැර කිරීම නිසියි මේ කුණු කන්ද නිර්මාණය වුනේ.  කුණු කඳු නිර්මාණය හැරුණු විට වෙනත් දිගුකාලින වැඩපිලිවෙලක් තිබුණේ නෑ.

2010 දී නාගරික සංවර්ධන අමාත්‍යාංශයේ ලේකම් ධූරයට පත් වුණේ ගෝඨාභය රාජපක්ෂ මහතා.  ඔහු මාධ්‍ය සංදර්ශන පවත්වා වීර ප්‍රකාශ කරනවා වෙනුවට සද්ද නැතුව වැඩේට බැස්සා.  එතුමාගේ විසඳුම වුණේ බ්ලූමැන්ඩල් සහ මිතොටමුල්ල කුණු කඳු වගේම කොළඹ දිනපතා එකතු වන කුණු පුත්තලම දිස්ත්‍රික්කයේ අරුවක්කාලු ප්‍රදේශයේ ඇති හුණුගල් හැරීමෙන් සෑදුනු වලවල් සනීපාරක්ෂක කසල රඳවන බවට පෙරලා තැන්පත් කිරීමයි.  දුම්රියෙන් කසල ගෙනි යන්න සැලසුම් කර තිබුණේ.  2015 වසරේ ව්‍යාපෘතියේ වියදම් සඳහා රුපියල් බිලියන 2ක් අයවැයෙන් වෙන් කලා.

අවාසනාවට ආණ්ඩු පෙරලියෙන් පසු මේ ව්‍යාපෘතිය ක්‍රියාත්මක වෙන්නේ නෑ.  මම මේ පිලිබඳ 2017 පෙබරවාරි 8 පාර්ලිමේන්තුවේ දී මෙගාපොලිස් ඇමතිතුමාගෙන් ප්‍රශ්න කළා. එත්‍රමා අවෙ නෑ ප්‍රශ්නයට පිලිතුරු දෙන්න.  ඊට පිලිතුරු දුන් නියෝජ්‍ය ඇමතිතුමා කිව්වේ විල්පත්තු ජාතික උද්‍යානයේ ස්වාරක්ෂක කලාපය තුලට වැටෙන නිසා වනජීවි දෙපාර්තමේන්තුව විරුද්ධයි කියලා.  එයට හේතුව විල්පත්තුවෙ ජාතික වනෝධ්‍යානයේ ස්වාරක්ෂක කලාපය තුල මේ කටයුතු කිරීමට සිදු වීම.

මම ඒ අවස්ථාවේ නියෝජ්‍ය ඇමතිතුමාගෙන් ප්‍රශ්න කලා වඩාත් පරිසර හානියක් සිදු වන්නේ මේ කුණු කන්ද ජනාකීර්ණ ප්‍රදේශයක පවත්වා ගෙන යෑමෙන් ද නැතිනම් ස්වාරක්ෂක කලාපය මීටර් කිහිපයක් වෙනස් කිරීමෙන් ද කියන එක.  ඊට පිලිතුරු දෙන්න ඒ පිලිබඳ අධ්‍යනයක් කර තිබුණේ නෑ.  නමුත් මීතොටමුල්ල ඛේදවාචකයෙන් පසු ඇමති ප්‍රකාශ කරනවා අරුවක්කාලු පරිසර හානිය සමග සසඳන විට මීතොටමුල්ල පරිසර හානිය දහස් ගුණයකින් වැඩියි කියලා.

ස්වාරක්ෂක කලාපය කියන්නේ ඕනෑම ජාතික වනජීවි උද්‍යායනක සිට සැතපුමක් දුර වනජීවි දෙපාර්තමේන්තුවේ අවසරයකින් තොර මානව ක්‍රියාකාරකම් කළ නොහැකි ප්‍රදේශයක් නම් කරනවා. අවසරය සහිතව එම ප්‍රදේශයේ ක්‍රියාකාරකම් කරන්න පුළුවන්.  එසේ නොහැකි නම් මීටර් තුන් සීයකින් පමණ විල්පත්තු සීමාව ඇතුලට ගෙනි යන්න පුළුවන්.

ඒ විකල්ප වෙනුවට ජාඇල වැනි ජනාකීර්ණ තෙත් කලාපයේ කසළ බැහැර කිරීමේ අසාර්ථක උත්සාහයක නිරත වුණා.  ආණ්ඩුවේ මන්ත්‍රිවරුන්ට පාරට බැහැලා විරෝධය.  අන්තිමට අරුක්කාළු විසිදුමට යන්නට ආණ්ඩුවට සිදු වෙනවා. මට මතකයි හර්ෂද සිල්වා ගරු අමාත්‍යතුමන් කිව්වා ගොඨාභයගේ විසිදුම හැර වෙන හොද විසදුමක් නෑ. අපි නැවත ඒකට යනවා කියලා.

එහෙමනම් ඇයි අරුවක්කාලු විසඳුම නතර කලේ ඇයි? ගෝඨාට ලකුණු.  කසළ ප්‍රශ්නය විසඳුවේ ගෝඨා නොවේ මමයි කියන්න නැතිවෙනවා. එය නැවැත්තුවේ නැති නම් මීතොටමුල්ල ඛේදවාචකය වෙන්නේ නෑ.  ඒක ස්වභාවික ව්‍යසනයක් නොවේ.  ඇමතිවරයාගේ උද්ධච්ච කම නිසා සිදු වුුණු මිනීමැරීමක්.

පොලිස් බාර අරගෙන තියේනනේ මෙගා ඩීල් දාන්නද ?

වත්මන් ඇමතිවරයා නාගරික සංවර්ධන අධිකාරිය භාර ගන්නා විට දැවැන්ත ඉඩම් සංචිතයක් තිබුණා.  දැන් ඉඩම් විකුණනවා මිස ඉඩම් ගන්නේ නෑ. මෙහෙම ඉවක් බවක් නැතුව අඩු මුදලට ඉඩම් විකුණන්නේ පැනමා පත්‍රිකා වල මුදල් පුරවන්න ද නැතිනම් සිල් බිඳ ගන්න උදව් කරන නිළියන්ට පුදන්න ද?  එහෙමත් නැතිනම් සතුරන්ට කරන්ට් අල්ලන දොස්තරලාට පුදන්න ද කියන ප්‍රශ්නය අපට මතු වෙනවා.

නිදසුනක්

කොළඹ කොටුව ලේක් හවුස් ඉදිරිපිට අක්කර 2 රූඩ් 1 පර්චස් 4 ඉඩමක් 2007 වසරේ රවි විජේරත්න මහතාට අයත් ලේක් ලෙෂර් හෝල්ඩින්ස් ආයතනයට වසර 30ට බදු දෙනවා රථ ගාලක් ඉදි කරන්න.

2013 වසරේ වටිනාකම මි 2785ක් 20% ගෙවා ඉතිරිය මාස තුනකින් ගෙවිමේ පොරොන්දුව මත අවු 50කට මිශ්‍ර සංවර්ධනයක්. 2013 ජූනි ඇමති මණ්ඩල අනුමැතිය.

සීයට විස්ස ගෙව්වත් ඉතිරි මුදල ගෙව්වේ නෑ.  .  නාගරික සංවර්ධන අධිකාරි පනතේ  14(2)(ආ) යටතේ  ගිවිසුම් ප්‍රකාර මුදල ගෙවා නැති නිසා ගෙවු මුදල රාජ සන්තකයි. ඉඩම නැවත්ත නාගරික සංවර්ධන අධිකාරියට හිමියි.  ඇමති ආපසු ලබා ගැනීමේ නියෝගය 2016 මැයි 11 නිකුත් කරනව. ඉට පස්සේ යනවා මෙගා ඩීල් එකක්.

නැවත ඒ සමාගමටම වසර 50 කට  ලබා දෙන්න 2016.09.06 කළමනාකරණ මණ්ඩලය ඉදිරිපත් කර අනුමැතිය පතනවා.  අර කලින් ගෙව්ව අත්තිකාරමට පොලියකුත් ගෙවලා ඒක ඉඩමේ වටිනාකමෙන් අඩ කරලා ඉතිරිමුදල පමණක් ගෙවීමට  කළමණාකාර මණ්ඩලයේ අනුමැතිය ඉල්ලනවා.  2016.10.18 නීති උපදෙස්  ලැබෙනවා මේ ගැන. ඉන් කියවෙන්නේ කලින් ගිවිසුම අවලංගු බැවින් ඉඩම ද ගෙවා ඇති මුදල ද අධිකාරිය සතු බවයි.

මෙන්න මෙගා ඩීල්. මේක මිලියන 200කට වඩා වැඩි ගනුදෙණුවක් නිසා අනිවාර්යෙන්ම අමාත්‍ය මණ්ඩල අනුමැතියට ඇවිය යුතුයි. නමුත් එසේ වන්නේ නෑ. මොකද අමාත්‍ය මණ්ඩලය විරුද්ධ වන නිසා. ඒ නිසා හොර රහසේම මේ ඩීල් එක ඉදිරියට යනවා.

බොහෝ දෙනක් මේ මෙගා පොලිස් අමාත්‍යන්ෂය ගෙනෙද්දී හිතුවේ මෙගා ඩීල් ගැන හොයන්න ගෙනාපු එකක් කියලයි. ඒ ගැන එහෙම හිතපු කාටවත් දොස් කියන්නත් බෑ. මොකද ඇමිතතුමන් කතා කරන්නෙම මෙගා ඩීල් ගැන. ඉතින් ඇමතිතුමන්ට ඒ මෙගා නම තියෙන අමාත්‍යන්ශයක් බාර දුන්නම හැමෝම හිතුවේ ලෝකු පොලීිසයක් හදලා එතුමන්ට බාරදුන්නා කියලා එතුමන් දන්න රට නොදන්න මෙගා ඩීල් ගැන සොයන්න. නමුත් එතුමන් මෙගා පොලිස් බාර අරගෙන තියේනනේ මෙගා ඩීල් දාන්න.

මෙගාපොලිස් ඇමිතතුම්නගේ ප්‍රගතිවාර්තාව අන්තිමයි

මෙගාපොලිස් ඇමති ගරු පා ච රණවක ඇමතිතුමාගේ අමාත්‍යාංශයට මුදල් වෙන් කරනවා මදි කියලා දැන් එතුමා නිරතුරුවම මාධ්‍ය ඉදිරියේ අඬා වැටෙනවා.  ආණ්ඩුවේ නායකයින්ට ආඩපාලි කියනවා.  නමුත් ආණ්ඩුව එතුමාගේ අමාත්‍යාංශයට ඔය මට්ටමට හරි මුදල් ලබා දීම ගැන සතුටු වෙන්න ඕනෑ. මොකද එතුම්නගේ ප්‍රගති වාර්තාව අන්තිමයි.

2018 වසර සඳහා මෙගාපොලිස් අමත්‍යාංශයට  අයවැයෙන් රුපියල් බිලියන 51.1ක් වෙන් කර තිබෙනවා.  2017 වසරේත් බිලියන 39.6ක් වෙන් කරලා තිබුණා.  2016 මහ බැංකු වාර්තාවට අනුව මෙගාපොලිස් අමාත්‍යාංශයට වෙන් කළ මුදල් නිසි ලෙස වියදම් කරලා නෑ.  2016 වසරේ දී පුනරාවර්තන වියදම් ප්‍රතිපාදනයෙන් වියදම් කර තිබෙන්නේ 74.2%යි.  ප්‍රාග්ධන වියදම් ප්‍රතිපාදනයෙන් වියදම් කර තිබෙන්නේ 42.5%යි.

