30
ජූලි
18

ලස්සන කොළඹ නගරය විනාශකල රනිල්ගේ ගොන්නු

ලස්සන කොළඹ නගරය විනාශකල හැටි

කොටුව දුම්රියපලේ සිට පිටකොටුව මධ්‍යම බස්‌ නැවතුම්පලේ අවසාන කෙළවර දක්‌වා වූ පදික වේදිකාව නැවතත් පදික වෙළෙඳුන් ආක්‍රමණය කර ඇත. පදිකයන්ට නැවතත් එම පදික වේදිකාව අහිමිවී ඇත. රටේ ජනාකීර්ණ ම ස්‌ථානය ලෙස හැඳින්විය හැකි පිටකොටුව ඕල්කට්‌ මාවත, පළමුවෙනි දෙවැනි තුන්වැනි හරස්‌වීදි මෙන්ම කෙලින් වීදියේද පදික වේදිකා පදික වෙළෙඳසල්වලින් වැසී ගොසිනි. පදිකයන් ගමන් කරන්නේ පාර මැදය. අතුරු මාර්ගවල වාහන ගමන් කිරීම එහෙම පිටින්ම යුද්ධයකි සමහර පදික වෙළඳුන් පදිකවේදිකාව පමණක්‌ නොව මාර්ගයේද වෙළෙඳාම් කරයි. විවිධ ජාවරම්කරුවන් වීදි ගණිකාවන් ගැටකපන්නන් බහුලව ගැවසෙන මෙම ප්‍රදේශ රජයේ පාලනයෙන් තොර වූ බවක්‌ පෙනේ. කොයි මොහොතක කාන්තාවකගේ ගෙල බැඳි රන්මාලය, කෙනෙකුගේ මුදල් පසුම්බිය අහිමි වේදැයි පවතින අවිනිශ්චිතතාව ඉතා ඉහළය. අපිරිසිදු බව, ගන්ධය සම කළ හැක්‌කේ 1980 – 2008 කාල වකවානුව තුළ මෙම හරස්‌වීදි වල සහ කෙලින් වීදියේ පැවති තත්ත්වයටම පමණි.

කප්පම් ගැනීම මිනීමැරීම සාමාන්‍යකරණය වී ඇත. එකම දිනකදී කාන්තාවක ඇතුළු තිදෙනකු කොටහේන සහ කොටුව ආශ්‍රිත ප්‍රදේශ වලදී පාතාලයන් විසින් ඝාතනය කරන ලද්දේ නොබෝදාය. නිසි කළමනාකරණයක්‌ නොමැති බැවින් තැන තැන දැමූ කසළ මඟ දෙපස නිරන්තරයෙන් දක්‌නට ලැබේ. දුම් බොන්නන් පමණක්‌ නොව ගංජා උරන්නන් පවා ජනාකීර්ණ හරස්‌ වීදිවල සුලබව දැකිය හැකිය. මේ වාතාවරණය යටතේ මෙම ප්‍රදේශවල ආරක්‌ෂාව පිළිබඳ විශ්වාසය බිංදුවට වැටී ඇත. පිරිසිදුකම නගර, අලංකාරය යන මාතෘකා අතීත වෘත්තාන්ත බවට පත්වී අවසන්ය. කොටින්ම පිටකොටුව සහ කොටුව ආශ්‍රිත මෙම ප්‍රදේශවල ආරක්‌ෂක තත්ත්වය පිරිසිදුකම මෙන්ම අලංකාරයට අදාළ කරුණු ඊට වගකිව යුතු ආයතන අතහැර දමා ඇති සේය.එහෙත් කොළඹ මහ නගර සභාව යහතින් වැජඹෙමින් පවතී නගරාධිපති තුමියගේ සිට සුළු සේවකයා දක්‌වා මහජන මුදලින් වැටුප් සහ දීමනා ලබමින් සිය තනතුරේ වරප්‍රසාද නො නොඅඩුව ලබයි එසේම වීදි ගණිකාවන් ගැටකපන්නන්, මත්ද්‍රව්‍ය ජාවාරම්කරුවන්ගේ තෝතැන්නක්‌ බවට පත්ව ඇති මෙම ප්‍රදේශවල පොලීසිය සහ ආරක්‌ෂක අංශ අකර්මණ්‍ය වූවාක්‌ සේ පෙනේ..

මහින්ද රාජපක්‌ෂ යුගයේ කොටුව පිටකොටුව ආශ්‍රිත ව පදික වෙළෙඳුන් සඳහා වෙනම කලාප ඉදිකරන ලද අතර පදික වේදිකා මගී ජනතාව සඳහා නිදහස්‌ කරදෙනු ලැබිණ. එමගින් අනවශ්‍ය රථවාහන තදබදය බොහෝදුරට අඩු වූවා සේම මගී ජනතාවට නිදහසේ ආරක්‌ෂිතව පදික වේදිකාවේ ගමන් කිරීමට ඉඩ හසර ලබාදී තිබිණි. එ නිසාම අනවශ්‍ය තදබදයක්‌ ඇති නොවූ හෙයින් වීදි ගණිකාවන්, ගැටකපන්නන්, මත්ද්‍රව්‍ය අලෙවිකරන්නන් වැනි සමාජ විරෝධීන් හට ජනතාව අතරේ සැඟවී තම කාර්යය කරගැනීමට එතරම් පහසු නොවීය. පදික වෙළෙන්දෝ ද තමන්ට වෙන්කර දුන් කලාපවල සිය වෙළෙඳ කටයුතු අරඹනු ලැබූහ, ජනතාවද එම ස්‌ථානවලට හුරුවෙමින් සිටිනු දක්‌නට ලැබිණි.

මේ තත්ත්වය ඉවසිය නොහැකි පිරිසක්‌ විය. ඔවුන් අන් කිසිවෙක්‌ නොව කොටුව පිටකොටුව ප්‍රදේශ මිහිපිට අපායක්‌ කළ වීදිගණිකා ජාවාරමුන් මත්ද්‍රව්‍ය ජාවාරමුන් සහ ගැටකපන්නන් මෙහෙයවන්නන් ඇතුළු අනෙකුත් සකලවිධ නීතිවිරෝධී ජාවාරම් කළ උන්ය.

කොටුට පිටකොටුව ආශ්‍රිතව අනාරක්‌ෂිත බව ජාවාරමුන්හට අත්‍යවශ්‍ය සාධකයකි. මෙය පවත්වාගෙන යාමට තදබදය අවශ්‍ය වේ. එය නිර්මාණය කිරීමට අත්‍යවශ්‍ය සාධකය පදික වෙළෙඳුන්ය. එ නිසා ජාවාරමුන් හට අවශ්‍ය පරිදි පදික වේදිකාව පදික වෙළදුන්හට ආක්‍රමණය කිරීමට අවස්‌ථාව සලසා දෙනු ලබන්නේ දේශපාලකයා විසිනි. මෙහිදී දේශපාලකයා පදික වෙළෙන්දාට ස්‌වයං රැකියා අවස්‌ථාවක්‌ ද උදාකර දෙනු ලබන බව ප්‍රදර්ශනය කරනු ලබයි. ඊට සමගාමීව ගණිකා වෘත්තිය, මත්ද්‍රව්‍ය ජාවාරම ගැටකැපීම සහ තවත් නහුතයක්‌ ස්‌වයං රැකියාවන් මේ හරහා උත්පන්න වේ. අදූරදර්ශී අවස්‌ථාවාදී දේශපාලකයන් ගේ මේ ක්‍රියාදාමය රටක්‌ ආපස්‌සට ඇදගෙන යන අයුරු ෙ€දජනකය.

කොටුව පිටකොටුව පමණක්‌ද? අද මුළු රටේම ප්‍රධාන නගරවලත් සාමාන්‍ය නගරවලත් තත්ත්වය මෙය නොවේද? රටේ ඕනෑම දුෂ්කර ග්‍රාමීය ප්‍රදේශයක වුවද කුඩ්ඩන් දැකගත හැකිය. එහි තේරුම මත් කුඩු ජාවාරම රටේ අස්‌සක්‌ මුල්ලක්‌ නෑර ක්‍රියාත්මක වන බව නොවේද? මත්කුඩු ජාවාරම සමඟ ඇත්වැල් බැඳගෙන පැමිණෙන පාතාල භීෂණය ද රටම වෙලාගෙන අවසන්ය සතියකට පාතාලයන් ඝාතන කීපයක්‌ සිදුකිරීම සාමාන්‍ය තත්ත්වයක්‌ බවට පත්වී ඇත. මේ සියලු අවකල් ක්‍රියාවන්ගේ ගොදුරු බවට පහසුවෙන්ම හසුවන්නේ රටේ අනාගතය භාරගැනීමට සිටින තරුණ පරම්පරාව බව රට යහමඟට ගෙන යැමට, යහපාලනයක්‌ ඇති කිරීමට කියා හන්දියක්‌ හන්දියන් ගානේ ගෙයක්‌ ගෙයක්‌ ගානේ ගොස්‌ ජනතා වරම් ඉල්ලා පාලන බලය ලබාගත් ඉහළ සිට පහළට සිටින සියලුම පාලකයින් හට නොවැටහෙන්නේ නම් එය අරුමයකි.සත්‍යය නම් මොවුන්හට අවශ්‍ය රටේ මෙවැනි තත්ත්වයක්‌ නිර්මාණය කර ජනතාව හැකි සෑම අයුරකින්ම බෙල හීන කර, අසරණකර සිය බලය පැවැත්ම තහවුරු කරගැනීම නොවන්නේ ද?

දැන් මඳක්‌ යාපනයේ සහ උතුරු කරයේ වත්මන් තත්ත්වය විමසා බලමු. වසර තිහක ත්‍රස්‌තවාදය නිමාකළ නන්දිකඩාල් විජයග්‍රහණයෙන් පසු එම ප්‍රදේශ සිග්‍රයෙන් ශිෂ්ටාචාරයට අනුගත විය. ත්‍රස්‌තවාදය අතහැර පුනරුත්ථාපනය වූවන්ගේ මෙන්ම සාමාන්‍ය ජනතාවගේ ද පූර්ණ සහයෝගය ලැබීම හේතුවෙන් වසර දෙක තුනක්‌ වැනි කෙටි කලකදී එම ප්‍රදේශ සම්පූර්ණයෙන්ම සාමාන්‍ය කරණයට අනුගත විය. සාමය ආරක්‌ෂාව ඉතා ඉහළ මට්‌ටමක පැවතිණ. දකුණේ ජනතාව උතුරේ සංචාරය කළේ නෑගම් යන්නාක්‌ මෙනි. වසර තිහක විරසකය අමතක කර දැමූ උතුරේත් දකුණේත් ජනතාවෝ නව හිතවත් කම් මතු නොව අවාහ විවාහ ආදිය මගින් නව නෑදෑකම් ද අතිකර ගනිමින් සැබෑ සංහිඳියාව ගොඩනාගා ගත්හ. නැගෙනහිර තත්ත්වය ද මෙසේම වෙනස්‌ විය.

මේ තත්ත්වය හමුවේ උතුර නැගෙනහිර ජාති වාදී දේශපාලකයින් ගේ වෘත්තීය ස්‌ථාවරත්වය අභියෝගයට ලක්‌වීම නොවැළැක්‌විය හැකි විය. කිසිදු ජනතා සේවයක්‌ නොකොට බොරදියේ මාළු බාමින් ජාතිවාදය වපුරමින් ජනතාව නොමඟ යවමින් සිටි ඔවුන් ගේ ඡන්ද පදනම සීඝ්‍රයෙන් කඩාවැටෙමින් පැවතිණි.

අද වන විට උතුරේ දේශපාලකයින් ආණ්‌ඩුවේ ඇමැතිකම් දරමින් ත්‍රස්‌තවාදය නැවත ඉල්ලා සිටීමට තරම් ප්‍රහාරාත්මකව සිය ජාතිවාදී සටන ක්‍රියාවට නංවා ඇත උතුරු පළාත් මහ ඇමැතිවරයා ජාතිවාදය ප්‍රවර්ධනය කරමින් සිටිනුයේ තනතුර හොබවමින් සිටියදීමය.

මේ උතුරේ දේශපාලකයින් සිය ඡන්ද පදනම ආරක්‌ෂා කරගැනීම සඳහා යොදාගන්නා උපාය උපක්‍රමයන්ය. මේ උපාය උපක්‍රම අතීත ද්‍රවිඩ දේශපාලකයින් මැනවින් ප්‍රයෝජනයට ගැනීමේ ප්‍රතිඵලය වූයේ වසර තිහක යුද්ධයයි. එහි ප්‍රතිඵලය රට වසර පණහකින් ආපස්‌සට යාමයි. උතුරේ ජන ජීවිතය වසර තිහක්‌ තිස්‌සේ මිහිපිට අපායක්‌ බවට පත්කරලීමයි. දකූණේ මරබිය පැතිරවීමයි. එසේ නම් මේ උතුරේ ජාතිවාදය අවුලුවන දේශපාලකයින්හට ඔවුන්ගේ නීති විරෝධී ක්‍රියා හමුවේ සෘජුව නීතිය ක්‍රියාත්මක කිරීමට නීතියෙන් ප්‍රතිපාදන පැවතියද එය මඟහැර කමිටු පත්කරමින් කල්මරන රජයටත් අවශ්‍ය වන්නේ උතුරේ නැවත ත්‍රස්‌තවාදය ඇතිවනවා දැකීමටද?

එක්‌ පසයකින් දකුණේ පාතාලය පාලනයකින් තොරව නිදහසේ භීෂණය පතුරුවයි. මත්කුඩු, මත්පෙති ආදී නොයෙක්‌ මත්ද්‍රව්‍ය පාතාල අනුග්‍රහය සහිතව තරුණ පරපුර බිලි ගනිමින් සිටී. රටේ පාලකයන් මේවා මැඬපැවැත්වීමට අපොහොසත් වී ඇත. සියලු ප්‍රධාන නගර සහ උප නගර වල ගණිකා ජාවාරම මත්ද්‍රව්‍ය ජාවාරම ජයටම සිදු වෙමින් පවතී. මෙසේ පාලකයන්ගේ අනුග්‍රහය ඇතිව දකුණේ ජන ජීවිතය දිනෙන් දින අගාධයට ඇද වැටෙමින් පවතී පාතාල මිනීමරුවන් මත්ද්‍රව්‍ය ජාවාරමුන් ස්‌ත්‍රී ජාවාරම්කරුවන් දකුණ විශාලාවක්‌ කරමින් සිටී. එයට නොදෙවෙනි ලෙස උතුරේ දේශපාලකයින් උතුරේ සාමකාමී ජනතාව නැවත ජාතිවාදී යුද්ධයකට ඇද දැමීමට හැකි සෑම දෙයක්‌ම කරමින් සිටී. රජය මේ තත්ත්වයන්ට එරෙහිව නීතිය ක්‍රියාත්මක කිරීමක්‌ හෝ මේවා පාලනය කිරීමට උත්සාහ කිරීමක්‌ සිදු නොකරන බැවින් රජය මේවාට අනියමින් අනුග්‍රහය දක්‌වන්නේ දැයි ප්‍රශ්නයක්‌ ඉතිරි වේ?

කෙසේ හෝ රටක්‌ අරාජික වන්නට ඉඩහැරීම හෝ ජනතාව ත්‍රස්‌තවාදයට පෙළඹවීමට ඉඩහැරීම හෝ ඒ දෙකම සිදුවීමට ඉඩහැර ලාභ අලාභ ගණනය කිරීම ‘යහ පාලනය’ නම් නොවේ.

‘යහපාලනය’ ස්‌ථාපිත කිරීමට ජනවරම් ලබා පාලන බලය ලබාගත් වත්මන් රජය බලයට පත්වීමට පෙර කොටුව පිටකොටුව ආශ්‍රිත පදික වේදිකා සම්පූර්ණයෙන්ම පදිකයන් සතුව පැවතිණි. වෙළෙන්දෝ තම තමන්ට වෙන් කර දී ඇති ස්‌ථානවල ජනතාවට හිරිහැරයක්‌ නොවන පරිදි වෙළෙඳාම් කළහ. කොටුවේ පිට කොටුවේ වීදිගණිකා ජාවාරම සම්පූර්ණයෙන්ම පාලනය කර තිබිණි. අනවශ්‍ය තදබදය නොමැති වීම නිසාත් කාර්යක්‌ෂම ආරක්‌ෂක ක්‍රියාවලිය නිසාත් ගැටකපන්නන් මත්ද්‍රව්‍ය ජාවාරම් කරුවන් එකල මෙම ප්‍රදේශවල අවම විය. එමෙන්ම වීථිවල දුර්ගන්ධය සහ අපිරිසිදු බවක්‌ දක්‌නට නොවීය. එමෙන්ම උතුරේ වැසියන්හට මෙන්ම දකුණේ වැසියන්හටත් එකල පේදුරුතුඩුවේ සිට දෙවුන්දරතුඩුවටත් දෙවුන්දරතුඩුවේ සිට පේදුරුතුඩුවටත් හිතේ චකිතයක්‌ නොමැතිව සංචාරය කිරීමට තරම් සාමය ස්‌ථාපිතව පැවතිණි. රටේ පාතාල ක්‍රියාවන්ද සෑහෙන දුරට පලනය කර තිබූ අතර ප්‍රබල පාතාල නායකයෝ සියල්ලම පාහේ රටින් පලාගොස්‌ සිටියහ. රටේ එවැනි තත්ත්වයක්‌ පැවතියද ජනතාව ඊට වඩා සුපිරි ‘යහපාලනයක්‌’ අරබයා මහින්ද රාජපක්‌ෂ පරාජය කොට මෙම රජය පත් කරගත් බව රටේ පාලකයින් හට අමතක වී තිබීම කනගාටුවට කරුණකි.

Advertisements


අනවශ්‍ය දේවල්

  • 178,482 ක් බැළුවා

මරුවා වැහෙන දින

ජූලි 2018
බ්‍ර සි සෙ
« ජුනි   අගෝ. »
1234567
891011121314
15161718192021
22232425262728
293031  

මිනී කාමරය

අළුත් මිනී

මරුවා සොයනා ලෝකය

Advertisements

%d bloggers like this: