31
ජන.
18

මංගල සහ රුවන් ෆර්ඩිනැන්ඩස් ඉවර කිරීමට ලංකා ඊ නිවුස් සඳරුවන් වැඩ පටන් අරං

මංගලගේ ගේමත්‘ ඉවරයි..! සොයුරියට ලෝස් නැතිව ඇඩ්වර්ටයිසින්;

සැලසිනේ දූෂණ ගුහාවක් වෙලා

(ලංකා ඊ නිව්ස් -2017.දෙසැ.16, ප.ව‍‍‍‍‍‍‍.10.10) මංගල සමරවීර ගේ ජනමාධ්‍ය අමාත්‍යාංශයට අයත් ‘සැලසිනේ ආයතනය‘ දූෂණ වංචා ගුහාවක් බවට පත් වී ඇත. රාජපක්ෂ සමයේ දූෂණ තවමත් සොයන අවදියක මාධ්‍ය ඇමතිවරයාගේ ආයතනයේම දූෂණ ඉහල යෑම කණගාටුවට කාරණයකි. අමාත්‍යවරයාගේ ලේකම්(මාධ්‍ය) රුවන් ෆර්ඩිනැන්ඩස්ට හිතවත් පුද්ගලයකු වන ශාන්ත බණ්ඩාර ජයවර්ධන නමැත්තෙකු සැලසිනේ සභාපති ධූරයට පත් කොට ඇති අතර සැලසිනේ ආයතනය රාජ්‍ය ආයතන වල වෙළෙඳ ප්‍රචාරණය කළ ද තවමත් ජනමාධ්‍ය අමාත්‍යංශයේ වෙබ් අඩවියේ නව සභාපතිවරයාගේ නමවත් යාවත් කාලීන කර නැති වීමෙන්ම කියා පාන්නේ සැලසිනේ ආයතනයේ වැඩ බැරි භාවයයි. මෙය ලියන මොහොත දක්වාම එහි සැලසිනේ සභාපති ලෙස දැක්වෙන්නේ හිටපු සභාපති තුසිත ජයවර්ධනගේ නම ය.

මංගල ජනමාධ්‍ය ඇමැතිවීමෙන් පසු සැලසිනේ සභාපති ලෙස පත් කරන ලද ශාන්ත බණ්ඩාර යනු පසුගිය ජනාධිපතිවරණයේ දී මෛත්‍රීපාල සිරිසේන මහතාගේ ඩමිය රාජපක්ෂලාට සපයා දුන් පුද්ගලයා බව මංගල සමරවීර සමහර විට නොදන්නවා විය හැකි නමුත් ඒ බව රුවන් ෆර්ඩිනැන්ඩස් හොඳ හැටි දනී. ශාන්ත බණ්ඩාර යනු එවැනි ඩබල් ගේම් කාරයෙකි. මංගලත් ඩබල් ගේම් කාරයෙක් නිසා තකට තක හරි ගියාදැයි නොදන්නා නමුත් සැලසිනේ සභාපතිවරයාගේ තරම ජනතාවට කියා දිය යුතුය.

ඔහු සිරස රූපවාහිනියේ වැඩ සටහන් අධ්‍යක්ෂකවරයෙකුව සිට අසාර්ථක වීම නිසා තනතුරින් පහත හෙලූ අයෙකි. කිසිවෙකුගේ පිලිගැනීමක් නැති ව්‍යාපාරික අංශයට පහත හෙලූ ඔහු එතැනදී නම් පුද්ගලිකව සාර්ථක විය. ‘අද කාලේ බිස්නස්‘ නම් වැඩ සටහනක් ආරම්භ කොට ව්‍යාපාරික දැවැන්තයන් සමඟ සම්මුඛ සාකාච්ඡාවන් සඳහා මඟ පාදා ගත් ඔහු ඔවුන් සමග පුද්ගලික ගණුදෙනු සාදා ගෙන මුදල් ගැනීම හසුවීමෙන් පසුව සිරසෙන් නෙරපා දැමීය. මහින්ද රාජපක්ෂගේ සමීපතමයන් ඇසුරු කළ ඔහු දැඩි රාජපක්ෂවාදියෙක් වූ ‘ඕල්වේස් බ්‍රේක් ඩවුන්‘ වැඩ සටහන නිර්මාණය කළ හරිත් ගුණවර්ධන සමග ඒ පන්නයේම වැඩ සටහනක් ස්වාධීන රූපවාහිනියේ ආරම්භ කළේය. එමඟින් කළේ රනිල්, මංගල ඇතුළු එවක විපක්ෂයේ බෙදීම් උලුප්ප පෙන්වමින් ඒවා විහිළුවට ලක් කිරීම ය. ඒ සඳහා මාසයකට රුපියල් ලක්ෂ 5 ක ගෙවීමක් ඔහු ලැබීය. ඒ අතරතුර රුවන් ෆර්ඩිනැන්ඩස් සමඟ යටින් සබඳතා ආරම්භ කෙළේ එජාප රජයක් පත් වුවහොත් එයින්ද කුට්ටියක් කඩා ගැනීමටය. නදීෂා හේමමාලි නම් නිළිය දේශපාලනයට හඳුන්වා දුන්නේ රුවන්ය. රුවන්ට පිම්පි වැඩේ කලේ ශාන්තය. ඒ අවදියේ රුවන්ට ගමන් බිමන් පහසුකම් ඇතුළු බොහෝ දෑ සප්ලයි කෙළේ මේ පුද්ගලයාය. රුවන්ගේ ආධාරයෙන් එජාප ප්‍රබලයන් හඳුනාගත් ඔහු දැන්වීම් ප්‍රචාරණ ආයතනයක් ආරම්භ කරමින්, යහපාලන රජයේ ලොතරැයි කිහිපයක ප්‍රචාරණ අයිතිය ලබාගත් අතර මහින්ද රජය සමග තිබූ සබඳතා නිසාම ශිරාල් ලක්තිලකගේ සහ දයාසිරි ජයසේකරගේ උපකාරයෙන් ශ්‍රීලනිප පාර්ශවයේ ප්‍රචාරණ කටයුතුද ලබාගන්නට සමත් විය. රුවන්ගේ සත්හඬ පුවත් පතේ මල් පත්තරයේ සංස්කාරක වෙමින් නවක ටෙලි නිළියන් හඳුනාගනිමින් සිය පත්තර කලාව පිම්පි කලාවක් බවට පත් කරගත්තේය. එහෙත් සත්හඩ වෙනුවෙන් ඇමතිවරුන්ගේ සම්මුඛ සාකච්ඡා ලබාගන්නට හැකියාවද ඇතිකර ගත් ඔහු එම සම්බන්ධතා මගින් සිය ප්‍රචාරණ ආයතනයට ජොබ් ලබා ගත්තේ ය.

මහින්ද රාජපක්ෂට ඡන්දය දැමීමට යාමට මෛත්‍රීපාල සිරිසේනගේ ඩමිය සපයා දීම ඔහු කළ නීච ක්‍රියාවකි. රුවන් එය දන්නේ වී නමුත් එම සිදුවීම මංගලගෙන් වසන් කරමින් සිටියි.

ශාන්ත බණ්ඩාර දන්නා මාධ්‍ය ප්‍රචාරණයක් නැත. දන්නේ ගොට්ට ඇල්ලීම පමණි. එවැන්නෙක් රජයේ ප්‍රචාරණ ආයතන ප්‍රධානියා ලෙස පත්වීම සැබැවින්ම නීති විරෝධිය, මක්නිසාදයත් ඔහු පෞද්ගලික ප්‍රචාරණ ආයතනයක හිමිකරුවෙකු බැවිනි. මංගල සමරවීර ඇමැතිවරයාට සදාචාරය පිළිබඳ අබමල් රේණුවක හැඟීමක් තිබුනා නම් ලබැඳියාවන් අතර ඍජු ගැටුමක් ඇතිකරවන පුද්ගලික ප්‍රචාරණ ආයතනයක හිමිකරුවෙකු රජයේ ප්‍රචාරණ ආයතනය වන සැලසිනේ සභාපතිවරයා කරන්නේ නැත. ඒ මදිවාට දැන් සැලසිනේ පුද්ගලික සමාගමක් කරන්නට මංගල මුලපුරා ඇත.

සැලසිනේට තිබූ ලොතරැයි 5 ක දැන්වීම් මංගලගේ සොයුරියට

ශාන්ත බණ්ඩාර සැලසිනේ සභාපතිව පැමිණීමත් සමග ඉහල සහ පහළ වශයෙන් දූෂණ දෙයාකාරයකට සිදුවේ . මීට පෙර රූපවාහිනී දැන්වීමක් සඳහා ගෙවීම් සඳහා සැලසිනේ නිර්ණායක තිබුණද “අපිට ඕනේ කොලිටි බඩු ” කියමින් සභාපතිවරයාගේ හිතවත් නළු නිළි සම්බන්ධිකාරකයන් මාර්ගයෙන් ඉහල මිල ගණන් වලින් පිටතට ගෙවීම් සිදුකරයි. මේ දූෂණය පිලිබඳව මුල්‍ය අංශය සභාපතිවරයාගෙන් ප්‍රශ්න කළ විට දී ඇත්තේද ඉහත පිළිතුරය.