දෙන මුදලින් භාගයක්වත් වියදම් නොකරන ඇමතිවරයෙකුට තව තවත් වැඩිපුර මුදල් වෙන් කරන්න නම් මුදල් ඇමතිට මොලේ අමාරුවක් තිබෙන්න ඕනෑ.  විශේෂයෙන්ම ආණ්ඩුව මූල්‍ය අර්බූදයක සිටින අතරේ වියදම් නොකරන මෙගාපොලිස් ඇමතිට පසුගිය වසරට වඩා බිලියන 12ක් වැඩිපුර ලබා දීම ගැන එතුමා සතුටු වෙන්න ඕනෑ.  එතුමා දැන් කරන්න ඕනෑ තමන්ට දෙන මුදල මදි කියලා අඬා වැටෙන එක නොවේ.  නිළධාරින් සමග වාඩි වෙලා ලැබුණු මුදල වියදම් කර ගන්න බැරි වුණේ ඇයි කියලා අමාත්‍යාංශයේ අකාර්යක්ෂමතාවයට හේතු සොයන එකයි.  වැඩ බැරි ඇමතිලා නටන්න බැරි වුණාම පොලොව ඇදයි කියනවා.

නාගරික සංවර්ධනයේ ගෝඨා යුගය ස්වර්ණමය යුගය අවිවාදිතයි.  එයින් වසර දෙකක් යන විට දෙන මුදලවත් වියදම් කර ගන්න බැරි තරමට මේ ආයතන කඩා වැටෙන්නේ කොහොමද?  එදා නිර්මාණශීලිව වැඩ කළ දවස පුරා රාජකාරි කළ ඒ නිළධාරින් අද කෝ?  ඒ නිළධාරින්මයි අදත්.  ඒ ගෞරවනිය නිළධාරින්ට අද නිසි නායකයෙක් නෑ.  වැඩ බැරි ඇමතිලා නිසා ආයතන කඩා වැටෙනවා.

අරාබි කියමනක් තිබෙනවා සිංහයෙක් නායකත්වය දෙන බැටළු හමුදාවකට බැටළුවෙකු අණ දෙන සිංහ හමුදාවක් පරාජය කරන්න පුළුවන් කියලා.  පළමු ලෝක යුද සමයේ ඉංග්‍රිසි මාධ්‍ය පැවසුවේ ඉංග්‍රිසි හමුදාව බූරුවන් නායකත්වය දෙන සිංහයින් පිරිසක් කියලා.  අද මෙගාපොලිස් අමාත්‍යාංශයට සිදු වෙලා තිබෙන්නෙත් ඒ දෙයමයි කියන එක කණගාටුවෙන් වුවත් කියන්න ඕනෑ.

ගෝඨාභයගේ සපත්තු කුට්ටම චම්පිකට ලොකු වැඩියි

ඒ නිසා තමුන්නාන්සේ  ඉඩම්ගොඩකිරීමේ හා සංවර්ධණය කිරීමේ සස්තාව සතුව තිබුණු ඩී ඒ රාජපක්ෂ පදනම සම්බන්ධ ලිපිගොනු තමන්ගේ බාරයට ගෙනල්ල නීතිඥවරුන්ට පෙන්වමින් සොයනවා මේකට නඩු දැමීමේ නීතිමිය පදනමක් තිබෙනවාද කියලා. ගෝඨාභය රාජපක්ෂ මැතිතුමන්ට පහර දීමෙන් ඇමතිතුමනි ඔබේ කීර්තිය වැඩි වේනනේ නෑ. ඔබ ඔහුට වඩා හොදට වැඩ කරල පෙන්වන්න. එයට අපේ කිසිම බාදාවක් නෑ. ඔබ ගෝඨාභය රාජපක්ෂ මහතාට වඩා හොද පාලකයෙක් උනොත් එහි ප්‍රථිලාභය තියේනනේ රටටයි. එහෙම නැතිනම් වෙන්නේ ඔබතුමාට ගෝඨාභය මහත්තයාගේ සපත්තු කුට්ටම ලොකු වැඩි කියන එක රටට පෙනෙන එක විතරයි.

ඒ නිසා 2018 වසරේ හඩා වැටෙනව වෙනුවට මාධ්‍ය සංදර්ශණ පවත්වනවා වෙනුවට, පිටුගනන් පත්තරවල දැන්වීම් දානවා මම වැඩ කාරයෙක් කියනවා වෙනුවට ජනතාව විසින් ඔබතුමා වැඩකාරයෙක් කියල වසරක් බවට පත්වේවා කියලා මම ප්‍රාර්තනා කරනවා. ඒ සදහා ශක්තිය ධෛර්ය වාසනාව හා අවස්ථාව උදාවේවා කියා මම ප්‍රර්ථනා කරනවා.

– අරවින්ද අතුකෝරල

22
නොවැ.
17

(ලැජ්ජා) බය නැති අගමැති

Sonala Gunawardana ලියයි

බය නැති අගමැති
===============

වීදී පහනින් පමණක් එළිය වූ අඳුරු සීතල රාත්‍රීයකි. ඉඳ හිට ධාවනය වන ටැක්සි රථයක් හැරෙන්නට මිනිස් පුළුටක් හෝ පෙනෙන්නට නැති නිසා බේකර් වීදිය පාලුවට ගොස් ඇති සෙයකි. වීදීයේ 221B නිවසේ සුපුරුදු ලෙස පහනක් දැල්වෙමින් මන්දාලෝකය විහිදුවයි. සුපුරුදු පුටුවේ වාඩිවී පයිප්පය උරමින් ෂර්ලොක් දැවැන්ත කල්පනාවක ය. මා ඔහු දෙස බලා සිටියේ වචනයක් පිට කරන තුරු ය. එක්වරම ෂර්ලොක් පුටුවෙන් නැගී සිටියේ ජයග්‍රාහී ලීලාවෙනි. ” වොට්සන් අපි දැන්මම යන්න ඕන…වොට්සන්ට මතකද බැංකු වීදිය නිවසේ තිබුණ බැඳුම් කරවිල ව්‍යංජනය? ෂර්ලොක් ඇසුවේය. ” ඔව්. මොකක්ද ඒකේ තියෙන විශේෂත්වය? මම ඇසුවෙමි. ඔහුගෙන් පිළිතුරක් නැත. ඔහුගේ මුහුණේ ඇත්තේ සාහසික සිනහවකි. “අපි දැන් බැංකු වීදියට යන්න ඕන” කෝට් බෑය හා තොප්පිය අතට ගත් ඔහු පැවසුවේ ය.

බැංකු වීදියේ මෙම නිවසේ සිදුවූ දැවැන්ත මංකොල්ලයට බැඳුම් කරවිල ව්‍යංජනයේ ඇති සම්බන්ධය මට සිතා ගත නොහැකි ය. අප නිවසට ඇතුළු වුයේ ෂර්ලොක් සතුව තිබූ යතුරෙනි. ” වොට්සන් බලන්න මේ භාජනය දිහා..දෙදෙනෙකුගේ ඇඟිලි සලකුණු තියෙනවා. එක්කෙනෙක් ලංසි ක්‍රමයට හැදිච්ච කෝට් පළඳින කෙනෙක්..” එහෙම කොහොමද කියන්නේ? මම ඇසුවෙමි. “මේ බලන්න තියෙන සිහින් නූල් කැබලි..නිතරම කෝට් පළදින සාක්කු වලට අත දමාගෙන ඉන්න නිසා තමයි එහෙම වෙන්නේ.” අනෙක් කෙනාත් කෝට් පළදින, කණ්ණාඩි දාන කෙනෙක් හැබැයි මෙහේ එක්කෙනෙක් නෙමයි.” “කොහොමද එහෙම හරියටම කියන්නේ? ” මම ඇසුවෙමි. මේකේ ගෑවිලා තියෙන ක්‍රීම් වර්ගය අපේ රටේ භාවිත කරන්නේ නෑ. නිතර නිතර ගුවන් ගමන් වල යෙදෙන නිසා සම වේලෙන නිසා තමයි මේ ක්‍රීම් වර්ගය පාවිච්චි කරන්නේ.” ඔහු භාජනය අල්ලලා තියෙන්නේ තරමක් උඩින්..කණ්ණාඩි පළදින අය භාජන අල්ලන්නේ එහෙම තමයි. අනෙක මේ දෙන්නා හොඳම මිතුරන් දෙදෙනෙක්. එක ළඟ ඉඳගෙන භාජනේ අල්ලලා තියෙන විදියෙන් ඒක කියන්න පුළුවන්…මේකෙන් බෙදලා තියෙන්නේ ළඟම ඥාතියෙකුට ඒකයි තියෙන ලොකුම හැන්ද භාවිතා කරලා තියෙන්නේ…” ෂර්ලොක් ගේ සුපරික්ෂාකාරී ඇස් හා තියුණු මනස මා විස්මිත කරවයි.

ඉතින් මේ ව්‍යංජනය මංකොල්ලයට සම්බන්ධ වෙන්නේ කොහොමද ? මාගේ ප්‍රශ්නය නිසා ෂර්ලොක් ගේ මුහුණේ ඇඳුනේ සියුම් සිනහවකි. ” වොට්සන් මේ බැඳුම් කරවිල ඇවිල්ලා ජාන වෙනස් කමට ලක්කරපු දීර්ඝායුෂ දෙන, බෙලහීනත්වය නැති කරන, සදාකාලික තාරුණ්‍යය රැක දෙන ඔසුවක්. ඒක නිසා තමයි මේකට හැමොම ඉල්ලුම් කරන්නේ. මොකද පසු කාලෙක වැඩි මිලට විකුණන්න පුළුවන් දීර්ඝකාලීන හොඳ ආයෝජනයක් නිසා. ඒ නිසා තමයි මේ දෙන්නා එකතු වෙලා වැඩිපුර ඥාතියාටම බෙදලා තියෙන්නේ..එතකොට ඒ ඥාතියාට පුලුවන් විවෘත වෙළඳපොලේ වැඩිමිලට මේවා විකුණලා ලොකු ලාභ ලබන්න…හරි දැන් යමු කෝට් කාරයා ඉන්න තැනට”

ෂර්ලොක් ටැක්සිකට අත දමා නැවත් වීය. අපිට සමුද්‍රාසන්න වීදීයට යන්න ඕන…විනාඩි පහක පමණ ගමනකින් පසු ෂර්ලොක් ටැක්සි රථය දැවැන්ත අරලිය ගසකින් යුත්, සුදුහුණු පිරියම් කළ පැරණි මන්දිරයක් බඳු වු නිවසක් අසල නතර කළේය.එහි විවිධ වර්ගයේ ටයි කෝට් කරුවන් විය…නිතර අමතක වීමේ රෝගයෙන් පෙළෙන ඩිමෙන්ෂියා රෝගියෙකු හා සුදු ඇදුමින් සැරසුණු මාගේ මිතුරෙක් ද එහි විය. මට මතක ඇති ලෙස, කුඩා කල තේම්ස් නදිය අසල අසුන් පැදවූ ඔහු පාසල් ගියේ ද බෙන්ස් රථයෙනි. බැඳුම් කරවිල වල ඇති ගුණ අගුණ ගැන පොතක් ද ලියුවෙකි. පරම්පරාවන් ධනවතෙකු වූ නිසා ලන්ඩනය යට කළ මහා ගංවතුරේ විපතට පත් වූවන්ට කෙසෙල් ගෙඩිය බැගින් දීමට ඔහුට හැකි විය.ෂර්ලොක් හෝම්ස් පැමිණ ඇත්තේ අගමැති නිවසට බව මම දැනගත්තේ පසුව ය. ෂර්ලොක්ගේ පැමිණීමෙන් අගමැති බිය වු බවක් පෙනෙන්නට නොවී ය. පැයක පමණ ප්‍රශ්න කිරීමකින් පසු ෂර්ලොක් පිටතට පැමිණියේ බලාපොරොත්තු සුන් වු අයුරකිනි.

“වොට්සන්…මිනිහා ‘ප්‍රොෆෙසර් මොරියාටි’ටත් වඩා දරුණු මිනිහෙක්. ඉස්සර බැට්ලෑන්ඩ් වල දරුණු වධකාගාරයක් පවත්වාගෙන ගිහිල්ලා තියෙනවා. ඒක නිසා මේ වගේ දේකින් බය කරන්න අමාරුයි. අපිට ඇහැ ගහගෙන ඉන්න වෙනවා. ඉස්සරහට ඔයිට වඩා දරුණු මංකොල්ලකෑම් මිනිහා කරන්න ඉඩ තියෙනවා. අපි දැන් යමු ස්කොට්ලන්ඩ් යාඩ් වලට, ලෙස්ට්‍රාඩේ හමුවෙන්න…”

“ටැක්සි….” මම ටැක්සියකට අත දැමුවෙමි.

====

© සොනාල ගුණවර්ධන.

10
නොවැ.
17

(තොපිට හොඳ වැඩේ) ලසන්ත රුහුණගේ දැං ඉතිං කාපං අසූචි

රනිල් කියූ යහපාලන මාධ්‍ය නිදහස මෙයද..

රනිල්ට කඩේ යනගමං  පොන්නයා පත්කල සිරිසේනට ගහන නිසා ලංකා ඊ නිවුස් අවහිර කලාට දැඩි විරෝධය..

ලංකා ඊ නිවුස් වෙබ් අඩවිය ශ්‍රී ලංකාව තුල අවහිර කිරීමට සිය දැඩි විරෝධය පල කරන බව වෘත්තීය මාධ්‍යවේදීන්ගේ සංගමය පවසයි.

මේ බව සදහන් කරමින් එම සංගමය විසින් නිකුත් කර ඇති නිවේදනය මෙසේය.

ලංකා ඊ නිව්ස් වෙබ් අඩවිය අවහිර කිරීම සම්බන්ධයෙනි…

ලංකාඊ නිව්ස් වෙබ් අඩවියට ශ්‍රී ලංකා ටෙලිකොම්හි අන්තර් ජාල පහසුකම භාවිතාකරමින් 2017-11-08 දින සිට පිවිසීමට නොහැකි වන සේ වාරණය කර තිබීම අප සංගමයදැඩි ලෙස හෙළා දකිමු. මෙම පියවර යහපාලන ආණ්ඩුව මාධ්‍ය මර්දනය වෙනුවෙන් ගනු ලැබූ පළමු පියවර නොවන අතර මීට පෙර රාජ්‍ය නිලධාරීන්, ආරක්ෂක අංශ සහදේශපාලනඥයින් මාධ්‍ය නිදහසට කළ බලපෑමට අප විටින් විට විරෝධය පළ කෙළෙමු.

මාධ්‍ය නිදහස ශපථ කරමින් බලයට පැමිණි යහපාලන ආණ්ඩුවේ මෙවැනි පියවර ජනතාව සහමාධ්‍ය සමාජය කිසිසේත් බලාපොරොත්තු නොවන්නකි. ලංකා ඊ නිව්ස් වෙබ් අඩවිය වාරණයට ලක් කර ඇත්තේ විදුලි සංදේශ නියාමන කොමිසමේ උපදෙස් පරිදි බව අපට විශ්වාසවන්ත ආරංචි මාර්ග හෙළිකර සිටියි.

මෙමවාරණ නියෝගය නිකුත් කළ විදුලි සංදේශ නියාමන කොමිසම පවතින්නේ ජනාධිපතිවරයා යටතේ වීමත් ශ්‍රී ලංකා ටෙලිකොම් ආයතනය පවතින්නේ ජනාධිපතිවරයාගේ සහෝදරයාගේ යටතේ වීමත් මෙම හදිසි වාරණයේ සුවිශේෂී කාරණයකි. ලංකා ඊ නිව්ස් වෙබ් අඩවිය වාරණයට ලක් කිරීම පිළිබඳ ආණ්ඩුව වහා ප්‍රකාශයක් සිදුකළ යුතු බව අප අවධාරණය කරමු. පසුගිය මහින්ද රාජපක්ෂ රජය යටතේ ද ලංකා ඊ නිව්ස් වෙබ් අඩවිය වාරණයටලක් වූ අතර එකී ආයතනයට ගිනි තැබීම ද එහි මාධ්‍යවේදියෙකු වූ ප්‍රගීත් එක්නැලිගොඩ අතුරුදහන් කිරීම ද සිදුවිය.

ආණ්ඩුවක් විවේචනයට බිය විය යුත්තේ තමන් අත වැරදි ඇතිනම් පමණි. එසේ නොවන්නේ නම් එකී විවේචන වලට පිළිතුරු දීමට ඕනෑම මාධ්‍ය ආයතනයක් සහතික කර තිබේ. විවේචන වලටපිළිතුරු දීම වෙනුවට මර්දනයකට කැස කැවීම යහපාලන රජයකට නොවටිනා දෙයකි.

ලංකාඊ නිව්ස් වෙත සිදුකර ඇති වාරණය වහා ඉවත් කරන ලෙසත් මේ සම්බන්ධයෙන් සිය මතයප්‍රකාශ කරන ලෙසත් ජනාධිපතිවරයාගෙන්, අගමැතිවරයාගෙන්, ජනමාධ්‍ය ඇමැතිවරයාගෙන් සහ ශ්‍රී ලංකා ටෙලිකොම් ආයතනය බාර ඇමැතිවරයාගෙන් අපි වැඩිදුරටත් ඉල්ලා සිටිමු.

අත්සන් කෙළේ

ලසන්ත රුහුණගේ – සභාපති
දුමින්ද සම්පත් – ලේකම්

02
නොවැ.
17

ජේ.වී.පී කාරයෝ යහපාලන කුමන්ත්‍රණයේ හිටපු අය. ව්‍යවස්ථා කුමන්ත්‍රණයෙත් ඉන්නවා.

ගරු සභාපතිතුමනි,

මේ ව්‍යවස්ථාදායක සභාව අලුත් ව්‍යවස්ථාවක් සම්පාදනය කිරීමේ ක්‍රියාවලිය පටන්ගත්තෙ මීට මාස 20කට පමණ කලින්. 2016 නොවැම්බර් මාසයේදී විවිධ යෝජනා අන්තර්ගත අනු කමිටු වාර්තා 06ක් පලවුණා. අපි අද විවාද කරන අතුරු වාර්තාව පාර්ලිමේන්තුවේ සභාගත කලේ පසුගිය සැප්තැම්බර් මාසයේ. ඉදිරිපත් වී ඇති නිශ්චිත යෝජනා පිළිබඳව මම සවිස්තරාත්මක නිවේදන නිකුත් කර තිබෙන නිසා ඒ ගැන නැවතත් මෙතන කතාකරන්න බලාපොරොත්තු වෙන්නෙ නැහැ.

අපි මේ ව්‍යවස්ථා සම්පාදක ක්‍රියාවලියට සහභාගී වුණේ බොහොම අවංකව. අලුත් ව්‍යවස්ථාවක් සම්පාදනය කිරීම ගැන දේශපාලන පක්‍ෂ වල අදහස් විමසුවාම අපි ඒකාබද්ධ විපක්‍ෂය හැටියට අපේ අදහස් ලියල යැව්වා. අපි ඒකෙ කමිටුවලට සහභාගී වුණා. මේ ව්‍යවස්ථා සම්පාදක ක්‍රියාවලිය ගැන අපිට සැක නොතිබුණා නොවේ. යහපාලන ආණ්ඩුව බලයට ආපු අලුත විධායක ජනාධිපති ක්‍රමය අහෝසි කරනවයි කියලා ගෙනාපු 19 වන සංශෝධනයෙන් කරපු මහා වංචාව අපි දැක්කා.ඒත් අපි මේ ක්‍රියාවලියට සහභාගී වුණේ රට ගැන හිතලා.

නමුත් මේ ව්‍යස්ථා සම්පාදක ක්‍රියාවලියත් සිද්ධ වෙන්නෙ වැරදි විදියට. අනුකමිටුවලට සහභාගී වෙලා අපේ මන්ත්‍රීවරුන් දක්වපු අදහස් වාර්තා මුද්‍රණය කරන කොට හලලා. පසුගිය දවස් දෙකේ මේ විවාදය කරපු හැටි දිහා බලන්න. ආණ්ඩු පක්‍ෂයෙන් කියලා යූ.එන්.පී ඇමතිවරයෙක් කතා කරනවා, ඊට පස්සෙ විපක්‍ෂයෙන් කියලා ටී.එන්.ඒ මන්ත්‍රීවරයෙක් කතා කරනවා. අයෙමත් ආණ්ඩු පක්‍ෂයෙන් කියලා ශ්‍රිලනිප ඇමතිවරයෙක් කතා කරනවා. ඊළඟට විපක්‍ෂයෙන් කියලා ජේ.වී.පී මන්ත්‍රීවරයෙක් කතා කරනවා. මේ ඔක්කොම යහපාලන කුමන්ත්‍රණයේ හිටපු අය. මේ ඔක්කොම මේ ව්‍යවස්ථා කුමන්ත්‍රණයෙත් ඉන්න අය. මේ රටේ සබෑ විපක්‍ෂය වෙන ඒකාබද්ධ විපක්‍ෂයට මුලු දවසටම කතා ලැබෙන්නෙදෙක තුනයි.

මේ ව්‍යවස්ථා යෝජනා සාධාරණීකරනය කරන්න මේගොල්ලො කියනවා මමත් මගේ 2015 ජනාධිපතිවරණ ප්‍රතිපත්ති ප්‍රකාශනයේ අලුත් ව්‍යවස්ථාවක් ගැන සඳහන් කරල තිබුණයි කියලා. ඔව් තිබුණා තමයි. නමුත් මෙතන තියෙන ප්‍රශ්නය රට බෙඳන ව්‍යවස්ථාවක් ගෙන එන එකයි. මම හිතාගෙන සිටියෙ රට එක් සේසත් කරන ව්‍යවස්ථාවක් ගැන.2015 ජනාධිපතිවරණයේදීවත් පාර්ලිමේන්තු මැතිවරණයේදීවත් සම්පූර්ණයෙන්ම අලුත් ව්‍යවස්ථාවක් ගෙන එන්න කිසිවෙකුටත් වරමක් ලැබුණේ නෑ.

මේ ඉදිරිපත් කර ඇති යෝජනා වලට අනුව අද මධ්‍යම ආණ්ඩුව හොබවන සෑම බලයක්ම සමාලෝචනයට ලක් කොට එය පළාත් ඒකක වලට පැවරිය හැකිනම්, එසේ පැවරීමට යෝජනා කරල තියෙනව. සමගාමී බලතල ලැයිස්තුව අහෝසි කරල ඒකෙ බලතලත් පළාත් වලට බෙදල දෙන්න යෝජනා වෙලා තියෙනව. ඒ ක්‍රියාදාමයෙන් පස්සෙ මධ්‍යම ආණ්ඩුවට ඉතිරිවෙන බලතල වුණත් ක්‍රියාත්මක කිරීමේ බලය හැකි සෑම අවස්ථාවකදීම පලාත් වලට පවරන්න යෝජනා වෙලා තියෙනව. ජාතික ප්‍රතිපත්ති හා ජාතික ප්‍රමිතීන් සම්පාදනය කිරීමේදීත් මධ්‍යම ආණ්ඩුවට හැම පළාත් සභාවකින්ම වෙන වෙනම මත විමසන්න වෙනව. ඉඩම් හා පොලිස් බලතල පමණක් නොව මුදල් බලතලත් පළාත් ඒකක වලට පැවරීමට යෝජනා වෙලා තියෙනව. මේ ආකාරයට පළාත් ඒකක වලට බලය පැවරුවාට පස්සෙ පාර්ලිමේන්තුවේ තුනෙන් දෙකේ බලයකින් හා ජනමත විචාරණයකින් වත් ඒ බලතල ආපසු පවර ගන්න බැරි වෙන ආකාරයට විධිවිධාන සම්පාදනය කිරීමට යෝජනා වෙලා තියෙනව.

යෝජිත ව්‍යවස්ථාව යටතේ පළාත් වලට පැවරෙන බලතල මධ්‍යම ආණ්ඩුවට ආපසු පවරගන්න පුලුවන් වෙන්නෙ හැම පළාත් සභාවක් විසින්ම ඒ පවර ගැනීම අනුමත කරොත් විතරයි. මේ ඉදිරිපත් කරල තියෙන යෝජනා ඇත්තටම ක්‍රියාත්මක වුනොත් අද මේ සභාවේ සිටින මන්ත්‍රීවරුන් ඊලඟ වතාවේ පාර්ලිමේන්තුවට තරඟ කිරීමෙන් පලක් නැති වෙනව. සැබෑ බලය තියෙන්නෙ පළාත් සභා වල නිසා මේ සියලුම දෙනාටම පළාත් සභාවලට තරඟ කරන්න සිද්ධ වේවි.

උතුරු හා නැගෙනහිර පළාත්වල ෆෙඩරල් ඒකකයක් නැත්නම් ස්වාධීන රාජ්‍යක් ගොඩනැගීම 1950 ගණන් වල ඉදලම උතුරේ දේශපාලඥයින්ගෙ ප්‍රධාන ව්‍යාපෘත්ය වන බව අපි කවුරුත් දන්නව. වෙනම ෆෙඩරල් ඒකකයක් ඉල්ලා සිටීම පසුපස තිබුණු ජාතිවාදය වසන් කරන්න බලය බෙදීම උතුරු -නැගෙනහිරට පමණක් නොව අනිත් පළාත් වලටත් සෙත සලසන ක්‍රියාදාමයක් හැටියට හුවා දක්වන ප්‍රවනතාවය ඒකාලයේ ඉඳලම තිබුණා. උතුරේ දේශපාලන කණ්ඩායම් වැඩි වැඩියෙන් බලය බෙදීම ඉල්ලා සිටින විට වෙනත් ජනවාර්ගික හා ආගමික කණ්ඩායම් නියෝජනය කරන දේශපාලන පක්‍ෂ නායකයනුත් වැඩි සෙවිල්ලක් බැලිල්ලක් හෝ කල්පනා කිරිල්ලක් නැතුව ඒකට ඔලුව වනන ප්‍රවනතාවයක් තිබුණා.

නමුත් දැන් දංගෙඩියට බෙල්ල තියන මොහොත ඇවිත් තියෙන නිසා වෙනත් ජනවාර්ගික හා ආගමික කණ්ඩායම් වල නායකයන් මේ යෝජනා වලින් තමන් නියෝජනය කරන ජන කොටස් වලට ඇති පැහැදිලි අනතුර ගැන කල්පනා කිරීමට පටන්ගෙන ඇතැයි කියල මම සිතනව. මාස 20ක් තිස්සේ සාකච්ඡා කිරීමෙන් පසුවත් යෝජනා එකතුවක් පලකිරීමෙන් එහාට මේ ක්‍රියාදාමය ඉදිරියට ගිහිල්ලා නැත්තෙමේ නිසා වෙන්න පුලුවන්. මෙහෙයුම් කමිටුවේ 21 දෙනාගෙන් 15 දෙනෙක්ම අතුරැ වාර්ථාව තුල විකල්ප මත ඉදිරිපත් කරල තියෙනව ඵ් වගේම 5 වන වගන්තියට ශ්‍රී ලංකාවේ දේශසීමාව නීර්ණය කිරිමේ බලය බාර දිමට ඇති යෝජනාවට අපට ඵකග විය නොහැක.

උතුරේ දේශපාලඥයන්ට බලය බෙදීම කියන සංකල්පයෙන් ප්‍රයෝජනයක් තිබුණත් අනෙක් සියලුම ජනවාර්ගික හා ආගමික පදනමක් ඇති දේශපාලන පක්‍ෂ වලට එයින් ඇති වන්නේ අගතියක් පමණයි. මේ අතුරු වාර්තාවෙ යෝජනා කරලා තියෙන හැටියට උතුරු-නැගෙනහිර පළාත්දෙක, තනි පළාතක් හැටියට සැලකීමේ යෝජනාවට මුස්ලිම් ප්‍රජාවට එකඟ වෙන්න පුලුවන්ද? 1987 දී ශ්‍රී ලංකා මුස්ලිම් කොංග්‍රසය බිහිවුනෙත් උතුරු- නැගෙනහිර පළාත් එක් කිරීමට විරුද්ධවයි. දෙමළ ජාතිවාදීන්ට උතුරේ සම්පූර්ණ බලය හිමිවී තිබුණ සමයේ මුස්ලිම් ජනතාවට සලකපු ආකාරය ඔවුන්ට තවම අමතක වෙලා නැතුව ඇතැයි කියල මම හිතනව. ඒ කාලේ නැගෙනහිර පළාතෙ මුස්ලිම් වරුන්ටත් ඒ ඉරණමම අත් නොවුනෙ ඒ ප්‍රදේශවල යුද හමුදාව හිටපු නිසයි.

උතුරු-නැගෙනහිර පළාත් ඒකාබද්ධ නොකෙරුවොත් නැගෙනහිර පළාතේ ජීවත්වන දෙමළ ජනතාවට පවා බලය බෙදීමෙන් සිද්දවෙන්නෙ සුගතියක් දැයි ඔවුන්ගෙන්ම අහල බලන්න ඕන. අපි උඩරට පළාත්වල ජීවත්වන ද්‍රවිඩ ජනතාව ගත්තොත් ඒ ජනතාව වෙනම රාජ්‍යයන්ට සමාන බලතල හොබවන පළාත් සභා දෙකක්, තුනක් නැතිනම් ඊටත් වඩා වැඩි ගණනක් අතරෙ බෙදිල යන එක ගැන ඒ ජනතාවගේ නායකයන් මොනවද හිතන්නෙ? ඒ එක් එක් පළාත් සභාව තුළ ජීවත් වන උඩරට ද්‍රවිඩ ජනතාව වෙනුවෙන් ආරවුලක් නිරාකාරණය කිරීමට හෝ දුක්ගැනවිල්ලක් ගැන සොයා බැලීමට මැදිහත් වීමක් කිරීමටවත් මධ්‍යම ආණ්ඩුවට බලයක් නැති තැන ඒ විදියට නොයෙක් පළාත් සභා අතර ඒ ජනතාව බෙදිල යාමේ අනිසංශ මොනවද කියල ඒ නායකයො කල්පනා කරල තියෙනවද?

දෙමළ ජාතික සංධානයේ දේශපාලන පක්‍ෂ හැරුණ විට අනෙක් සියලුම ජනවාර්ගික හා ආගමික පදනමක් ඇති දේශපාලන පක්‍ෂ මේ වනතෙක් සොයා ගියේ මධ්‍යම ආණ්ඩුවේ බලයයි. මේ ඉදිපත් වී තිබෙන යෝජනා ක්‍රියාත්මක වුවහොත් මධ්‍යම ආණ්ඩුවට සියලුම බලතල අහිමි වනව. ආණ්ඩුව ඉදිරිපත් කරලා තියෙන බලය බෙදීමේ යෝජනා සාධාරණීකරනය කරන්න ඒගොල්ලො කියනවා මම “තර්ටීන් ප්ලස්” දෙනවයි කිවුවලු. මේගොල්ලො තර්ටීන් ප්ලස් කිවුවාම අදහස් කරන්නෙ රට බෙදන එක. තර්ටීන් ප්ලස් කියන එකෙන් මම අදහස් කලේ, දෙවෙනි මන්ත්‍රී මණ්ඩලයක් වැනි ආයතන තුළින් රටේ සියලු ජන කොටස් තව තවත් මධ්‍යම ආණ්ඩුවේ කටයුතු වලට සහභාගී කරවා ගැනීමයි.

ඉන්දියාවෙ දෙමළ ජනතාවගෙන් අති බහුතරය ජීවත් වෙන්නෙ තමිල්නාඩුවෙ. නමුත් ලංකාවෙ දෙමළ ජනතාවගෙන් බහුතරය සථිරව පදිංචි වෙලා ඉන්නෙ උතුරු-නැගෙනහිර පළාත් වලින් පිට. නැගෙනහිර පළාතෙ සෑහෙන මුස්ලිම් ජනගහනයක් හිටියත්, මුස්ලිම් ජනතාවගෙන් අති බහුතරය ජීවත් වෙන්නෙ නැගෙනහිර පළාතෙන් පිට. මේ රටේ ජාතිවාදී හෝ ආගම්වාදී පදනමක් මත ස්වාධීන රාජ්‍යයකට හිමි තරමේ බලතල තියෙන ෆෙඩරල් පාලන ඒකක ඇති කිරීමෙන් සිද්දවෙන්නෙ ඒ එක් එක් ඒකක තුළ ඉන්න විවිධ ජනවාර්ගික හා ආගමික කොටස් වලට අගතියක් සිදුවීමයි.

මේ බලය බෙදීමේ යෝජනා අත්හැර, ඒ ගොල්ලන් 2015 ජනාධිපතිවරණයේදී ජනතාවට දුන් ව්‍යවස්ථාමය ප්‍රතිඥා දෙක පමණක් ක්‍රියාත්මක කරන්නැයි මම ආණ්ඩුවෙන් ඉල්ලා සිටිනව.වි‍ධායක ජනාධිපති ක්‍රමයේ අනාගතය පිලිබද රජයේ සමුහික ස්ථාවරය ඉදිරිපත් කල පසු මේ ගරු සභාවේ අවධානය යොමුවෙන්න ඕන මැතිවරණ ක්‍රමය සංශෝධනය කිරීම ගැනයි. පසුගිය මාස දෙක තුළ පාළාත් පාලන හා පළාත් සභා සඳහා මැතිවරණ ක්‍රමය වෙනස් කෙරුවෙ අත්තනෝමතික හා අවිධිමත් විදියටයි. මේ නිසා ඉදිරියේදීරට පාලනය කරන ආයතන තුළ බරපතල අස්ථාවර භාවයක් ඇතිවෙන්න ඉඩ තියෙනව.

මීට කළින් පළාත් පාලන ඡන්ද ක්‍රමයත්, පළාත් සභා ඡන්ද ක්‍රමයත් වෙනස් කරලා ඡන්ද කල් දමන්න ආණ්ඩුව අනුගමනය කරපු ක්‍රියාවලියම ව්‍යවස්ථාව සම්බන්දයෙනුත් අනුගමනය කරාවිය යන බරපතල සැකය කා තුළත් තියෙනවා. මගේ නායකත්වය යටතේ තරඟ කරලා පාර්ලිමේන්තුවට තේරී පත්වෙලා ආණ්ඩුවේ ඇමතිකම් දරණ අය 40 කට වඩා ඉන්නවා. මේ අයට පුලුවන් ව්‍යවස්ථාවට ඡන්දය නොදී ඉඳල ඒක පාර්ලිමේන්තුව තුළම පරාජය කරන්න.

මගේ ආණ්ඩුව විසින් යුද්දයෙන් පසු උතුරු පළාතේ දියත් කල ව්‍යාපෘති හේතුවෙන් එම ප්‍රදේශයේ ජනතාවගේ ජීවන තත්වය, රැකියා නියුක්තිය, හා අධ්‍යාපනය දියුණු වුණා. නමුත් දැන් උතුරේ ජනතාවගේ අවශ්‍යතාවයන් පසෙක ලා උතුරේ දේශපාලඥයන්ගේ අවශ්‍යතාවයන් ඉටුකිරීමට නව ව්‍යවස්ථාවක් සම්පාදනය කිරීමට මුල්තැන දීල තියෙන්නෙ 2015 ආණ්ඩු වෙනස ඇති කිරීමේ කුමන්ත්‍රණයට උදවු දුන් අභ්‍යන්තර හා භාහිර බලවේගවලට ණය ගෙවීමක් ලෙස කියලයි මම හිතන්නෙ.

ස්තුතියි

Image may contain: 1 person, indoor

01
නොවැ.
17

ගොං රනිල් ගේ පඩ උපදේශක ගොබ්බයින් සඳහා

  




අනවශ්‍ය දේවල්

  • 160,845 ක් බැළුවා

මරුවා වැහෙන දින

දෙසැම්බර් 2017
බ්‍ර සි සෙ
« නොවැ.    
 12
3456789
10111213141516
17181920212223
24252627282930
31  

මිනී කාමරය

අළුත් මිනී

මරුවා සොයනා ලෝකය

මරු ඒවා

  • කිසිවක් නැත