22
නොවැ.
17

(ලැජ්ජා) බය නැති අගමැති

Sonala Gunawardana ලියයි

බය නැති අගමැති
===============

වීදී පහනින් පමණක් එළිය වූ අඳුරු සීතල රාත්‍රීයකි. ඉඳ හිට ධාවනය වන ටැක්සි රථයක් හැරෙන්නට මිනිස් පුළුටක් හෝ පෙනෙන්නට නැති නිසා බේකර් වීදිය පාලුවට ගොස් ඇති සෙයකි. වීදීයේ 221B නිවසේ සුපුරුදු ලෙස පහනක් දැල්වෙමින් මන්දාලෝකය විහිදුවයි. සුපුරුදු පුටුවේ වාඩිවී පයිප්පය උරමින් ෂර්ලොක් දැවැන්ත කල්පනාවක ය. මා ඔහු දෙස බලා සිටියේ වචනයක් පිට කරන තුරු ය. එක්වරම ෂර්ලොක් පුටුවෙන් නැගී සිටියේ ජයග්‍රාහී ලීලාවෙනි. ” වොට්සන් අපි දැන්මම යන්න ඕන…වොට්සන්ට මතකද බැංකු වීදිය නිවසේ තිබුණ බැඳුම් කරවිල ව්‍යංජනය? ෂර්ලොක් ඇසුවේය. ” ඔව්. මොකක්ද ඒකේ තියෙන විශේෂත්වය? මම ඇසුවෙමි. ඔහුගෙන් පිළිතුරක් නැත. ඔහුගේ මුහුණේ ඇත්තේ සාහසික සිනහවකි. “අපි දැන් බැංකු වීදියට යන්න ඕන” කෝට් බෑය හා තොප්පිය අතට ගත් ඔහු පැවසුවේ ය.

බැංකු වීදියේ මෙම නිවසේ සිදුවූ දැවැන්ත මංකොල්ලයට බැඳුම් කරවිල ව්‍යංජනයේ ඇති සම්බන්ධය මට සිතා ගත නොහැකි ය. අප නිවසට ඇතුළු වුයේ ෂර්ලොක් සතුව තිබූ යතුරෙනි. ” වොට්සන් බලන්න මේ භාජනය දිහා..දෙදෙනෙකුගේ ඇඟිලි සලකුණු තියෙනවා. එක්කෙනෙක් ලංසි ක්‍රමයට හැදිච්ච කෝට් පළඳින කෙනෙක්..” එහෙම කොහොමද කියන්නේ? මම ඇසුවෙමි. “මේ බලන්න තියෙන සිහින් නූල් කැබලි..නිතරම කෝට් පළදින සාක්කු වලට අත දමාගෙන ඉන්න නිසා තමයි එහෙම වෙන්නේ.” අනෙක් කෙනාත් කෝට් පළදින, කණ්ණාඩි දාන කෙනෙක් හැබැයි මෙහේ එක්කෙනෙක් නෙමයි.” “කොහොමද එහෙම හරියටම කියන්නේ? ” මම ඇසුවෙමි. මේකේ ගෑවිලා තියෙන ක්‍රීම් වර්ගය අපේ රටේ භාවිත කරන්නේ නෑ. නිතර නිතර ගුවන් ගමන් වල යෙදෙන නිසා සම වේලෙන නිසා තමයි මේ ක්‍රීම් වර්ගය පාවිච්චි කරන්නේ.” ඔහු භාජනය අල්ලලා තියෙන්නේ තරමක් උඩින්..කණ්ණාඩි පළදින අය භාජන අල්ලන්නේ එහෙම තමයි. අනෙක මේ දෙන්නා හොඳම මිතුරන් දෙදෙනෙක්. එක ළඟ ඉඳගෙන භාජනේ අල්ලලා තියෙන විදියෙන් ඒක කියන්න පුළුවන්…මේකෙන් බෙදලා තියෙන්නේ ළඟම ඥාතියෙකුට ඒකයි තියෙන ලොකුම හැන්ද භාවිතා කරලා තියෙන්නේ…” ෂර්ලොක් ගේ සුපරික්ෂාකාරී ඇස් හා තියුණු මනස මා විස්මිත කරවයි.

ඉතින් මේ ව්‍යංජනය මංකොල්ලයට සම්බන්ධ වෙන්නේ කොහොමද ? මාගේ ප්‍රශ්නය නිසා ෂර්ලොක් ගේ මුහුණේ ඇඳුනේ සියුම් සිනහවකි. ” වොට්සන් මේ බැඳුම් කරවිල ඇවිල්ලා ජාන වෙනස් කමට ලක්කරපු දීර්ඝායුෂ දෙන, බෙලහීනත්වය නැති කරන, සදාකාලික තාරුණ්‍යය රැක දෙන ඔසුවක්. ඒක නිසා තමයි මේකට හැමොම ඉල්ලුම් කරන්නේ. මොකද පසු කාලෙක වැඩි මිලට විකුණන්න පුළුවන් දීර්ඝකාලීන හොඳ ආයෝජනයක් නිසා. ඒ නිසා තමයි මේ දෙන්නා එකතු වෙලා වැඩිපුර ඥාතියාටම බෙදලා තියෙන්නේ..එතකොට ඒ ඥාතියාට පුලුවන් විවෘත වෙළඳපොලේ වැඩිමිලට මේවා විකුණලා ලොකු ලාභ ලබන්න…හරි දැන් යමු කෝට් කාරයා ඉන්න තැනට”

ෂර්ලොක් ටැක්සිකට අත දමා නැවත් වීය. අපිට සමුද්‍රාසන්න වීදීයට යන්න ඕන…විනාඩි පහක පමණ ගමනකින් පසු ෂර්ලොක් ටැක්සි රථය දැවැන්ත අරලිය ගසකින් යුත්, සුදුහුණු පිරියම් කළ පැරණි මන්දිරයක් බඳු වු නිවසක් අසල නතර කළේය.එහි විවිධ වර්ගයේ ටයි කෝට් කරුවන් විය…නිතර අමතක වීමේ රෝගයෙන් පෙළෙන ඩිමෙන්ෂියා රෝගියෙකු හා සුදු ඇදුමින් සැරසුණු මාගේ මිතුරෙක් ද එහි විය. මට මතක ඇති ලෙස, කුඩා කල තේම්ස් නදිය අසල අසුන් පැදවූ ඔහු පාසල් ගියේ ද බෙන්ස් රථයෙනි. බැඳුම් කරවිල වල ඇති ගුණ අගුණ ගැන පොතක් ද ලියුවෙකි. පරම්පරාවන් ධනවතෙකු වූ නිසා ලන්ඩනය යට කළ මහා ගංවතුරේ විපතට පත් වූවන්ට කෙසෙල් ගෙඩිය බැගින් දීමට ඔහුට හැකි විය.ෂර්ලොක් හෝම්ස් පැමිණ ඇත්තේ අගමැති නිවසට බව මම දැනගත්තේ පසුව ය. ෂර්ලොක්ගේ පැමිණීමෙන් අගමැති බිය වු බවක් පෙනෙන්නට නොවී ය. පැයක පමණ ප්‍රශ්න කිරීමකින් පසු ෂර්ලොක් පිටතට පැමිණියේ බලාපොරොත්තු සුන් වු අයුරකිනි.

“වොට්සන්…මිනිහා ‘ප්‍රොෆෙසර් මොරියාටි’ටත් වඩා දරුණු මිනිහෙක්. ඉස්සර බැට්ලෑන්ඩ් වල දරුණු වධකාගාරයක් පවත්වාගෙන ගිහිල්ලා තියෙනවා. ඒක නිසා මේ වගේ දේකින් බය කරන්න අමාරුයි. අපිට ඇහැ ගහගෙන ඉන්න වෙනවා. ඉස්සරහට ඔයිට වඩා දරුණු මංකොල්ලකෑම් මිනිහා කරන්න ඉඩ තියෙනවා. අපි දැන් යමු ස්කොට්ලන්ඩ් යාඩ් වලට, ලෙස්ට්‍රාඩේ හමුවෙන්න…”

“ටැක්සි….” මම ටැක්සියකට අත දැමුවෙමි.

====

© සොනාල ගුණවර්ධන.

Advertisements
20
නොවැ.
17

දෙමලාගේ මාධ්‍ය භාවිතාව ජනමාධ්‍ය බූරුවන් හා රට කරන ගමයා

 

20
නොවැ.
17

සිරිසේන….. (තුමා කෙසේ වෙතත් ජනාධිපති කියන්නවත් අපේ දිව නැමෙන්නේ නෑ

සිරිසේන..—😂😂😂😂😂😂😂😂😂😂😂😂🔫 උඹනම් නියම මෝඩයෙක්. බොට තේරුනේ නෑනේ යකෝ සිංහල අපි කන්නේ බත් කියලා.. කොරන්න දේකුත් නෑ. එක අතකට තොපි සිංහලත් නෙවෙයිනේ.. නිකම් නමට විතරයි.. (ඡන්දේ දීපු හරක්ටත් එක්ක තමා කිව්වේ) දෙමළුන්ටයි හම්බයින්ටයි ඕනෑ විදිහට තමා උඹ නටන්නේ.
දින සීයෙන් කොරනවයි කියපුවා කෝ?
යූඇන්පී හොරු ටිකත් එක්ක ඡන්දෙට කලින් කියෙව්වා මහින්දයි ඇමති සෙට් එකයි අරවා හොරා කෑවා මේවා හොරා කෑවා කියලා.. ඒත් දැන් බොලාට සාක්කි නෑලු. අපි මොනවහරි දන්නවනම් කියන්නලු.. ඉතුරු වුනේ තිස්සගේ ඇමති කම විතරයි. මොන්ටිසෝරි බබාලා මීට වඩා බොහෝ වගකීමෙන් වැඩ කරයි..

ජාතික ගීය දෙකක් වෙලාය. බොට ඡන්දෙ දීපු බඩජාරි නිවට රැල නම් කියන්නේ “ඉතින් මොකෝ. ඒක ඒ අයගේ භාෂාවනේ..” කියාය. හැබැයි ඒ නපුංසකයෝ “මේක සිංහල රට” බව නොදනී..
අද ජාතික ගීය දෙකක් වෙද්දී එහෙම කිය එවුන් හෙට රට දෙකක් හෝ තුනක් වෙද්දී කියන්නෙත් ඔය ටිකමය. උන් කුඩු ගහපු උන් වගේය. උන්ගේ ගොබ්බ මනෝ ලෝක හදාගන්න උන්ගේ අම්මව විකුනන්නත් උන්ට පුලුවන්ය.

සිරිසේන.. වැදගත්ම දේ මේකයි. අවවාදයක් දෙන්නයි මේ වැල්වටාරමේ මූලික අරමුණ. රටක ජනපති වීම වාසනාවකි. නමුත් උඹ (උඹේ කරුමෙට) ද්‍රෝහී රැලකගේ ඇම කා ජනපති වී කරගත්තේ නම් හොදක් නොවේ. එතනින් එහාට උඹ කරපු බොහෝ වැඩ සාප වදින වැඩය. පහුගිය ආණ්ඩුවෙන් ආප්පේ කා කරණම ගහනකම් උඹ යස අගේට නමක් තියන් හිටියා. පවුලේ දේවලුත් කරදරයකින් තොරව උනා.
හොදට මතක් කරලා බලපන් කරණමින් පස්සේ උඹට උනේම කෙළ වෙන දේවල්ය. මල්ලිට ලැබිච්ච පොරවත් එහි වැදගත් සංධිස්තානයකි. උඹේ සූදානම ඉස්සරහටත් මෙහෙම්මම යන්න නම්, තව ලොකු හෙන පාත් වීමට නියමිතය..
මනංකල්පිත දෙවියන්ට පූජා තිබ්බට එව්වා ඇරගන්න කොහෙත්ම බැරිය.
මොළේ කළදක් හෝ ඇත්නම් වටේ ඉන්න දත් ගලෝන එවුන්ගෙන් බේරිලා හොද මිනිහෙක්ගෙන් උපදෙසක් ගනින්. මොකද හරි පාරට එනවනම් තවම චාන්ස් එක තියෙනවාය.
වචන නම් සැරයි වගේ තමා. ඒත් තේරුම් ගන්නවා නම් උඹ ගොඩය.යූඇන්පී හොරු රැලට ඕන උනේ රාජපක්ෂලාට විරුද්ධව ඇති නඩු ඉක්මන් කරගන්න නොවේ. මහබැංකු හොරකමේ මූලිකයන් වන රනිල්, මලික් ඇතුලු අනෙක් හොරු ටික අසුවීම වලක්වා ගන්නයි. දැන් අධිකරණ ඇමති දූරයට හෙංචයියෙක්ව පත් කරගෙන ඒ මාර්ගයෙන් නීතිපති දෙපාර්තමේන්තුවට බලපෑම් කරලා හොරු තක්කඩි ටිකට ගැලවෙන්න මාර්ගයක් හදා ගනියි. පඹ ජනාධිපති රනිල්ගේ අතේ නැටවෙන රූකඩයක් බව දැන් හොඳටම පැහැදිලියි නේද…දැන් බොලා පිළිගන්නවද රටට වැදුනේ සිරිසේනගෙ ශාපය කියලා.මල හිරු බැස යද්දි දිවුරුම් දීලා රට බාර අරන් රටට වුනු විනාශය.

Image may contain: 1 person, standing and sitting
15
නොවැ.
17

මහා මයිලෝ – හිටං ජාතකය (නියමයි)

Sonala Gunawardana

================

යටැ ගිය දවසැ පුලතිසි නුවර ජාත්‍යන්තරයට අධිපති වූ, සංහිඳියාවට අධිගෘහිත වූ, සරලකමෙහි ප්‍රතිබිම්බය වූ, ශ්වේත වර්ණ වස්ත්‍රයෙන් බබලන්නා වූ, සිවුසැට ආභරණ පසෙක ලා උපැස් යුවලින් පමණක් සැරසුණා වු, වෛජයන්තී දේවීයට ස්වාමී වූ, දහම්සොඬ පුත් රුවනට හා චත්තාරිකා දු කුමරියට පීතෘ වූ , විජයකලාවන්ට සකල කලාවන් පාන්නා වූ, රුපුනොද එඩිය බිඳ, දෙසැට ලක්ෂයක් වෘෂභයන්ට දිව්‍ය රාජෝත්තමයා වූ, පොළවෙන් මතුවුණා වූ , මහානුභාව සම්පන්න මෙත්පල් නම් නිරිඳෙකු රාජ්‍ය විචාරණ්නට වම් හ.

මෙකල්හි රට වැසියෝ බොහෝ සැප සම්පත් වලින් යුක්තවැ දැහැමින් සෙමින් දිවි ගෙවන කල්හි මෙය දරාගත නො හී යක්ෂයන්ට අධිපති වු, ගෝත්‍රික බයි වැසියනට රජ වු, මහා තෙද බල පිරිබාහරන් ගේ ශීර්ෂය සතරකඩකට පැළුවා වූ , රන් කහවනු දහඅට කෝටියක් සොරාගෙන උතුරු කුරු දිවයිනේ සැඟෙව්වා වු මහේන්ද්‍ර නම් යක් තෙමේ ලෝක පාලන දෙවියන් හා මිත්‍රව රට වැසියා මධුමේහය ආදී අට අනූවක් ව්‍යාධි බාහුල්ලයන්ගෙන් පෙළනු වස් මයිලෝ නැමති පානයක් මවා රට වැසියා එය පානයට පොළඹවා ශරීරගත ශර්කාරා ප්‍රමාණය ඉහල දමන්නට විය.

මෙත්පල් නිරිඳු මෙ කාරණා දෙසවන් වැකුණු මොහොතේ ක්ෂීරපථය සොලවා, වේරම්බ වාතයෙන් කලම්ඹා, අහස් මුදුන් තෙක් දුහුවිලි නංවා මහේන්ද්‍රයාණෝ පරසක්වල ගසන්නෙමි යි කුංචනාද කරන්නට විය.

ඈත දූලීන් වැසී ගිය මෙත්පල් රජු ය…
මෑත මයිලෝවක් අතින්ගත් මහේන්ද්‍රයෝ ය…
ඈත කෝපයෙන් රත්ව ගිය යවට වන් මෙත්පල් රජු ය….
මෑත ගත සිත පුබුදු කරන පානය ඇතැති මහේන්ද්‍රයෝ ය…
ඈත බැලූ බැලූවන් හිටං යැයි කියවෙන මෙත්පල් රජු ය….
මෑත දිව පිනවන පානය ගත් මහේන්ද්‍රයෝ ය…
ඈත එබූ පයින් මහ පොළොව පලා යන මෙත්පල් රජු ය….
මෑත රත් පැහැ සාටකයෙන් බබලන මහේන්ද්‍රයෝ ය….

වෙන්නට යන මහා විපත දැක රජවාසලෙහි මොළයානන් වහන්සේ වන විකුම්සිහ තෙමේ මෙත්පල් නිරිඳු හා සතරකන් මන්ත්‍රණ පවත්වා ශර්කාරා පානය පිළිබඳව සොයා බැලීමට රජවාසලේ විශ්‍රාමික කේවට්ටයන් තිදෙනෙකුගෙන් යුත් කමිටුවක් පත් කිරීමට උපදෙස් දෙන්නා හු ය.මෙය අසා කෝපයට මෙත්පල් තෙමේ ඒ යෝජනා අලුයම ලූ කෙළ පිඩක් සේ ඉවත දමා රට වැසි තෙමේ දෙස මහා කරුණා නෙත් යොමා මයිලෝවක් රැගෙන ගෙයින් ගෙට වැද හොත්තේ ය. ඉනික්බිති ඒ පාන පෙන්වා අනන්තාපරිමාණ අර්ථානර්ථ දක්වා ඒ වෙනුවට බීර පානය කරන ලෙස ආයාචනා කරන්නට වු හ. එ බස් අසා රට වැසියෝ මහත් සොම්නසට පැමිණැ මයිලෝ පාන ඉවත දමා මහා සිද්ධාර්ථ තෛලය වන් බීර පානය කිරීමට උත්සුක වු හ.

ඉක්බිති රට වැසියෝ සෞඛ්‍ය සම්පන්න බීර පානයට හුරු වී, අට අනූවක් වූ සියලු ව්‍යාධි බාහුල්ලයන්ගෙන් මිදී තෙද බලැති සිරුරැතිව යහපාලනගතව කල් යැවූ හ’යි මෙයින් දත යුතු.

මහා මයිලෝ ජාතකය මෙතකින් නිමියේ වෙයි.

15
නොවැ.
17

ලිංගික වහල් සේවයට ගෑනු විකුනන අාන්ඩු ෙව් ෙපාන්න ෙයා්

ලංකාවේ දරුවන් හා කතුන් සෞදියේ බලෙන් ලිංගික වහල් සේවයේ යොදවලා..- රජකුමරිය හෙළි කරයි…

ලංකාවේ දරුවන් හා කතුන් සෞදියේ බලෙන් ලිංගික වහල් සේවයේ යොදවලා..- රජකුමරිය හෙළි කරයි…

ශ්‍රී ලංකාව බංගලා දේශය පිළිපීනය, සෝමාලියා, ජිබුටි නයිජීරියාව, රුමේනායාව සහ බල්ගේරියාව යන රටවල අනාථ දරුවන් සෞදි ආරාබිය තුළ ලිංගික වහල් සේවයේ යොදවන බව සෞදි අරාබියේ රජ කුමරියක වන අමීර් බින්ට් අයිඩන් බින් නයිෆ් ප්‍රන්ශයේ ලී මොන්ඩේ නම් පුවත්පතට සම්මුඛ සාකච්ඡාවක් ලබ දෙමින් මෙසේ හෙළි දරව් කර ඇත.

මෙම රජ කුමරිය මෑතකදී සෞදි ආරාබියේ දූෂණ මර්ධන මෙහෙයුමක් අතර තුරදී අත්අඩංගුවට පත් වූ අල් වලීඩ් බින් තලාල් කුමරුගේ පෙර බිරියයි.

ජෙඩා නගරය මත්ද්‍රව්‍ය හා මත්පැන් වලට ඇබ්බැහි වූවන් උදෙසා බාල වයස් කාර දැරියන් ලිංගික වහල් සේවයේ යොදවන නගරයක් බවට පරිවර්ථනය කර ඇති බවද කුමරිය වැඩි දුරටත් පවසා ඇත.

මෙහිදී මෙම දරුවන් ඔවුන් මිලට ගන්නා අයගේ දේපලක් බවට පත් වන අතර අයිතිකරුවන්ගේ අවසරයකින් තොරව දරුවන්ට පිටව යාමට පවා හැකියාවක් නැත.

එමෙන්ම සෞදියට රැකියාව සඳහා එන ආසියානු ගෘහ සේවිකාවන් පවා වහලුන්ගේ තත්ත්වයට පත් වන බව කුමරිය පවසා ඇත.

බාල වයස්කාර ගැහැණු දරුවන් කුඩා කණ්ඩායම් වලට බෙදා ඔවුන්ගේ නොමනා ක්‍රියා සඳහා යොදවා ගන්නා බවද හෙළි දරවු කර ඇත.

ආසියානු කාන්තාවන්ට අමතරව සුදු කාන්තාවන්ද ගෙන්වීම සහ ලිංගික ක්‍රියාවල යොදවමින් ඔවුන් ද ගසා කෑම බහුලව සිදුවන බවද රජ කුමරිය පවසා ඇත.

– adaderana

10
නොවැ.
17

මහාචාර්ය සරත් විජේසූරිය හා හොරු නඩය වෙත ලියමි

hora

Sonala Gunawardana
මහාචාර්ය  හරක් සරත් විජේසූරිය වෙත ලියමි,

=================================

මහාචාර්යතුමනි,

මෑත කාලයේ බොහෝ පිරිසක් ඔබව අමතන්නේ හුචක්කුව, හරක් විජේසූරිය, ඩොලර් කාක්කා, NGO බත් බැලයා යන අන්වර්ථ නාම වලින් වුවද, මා ලබා ඇති සුළු අධ්‍යාපනයට පින්සිදු වන්නට එසේ කිරීමට සිත් නොදේ. එබැවින් ඔබට මහාචාර්යතුමා ලෙස ඉදිරියටත් ආමන්ත්‍රණය කරමි.

මහාචාර්යතුමනි, ඔබ ඊයේ දිනයේ සෝභිත හිමියන්ගෙන් ගුණානුස්මරණයේදී සිදු කළ කතාව අහම්බෙන් කන වැකුණු නිසා මෙසේ ලිවීමට සිත් විය. කොලයක් බලාගෙන කරන ලද මෙම කතාව සිහිගැන්වූයේ ඔබ පසුගිය වසරේ පදනම් ආයතනයේදී ඔබගේ ග්‍රන්ථය එලි දැක්වීමේදී කළ කතාවයි. එම කතා දෙකෙහිම වැඩි වෙනසක් නැත. බොහෝ විට කම්මැලිකම නිසා එකම කොලය රැගෙන විත් එකම කතාව සිදු කළා විය හැකි ය. පළමුව, ග්‍රන්ථ එලි දැක්වීමකදී හා ගුණානුස්මරණයකදී කතාවක් සිදු කළ යුත්තේ කෙසේද යන්න ඔබගේ මහාචාර්ය නුවණට නොවැටහීම පිළිබඳව මට ඇත්තේ පුදුමයකි. ඇත්තෙන්ම පුදුම විය යුතු ද නැත. මෙම යහපාලන ආණ්ඩුව බලයට පත්කිරීමට හා සාධාරණ සමාජයක් ගොඩනැගීමට ඔබ පෙරමුණ ගත් අයෙක් නිසා සිහිනෙන් පවා මේවා ගැන සිතෙනවා වෙන්නට පුළුවන.

ඔබගේ කතා දෙකෙහිම සාරාංශය ගත් විට එය කරණු දෙකකට ගොනු කළ හැකි ය. එකක් නම් තවමත් සුළු පිරිසක් මුමුණන “රාජපක්ෂ” භීතීකාව යි. අනෙක ඔබ මේ ආණ්ඩුවේ ක්‍රියා කලාපය ගැන ලැජ්ජාවට පත් වන බව පැවසීමයි. ඔබට ලැජ්ජාවක් ඇති එක ගැන තරමක් හෝ සතුටක් දැනේ. එහෙත් ඔබට ලැජ්ජාව ඇත්තේ රාජපක්ෂ පවුල හිරේ දමා ගැනීමට නොහැකි වීම පිළිබඳව පමණි. ඔබගේ කතාවේදී සංවේදී වූයේ සෝභිත හිමියන් ගැන නොව එක්නැලිගොඩ ගැන ය, ලසන්ත වික්‍රමතුංග ගැන ය. තජුඩීන් ගැන ය. එකල සිදුවූ හොරකම් ගැන ය. 2015 ජනවාරි 8 වෙනිදා සිට මේ දක්වා පොලිස් බාරයේ සිට පුද්ගලයන් 12 දෙනෙකු මරා දමා ඇති බව ඔබ නොදන්නවා විය හැකි ය. (Extra Judicial Killings – AHRC report 2017) දැනට කෝටි 20,000 පමණ පාඩුවක් ඇති කළ මහා බැංකු හොරකම ගැන ඔබ කාර්යබහුල නිසා අසන්නට නොලැබෙන්නට ඇත. යහපාලන හංසයා ලකුණ පක්ෂයේ නායකයා සහ සහ ලිට්රෝ සමාගමේ හිටපු සභාපති කළ ඩොලර් මිලියන 1.1 හොරකම ගැන දැන ගන්නට ඔබ පත්තර කියවන්නේ නැති වෙන්නට පුළුවන. අනෙකුත් වංචා දූෂණ ගැන ඔබගේ අවධානය ද එසේම විය හැක.

ඔබගේ සාධාරණ සමාජය අපේක්ෂා කළේ නීතීයේ ආධිපත්‍යය රැක ගැනීමට ය. එය එලෙසම ඉටු වු බව පෙනේ. දන්නේ නෑ, මතක නෑ කියන ඈයන්ට, රිය අනතුරු කළ වුන්ට, ඩිෆන්ඩර් වලින් පැහැරගත් අයට නීතය අකුරටම ක්‍රියාත්මක වූයේ හරියට අඹ ගෙඩි තුනක් කැඩූ අම්මාට දඬුවම් කළ ආකාරයටම ය.

ඔබ සිහිනෙන් පවා දකින, බුදුන් වැඳ පවා ඉල්ලන, සියලුම රාජපක්ෂවරු හිර ගත කළේ යැයි උපකල්පනය කරමු. ඉන් පසු 2015 සිට පල්ලම් බසින දළ දේශීය නිෂ්පාදිතය, ඒක පුද්ගල ආදායම, විදේශ ආයෝජන, ඩොලර් සංචිතය, කොටස් වෙළෙඳපොළ හා ඉහල යන රාජ්‍ය ණය, විදෙස් ණය, රැකියා වියුක්තිය යන ආර්ථිකය සම්බන්ධ කාරණා එක රැයින් යථා තත්ත්වයට පත්වීම ඔබගේ මහාචාර්ය මොළයට වැටහුන ද මා වැනි සාමාන්‍ය පුද්ගලයෙකුට නොවැටහීම අරුමයක් නොවේ.

ඔබට ලැජ්ජාවක් තිබීම ගැන මට ඇත්තේ ආඩම්බරයකි. මේ යහපාලන ආණ්ඩුව බලයට ගේන්නට වැඩ කළ බොහෝ දෙනා දැන් චිත්‍රපට විචාරය, සාහිත්‍ය විචාරය, කවි නිසදැස් විචාරය. පශ්චාත් නුතන වාදය, අපෝහන වාදය, දයලෙක්තික වාදය වැනි ගැඹුරු කාරණා කෙරෙහි යොමු වී ඇත. එසේ බලන කළ ඔබ ලැජ්ජා සහිතව හෝ යහපාලනය වෙනුවෙන් පෙනී සිටීම ගැන ආඩම්බර විය යුතු ය. ඒ නිසා ජලයේ උඩුකුරු විස්ථාපනය ගැන සොයා ගත් ආකිමිඩිස් හෙළුවෙන් දිව්වා මෙන් යහපාලනය සොයා ගත් ඔබ හෙළුවෙන් දුවන්නේ යැයි කවුරුත් නොසිතනු ඇත.

ඔබට සාධාරණ සමාජයේ පිහිටයි!

සොනාල ගුණවර්ධන.

10
නොවැ.
17

(තොපිට හොඳ වැඩේ) ලසන්ත රුහුණගේ දැං ඉතිං කාපං අසූචි

රනිල් කියූ යහපාලන මාධ්‍ය නිදහස මෙයද..

රනිල්ට කඩේ යනගමං  පොන්නයා පත්කල සිරිසේනට ගහන නිසා ලංකා ඊ නිවුස් අවහිර කලාට දැඩි විරෝධය..

ලංකා ඊ නිවුස් වෙබ් අඩවිය ශ්‍රී ලංකාව තුල අවහිර කිරීමට සිය දැඩි විරෝධය පල කරන බව වෘත්තීය මාධ්‍යවේදීන්ගේ සංගමය පවසයි.

මේ බව සදහන් කරමින් එම සංගමය විසින් නිකුත් කර ඇති නිවේදනය මෙසේය.

ලංකා ඊ නිව්ස් වෙබ් අඩවිය අවහිර කිරීම සම්බන්ධයෙනි…

ලංකාඊ නිව්ස් වෙබ් අඩවියට ශ්‍රී ලංකා ටෙලිකොම්හි අන්තර් ජාල පහසුකම භාවිතාකරමින් 2017-11-08 දින සිට පිවිසීමට නොහැකි වන සේ වාරණය කර තිබීම අප සංගමයදැඩි ලෙස හෙළා දකිමු. මෙම පියවර යහපාලන ආණ්ඩුව මාධ්‍ය මර්දනය වෙනුවෙන් ගනු ලැබූ පළමු පියවර නොවන අතර මීට පෙර රාජ්‍ය නිලධාරීන්, ආරක්ෂක අංශ සහදේශපාලනඥයින් මාධ්‍ය නිදහසට කළ බලපෑමට අප විටින් විට විරෝධය පළ කෙළෙමු.

මාධ්‍ය නිදහස ශපථ කරමින් බලයට පැමිණි යහපාලන ආණ්ඩුවේ මෙවැනි පියවර ජනතාව සහමාධ්‍ය සමාජය කිසිසේත් බලාපොරොත්තු නොවන්නකි. ලංකා ඊ නිව්ස් වෙබ් අඩවිය වාරණයට ලක් කර ඇත්තේ විදුලි සංදේශ නියාමන කොමිසමේ උපදෙස් පරිදි බව අපට විශ්වාසවන්ත ආරංචි මාර්ග හෙළිකර සිටියි.

මෙමවාරණ නියෝගය නිකුත් කළ විදුලි සංදේශ නියාමන කොමිසම පවතින්නේ ජනාධිපතිවරයා යටතේ වීමත් ශ්‍රී ලංකා ටෙලිකොම් ආයතනය පවතින්නේ ජනාධිපතිවරයාගේ සහෝදරයාගේ යටතේ වීමත් මෙම හදිසි වාරණයේ සුවිශේෂී කාරණයකි. ලංකා ඊ නිව්ස් වෙබ් අඩවිය වාරණයට ලක් කිරීම පිළිබඳ ආණ්ඩුව වහා ප්‍රකාශයක් සිදුකළ යුතු බව අප අවධාරණය කරමු. පසුගිය මහින්ද රාජපක්ෂ රජය යටතේ ද ලංකා ඊ නිව්ස් වෙබ් අඩවිය වාරණයටලක් වූ අතර එකී ආයතනයට ගිනි තැබීම ද එහි මාධ්‍යවේදියෙකු වූ ප්‍රගීත් එක්නැලිගොඩ අතුරුදහන් කිරීම ද සිදුවිය.

ආණ්ඩුවක් විවේචනයට බිය විය යුත්තේ තමන් අත වැරදි ඇතිනම් පමණි. එසේ නොවන්නේ නම් එකී විවේචන වලට පිළිතුරු දීමට ඕනෑම මාධ්‍ය ආයතනයක් සහතික කර තිබේ. විවේචන වලටපිළිතුරු දීම වෙනුවට මර්දනයකට කැස කැවීම යහපාලන රජයකට නොවටිනා දෙයකි.

ලංකාඊ නිව්ස් වෙත සිදුකර ඇති වාරණය වහා ඉවත් කරන ලෙසත් මේ සම්බන්ධයෙන් සිය මතයප්‍රකාශ කරන ලෙසත් ජනාධිපතිවරයාගෙන්, අගමැතිවරයාගෙන්, ජනමාධ්‍ය ඇමැතිවරයාගෙන් සහ ශ්‍රී ලංකා ටෙලිකොම් ආයතනය බාර ඇමැතිවරයාගෙන් අපි වැඩිදුරටත් ඉල්ලා සිටිමු.

අත්සන් කෙළේ

ලසන්ත රුහුණගේ – සභාපති
දුමින්ද සම්පත් – ලේකම්




අනවශ්‍ය දේවල්

  • 159,868 ක් බැළුවා

මරුවා වැහෙන දින

නොවැම්බර් 2017
බ්‍ර සි සෙ
« ඔක්.    
 1234
567891011
12131415161718
19202122232425
2627282930  

මිනී කාමරය

අළුත් මිනී

මරුවා සොයනා ලෝකය