මීට පෙර සිටි සියළු සභාපතිවරු ලොතරැයි දැන්වීම් හා ප්‍රචාරයන් සැලසිනේ ආයතනය වෙත ලබා ගැනීම සඳහා මූලිකත්වය ගෙන ක්‍රියා කළද සංවර්ධණ ලොතරැයිය, ජයෝදා, ලක්ෂපති, සුපර් බෝල් ඇතුළු ලොතරැයි 5 ක ප්‍රචාරක කටයුතු පුදා ඇත්තේ මංගල ඇමතිවරයාගේ එක කුස උපන් සහෝදරිය වන ජයන්ති චන්දානි ගුණවර්ධනට අයත් බේට්ස් ඇඩ්ස් ආයතනයට ය. සැලසිනේ සතුව තිබූ ලොතරැයි පහක කොන්ත්‍රාත් ඇමැතිගේ සොයුරියට ලබා ගත හැකි ආකාරයට කටයුතු කිරීමෙන් ශාන්ත බණ්ඩාර සභාපතිවරයා ඇමතිවරයාගේ සිත සතුටු කොට තිබේ.

පිටත ශිල්පීන්ට ගෙවීම් කිරීමේ දී හිස් රිසිට් පත්වලට අත්සන් ලබා ගැනීම පුරුද්දක් කොටගෙන ඇති සැලසිනේ දිනපතා මුදල් හදන යන්තරයක් බවට පත්ව ඇත. ආයතනයේ පසුතල නිර්මාණ සභාපතිවරයාගේ හිතවතුන්ට ලබාදෙන ප්‍රතිපත්තියක් අනුගමනය කරන අතර මින් පෙර නොවූ මහා පරිමාණ දුෂණ ක්‍රමවේදයක් නිර්මාණය කර තිබේ.

උදාහරණයක් ලෙස මුදල් අමාත්‍යාංශයේ දැන්වීමක් නිර්මාණය කිරීමේ දී අමාත්‍යාංශයේ මුදල් පිටත ආයතනයන්ට ද ගෙවීම සිදුකරයි. නමුත් scheduling කිරීමෙන් ලැබෙන 15% ක කොමිස් මුදලින් කොටසක් පිටත වෙළද ප්‍රචාරක ආයතනයන්ට කොමිස් ගෙවීමක් සිදුකොට නොතිබුණි. නමුත් නව සභාපතිවරයා තමාගේ ‘නව අදහස්‘ යයි කියමින් මිලියන ගණන් sceduling මුදල් එළියට ගෙවමින් සිටී. මෙම මුදල් නැවත සභාපතිවරයාට එම ආයතනයෙන් කොටසක් හෝ සම්පුර්ණ වශයෙන් හෝ ලැබීම නොවැලැක්විය හැකි කරුණකි. උදාහරණයක් ලෙස රුපියල් මිලියන දහයක දැන්වීම් schedule එකකින් සැලසිනේ ආයතනයට රුපියල් ලක්ෂ පහළොවක් ලැබේ. ඉන් 5% ක් ලක්ෂ පහක් එලියට ඇදීම සිදුකරයි.

සැලසිනේ සතුව තිබූ ලොතරැයි දැන්වීම් තම සොයුරියට ලබා දීමේ දී නිහඬව සිටිනවා සේම සැලසිනේ කොමිස් මුදල් පිටතට ගෙවීම ගැන ද අමාත්‍යවරයා නිහඬ ප්‍රතිපත්තියක සිටින්නේ මන්දැයි ඔහු ජනතාවට පැහැදිලි කර දිය යුතුය.

මොවුන් යටතේ සැලසිනේ ආයතනය පුද්ගලික සමාගමක් ලෙස වෙනස් කිරීමේ කටයුත්ත හරහා ද වංචා සහ දූෂණ සඳහා නව ගැම්මක් ලැබීම නොවැලක්විය හැකිය.

තමන් පිරිසිදු යයි කී නිසා නොදන්නා අමාත්‍යාංශ පවා බාර ගෙන අමාරුවේ වැටුනා මදිවාට අත්දැකීම් ඇති මාධ්‍යය අමාත්‍යාංශයද කුරුවල් කරමින් මේ අපාය සහායකයන් මංගලව විනාශය කරා රැගෙන යනවා දැන් නැරඹිය හැකිය.

නුරාන් ඒකනායක විසිනි

Advertisements


අනවශ්‍ය දේවල්

  • 172,351 ක් බැළුවා

මරුවා වැහෙන දින

ජනවාරි 2018
බ්‍ර සි සෙ
« දෙසැ.   පෙබ. »
 123456
78910111213
14151617181920
21222324252627
28293031  

මිනී කාමරය

අළුත් මිනී

මරුවා සොයනා ලෝකය

Advertisements

%d bloggers like this: