28
ජන.
17

උරුමයක් නැති ජාතියක්

උරුමය නැතිකරගන්නා ජාතිය

ඉතිහාසය පුරා එකල විවිධ නම් වලින් හැඳින්වූ ලංකාවට ලෝකය පුරා පිලිගැනීමක් ලැබුනේ මහාතිත්ත, ගෝකන්න, ජම්බුකොලපටුන , ගොඩවාය වැනි වරායවල් නිසාය. ඉතිහාසයේ ප්‍රකට නාවිකයින් බොහෝමයක් ලංකාවට ගොඩබැස්සේ බටහිටර හා නැගෙනහිර යා කරන මුහුදු මාර්ගයේ ලංකාව පිහිටි නිසාත් ඉන්දියා මහද්වීපයට සමීපව පිහිටා ඇති නිසාත්ය.ලෝකයේ පැරණිතම පොතක් වන බයිබලයේ තැන් කිහිපයකම සඳහන් වන සොලමන් රජු මැනික්, ඇත්දල, වඳුරන් හා මොනරුන් ආනයන කල ටාෂිශ් නැමති වරාය ලංකාවේ දකුණුදිග වරායකැයි සමහර ඉතිහාසඥයෝ තර්ක කරති.ක්‍රිස්ටෝපර් කොලොම්බස්ටත් පෙර ලෝකය වටා ගියායැයි විශ්වාස කෙරෙන ෂෙන්ග් හේ නැමති සුප්‍රකට චීන නාවිකයා සිය දීර්ඝ මුහුදු චාරිකා 7න් 6 කදීම ලංකාවට ගොඩ බැස ඇත. 11-12 වන සියවස්වල චීන වරායන්ට පැමිනි සමහරක් විශාලතම වෙළඳ නැව් පැමිනියේ ලංකාවෙන් බව පැරණි චීන පොත්පත්වල සඳහන්වේ. රෝම අධිරාජ්‍යට ලංකාවෙන් දූතයින් පැමිනි බව ප්ලියිනි නැමති රෝම ඉතිහාසඥ්යා ලියා ඇත. මෙවැනි ප්‍රෞඨ නාවුක ඉතිහාසයකට අපට හිමිකම් කිව හැක්කේ අපේ භුගෝලිය පිහිටීම හා වරාය සම්පත් නිසාය. එමෙන්ම ලංකාවේ වර්ග කිලෝමීටර 65,000ක් භූමි ප්‍රමානය මෙන් 25 ගුනයක මුහුදු කලාපයක් එක්සත් ජාතීන්ගේ නවතම මුහුදු සීමා නීර්ණ නීතිය යටතේ අපට මෑතදී අයිතිවූ නිසා අනාගතයේ රට සංවර්ධන ක්‍රියාවලියේ සාගර ආශ්‍රිත ආර්ථික විසඳුම් ඉතා වැදගත් වනු ඇත. චීනයට හම්බතොටත් ඉන්දියාවට ත්‍රීකුණාමලය හා කන්කසන්තුර වරායනුත් දීර්ඝ කාලීන ගිවිසුම් යටතේ බදු දීම අනාගත පරපුර පවාදීමක් ලෙස මා දකින්නේ ඒ නිසාය. මේ වරායවල් අද ලබන හෝ නොලබන ආදායම ගැන කතාකරනවා වෙනුවට බුද්ධිමත් ජාතියක් සාකච්චා කල යුත්තේ හොඳ කලමණාකරනයක් යටතේ අනාගතයේ ලබා ගත හැකි ආදායම ගැනය. මේවා ගැන කතා කරණ විට එය දේශපාලනය කතාකිරීමක් ලෙස සිතා නොසතුටට පත්වන ශ්‍රී ලාංකිකයන් හුදකලා චරිත නොවේ. අප තාමත් මෙතන සිටින්නේ එවැන්නන් බොහෝ දෙනෙකු ඉතිහාසය පුරා මේ රටේ ජීවත් වූ බැවිනි.

උපුටා ගැනීම – ආචාර්ය නාලක ගොඩහේවාගේ මුහුණු පොතින්

Advertisements


අනවශ්‍ය දේවල්

  • 153,895 ක් බැළුවා

මරුවා වැහෙන දින

ජනවාරි 2017
බ්‍ර සි සෙ
« දෙසැ.   පෙබ. »
1234567
891011121314
15161718192021
22232425262728
293031  

මිනී කාමරය

අළුත් මිනී

මරුවා සොයනා ලෝකය

මරු ඒවා


%d bloggers like this: